အိုဘားမား ပြန်လျင် ဘာကျန်ခဲ့မည်နည်း

ဇာတ်သမားပြန်လျင် မှတ်သားစရာ ကျန်ရမည်ဆိုသည့် စကားအတိုင်း၊ အမေရိကန်သမ္မတ ဘားရက်ဟူစိန် အိုဘားမား မြန်မာနိုင်ငံမှပြန်လျင် ဘာကျန်ခဲ့မည်ကို စောင့်ကြည့်ရဦးမည်ဖြစ်သည်။ နှစ်နိုင်ငံသမိုင်းတွင် ပထမဆုံးဖြစ်သည့် အမေရိကန် သမ္မတ၏ မြန်မာနိုင်ငံအလည်အပတ် ခရီးစဉ်သည် ပစိဖိတ်၊ ဘင်္ဂလားဒေ့ရှ်၊ နယူးဒေလီ၊ ပေကျင်းတို့နှင့် ဆက်စပ်လျက် သတင်းမျက်နှာစာများတွင် သတင်းကြီးနေသည့်နည်းတူ၊ အိုဘားမားခရီးစဉ်အလွန် မြန်မာ့နိုင်ငံရေး၊ စီးပွားရေး၊ လူမှုရေး နယ်ပယ်များတွင် မည်သည့် ပြောင်းလဲတိုးတက်မှုများ ဖြစ်ထွန်းလာမည်ကိုစောင့်ကြည့် လေ့လာရဦး မည်ဖြစ်သည်။     သမ္မတဘားရက် ဟူစိန်အိုဘားမား၏ နိုဝင်ဘာလ မြန်မာနိုင်ငံ၊ ထိုင်းနိုင်ငံနှင့် ကမ္ဘောဒီးယားနိုင်ငံ ခရီးစဉ်သည် အမေရိကန်ပြည်ထောင်စုအနေဖြင့် အရှေ့တောင်အာရှနှင့် ဘင်္ဂလားပင်လယ်အော်ဒေသ ကို မဟာဗျူဟာမြောက် ထိုးဖောက်ဝင်ရောက်ရန် ခြေလှမ်းစခြင်းနှင့်အတူ၊ တရုတ်ပြည်သူ့သမ္မတနိုင်ငံ၊ အိန္ဒိယသမ္မတနိုင်ငံတို့နှင့် အကျိုးစီးပွားအဘက်ဘက်တွင် ကတ္တီပါစီးချင်းထိုးရန် အုတ်မြစ်ချ လိုက်ခြင်းဖြစ်နိုင်သည်ဟု သုံးသပ်ကြသည်။ ထို့ကြောင့် သမ္မတ အိုဘားမား၏ ခရီးစဉ်နောက်ပိုင်း၊ အရှေ့တောင်အာရှဒေသ၏ နိုင်ငံခြားဆက်ဆံရေး ပုံစံပြောင်းလဲလာနိုင်သည့်အပြင် တရုတ်နိုင်ငံနှင့် အိန္ဒိယနိုင်ငံတို့သည်လည်း မြန်မာနိုင်ငံအပါအ၀င် အရှေ့တောင်အာရှနိုင်ငံများနှင့်ဆက်ဆံရာတွင် မူဝါဒသစ်၊ ဗျူ ဟာသစ်ကို ချမှတ်လာနိုင်သည်ဟု ကောက်ချက်ပြုနိုင်သည်။       အထူးသဖြင့် တရုတ်နိုင်ငံသည် ဘင်္ဂလားပင်လယ်အော်နှင့် အိန္ဒိယသမုဒ္ဒရာဘက်ထွက်ပေါက်နှင့် တောင်အာရှဒေသထွက်ပေါက်တို့ အတွက်လည်းကောင်း၊ အိန္ဒိယနိုင်ငံသည် အရှေ့တောင်အာရှနိုင်ငံ များအဖွဲ့နှင့် ချိတ်ဆက်နိုင်ရေးသာမက၊ အရှေ့မျော် မူဝါဒလက်တွေ့အောင်မြင်ရေး တို့အ တွက်လည်း ကောင်း၊ မြန်မာနိုင်ငံသည် ပထ၀ီနိုင်ငံရေးအရသာမက၊ မဟာဗျူဟာတည်ရှိမှုအရပါ အရေးပါနေ သဖြင့် တရုတ်နိုင်ငံနှင့်အိန္ဒိယနိုင်ငံတို့သည် မြန်မာနိုင်ငံနှင့်ဆက်ဆံရေးမူဝါဒ၊ လမ်းစဉ်၊ ဗျူဟာများကို ဆန်းစစ် သုံးသပ်မွမ်းမံကြရမည်ဖြစ်သည်။ မြန်မာနိုင်ငံနှင့်ဆက်ဆံရေးတွင် လမ်းဟောင်းမှခွဲထွက်ပြီး၊ လမ်းသစ် ဖောက်ကြရမည်ဖြစ်သည်။     မြန်မာနိုင်ငံ လွတ်လပ်ရေးရပြီးပြီးချင်း၊ ရန်ကုန်အစိုးရဟု သမုတ်ခံနေရသောအချိန်တွင် အိန္ဒိယ အစိုးရသည် မြန်မာ့တပ်မတော်အတွက် လက်နက်ခဲယမ်းများ ထောက်ပံ့ကူညီခဲ့သဖြင့် ရန်ကုန်အစိုးရဘ၀မှ ဗမာအစိုးရဘ၀ ပြန်ရောက်ခဲ့သည်မှအစ ပါလီမန်ခေတ် နှစ်နိုင်ငံဆက်ဆံရေးမှာ ကောင်းလွန်းခဲ့သည်။ ၁၉၆၂ အလွန်ကာလမှာလည်း မြန်မာနိုင်ငံနှင့်အိန္ဒိယနိုင်ငံဆက်ဆံရေးသည် မဆိုး၊မကောင်း အနေအထားတွင်ရှိခဲ့သည်ဟု ယေဘုယျ သုံးသပ်နိုင်သည်။ မြန်မာနိုင်ငံသည် ပထ၀ီနိုင်ငံရေးအရသာမက၊ မဟာဗျူဟာ တည်ရှိမှုအရပါ အရေးပါနေသဖြင့်  တရုတ်နိုင်ငံနှင့် အိန္ဒိယနိုင်ငံတို့သည် မြန်မာနိုင်ငံနှင့် ဆက်ဆံရေး မူဝါဒ၊ လမ်းစဉ်၊ ဗျူဟာများကို ဆန်းစစ်သုံးသပ်မွမ်းမံကြရမည်ဖြစ်သည်။ မြန်မာနိုင်ငံနှင့် ဆက်ဆံ ရေးတွင် လမ်းဟောင်းမှ ခွဲထွက်ပြီး၊ လမ်းသစ်ဖောက်ကြရမည် ဖြစ်သည်  . . .      တရုတ်နိုင်ငံနှင့် မြန်မာနိုင်ငံဆက်ဆံရေးသည် အကြောက်တရားနှင့် စခဲ့သည်ဟုဆိုရမည်။ လွတ်လပ် ရေးရပြီးစ ကာလတွင် ဗမာဝန်ကြီးချုပ်သည် တရုတ်နိုင်ငံက မြန်မာနိုင်ငံကို ၀င်သိမ်းမည်ကို စိုးရိမ်ခဲ့ပုံ ရသည်။ ၁၉၄၉ ခုနှစ် အောက်တိုဘာလ ၁ ရက်နေ့တွင် တရုတ်ပြည်သူ့သမ္မတနိုင်ငံကို တရုတ် ကွန်မြူနစ်ပါတီက ထူထောင်ခဲ့သောအခါ၊ မြန်မာအစိုးရသည် အသိအမှတ်ပြုရန် အလျင်အမြန် အားထုတ်ခဲ့သည်။ ဒီဇင်ဘာလထဲတွင် နှစ်နိုင်ငံသံတမန်ဆက်ဆံရေး ထူထောင်ရန် ပြင်ဆင်ခဲ့သော်လည်း၊ ၁၉၅၀ ပြည့်နှစ် ဇွန်လ ၈ ရက်နေ့မှသာ ၁၆ နိုင်ငံမြောက်နိုင်ငံအဖြစ် သံတမန် ဆက်သွယ်နိုင်ခဲ့သည်။ ဗမာအစိုးရသည် တရုတ်နိုင်ငံနှင့်ဆက်ဆံရေးကောင်းမွန်ရန်အလို့ငှာ၊ ၁၉၅၃ ခုနှစ်တွင် အမေရိ ကန်ပြည်ထောင်စု၏ အထောက်အပံ့ရယူမှုကို ရပ်ဆိုင်းခဲ့သည်။ တရုတ်-မြန်မာ ဆက်ဆံရေးသည် ၁၉၆၇ ခုနှစ် တရုတ်-ဗမာအရေးအခင်းကာလမှလွဲ၍ မဟာဗျူဟာမြောက်အားလုံး ကောင်းခဲ့သည်ဟု ကောက်ချက်ပြုရ မည်ဖြစ်သည်။   မြန်မာနိုင်ငံနှင့် အမေရိကန်ပြည်ထောင်စု ဆက်ဆံရေးဘက်တွင်၊အစကတည်းက ကောင်းလှသည် မဟုတ်သော်လည်း၊ အကျိုးရှိခဲ့ပုံရသည်။ မြန်မာနိုင်ငံ၏ အိမ်နီးချင်း အိန္ဒိယနိုင်ငံသည် ဆိုဗီယက်အုပ် စုဖြစ်ပြီး၊ တရုတ်နိုင်ငံသည်လည်း အမေရိကန်အပါအ၀င် အနောက်အုပ်စုနှင့် မတည့်သောလက်ဝဲ အုပ်စုဝင်ဖြစ်နေသည်။ ထို့ကြောင့် မြန်မာနိုင်ငံသည် စစ်နွေးခေတ် လက်ဝဲလှိုင်းနှင့် ခြံချင်းကပ်ခဲ့သည်။ ၁၉၈၈ ခုနှစ်တွင် အမေရိကန်ပြည်ထောင်စုသည် မြန်မာနိုင်ငံသို့ တပ်မတော်လေ့ကျင့်ရေးအတွက် ဒေါ်လာ နှစ်သိန်း ခြောက်သောင်းအပါအ၀င် အမေရိကန် ဒေါ်လာ ၁၄ သန်းကျော် အထောက်အပံ့ ပေးအပ်ခဲ့သည်ကိုကြည့်လျင် နှစ်နိုင်ငံဆက်ဆံရေးမှာ ၁၉၈၈ ခုနှစ် အထိ၊ မအေးမနွေးအဆင့်တွင်ရှိခဲ့ သည်ဟု သုံးသပ်နိုင်သည်။      အမေရိကန်သမ္မတ ဘားရက် အိုဘားမား၏ ခရီးစဉ်မတိုင်မီ၊ အမျိုးသားဒီမိုကရေစီအဖွဲ့ချုပ်ဥက္ကဌနှင့် ပြည်သူ့လွှတ်တော် တရားဥပဒေစိုးမိုးရေးကော်မတီဥက္ကဋ္ဌ ဒေါ်အောင်ဆန်းစုကြည်သည် အိန္ဒိယ      သမ္မတိုင်ငံသို့ အလည်အပတ်သွားရောက်ခဲ့သည်။ အဆိုပါ ခရီးစဉ်အတွင်း အိန္ဒိယ၀န်ကြီးချုပ် မာမိုဟန်ဆင်း၊ ဒုတိယသမ္မတ၊ နိုင်ငံခြားရေးဝန်ကြီး၊နိုင်ငံခြားရေးအတွင်းဝန်၊ အာဏာရကွန်ဂရက် အိုင်ပါတီဥက္ကဋ္ဌ ဆိုနီယာဂန္ဒီတို့နှင့် သီးခြားစီ တွေ့ဆုံခဲ့သည်။ အမေရိကန်နိုင်ငံ၏ အရှေ့တောင် အာရှဒေသတွင် မဟာဗျူဟာမြောက်အခြေချရန် ပြင်ဆင်မှုများကို အိန္ဒိယနိုင်ငံသည် စိုးရိမ်တကြီး စောင့်ကြည့်မည်မှာ အသေအချာဖြစ်သည်။ တစ်ဖက်တွင်လည်း အိန္ဒိယနိုင်ငံသည် မြန်မာနိုင်ငံ၏ တရုတ်နိုင်ငံအပေါ် အလွန်အမင်းမှီခိုနေရမှုအပေါ် စိုးရိမ်ကြောင့်ကြနေမည်မှာလည်း သဘာဝကျသည်။ ကွန်ဂရက်အိုင်ပါတီအကြောင်းပြောလျင်၊ နှစ်ရာကျော်တည်တံ့သော ပါတီဖြစ်ပြီး၊ကိုလိုနီခေတ်က မြန်မာပြည်တွင် ပါတီရုံးခွဲဖွင့်လှစ်နိုင်သည်အထိ ကျယ်ပြန့်ခဲ့သောပါတီဖြစ်သည်။ ပါတီဥက္ကဋ္ဌ ဆိုနီယာ ဂန္ဒီနှင့်တွေ့သောအခါ၊ ဒေါ်အောင်ဆန်းစုကြည်အနေဖြင့် ဆိုနီယာထံမှ သင်ယူစရာ၊ လေ့လာစရာများ ရှိလိမ့်မည်ဟု ထင်မြင်ကြသည်။ ၀န်ကြီးချုပ်ဟောင်း ရာဂျစ်ဂန္ဒီ၏ ဇနီးဖြစ်သူဆိုနီယာသည် ကွန်ဂရက် အိုင်ပါတီ ခေါင်းဆောင်အဖြစ် အစိုးရအဖွဲ့ကို ပါတီမှတစ်ဆင့် ကြိုးကိုင်နိုင်သည့် အနေအထားတွင် ရှိနေပြီဖြစ်သည်။ ကွန်ဂရက်အိုင်ပါတီ၏ စနစ်တကျ တည်ဆောက်အားကောင်းမှုကြောင့်၊ ဆိုနီယာသည် အစိုးရအဖွဲ့တွင်မပါလင့်ကစား၊အစိုးရအပေါ် သြဇာလွှမ်းမိုးနိုင်သည်ကို တွေ့ရသည်။ ပါတီတည် ဆောက်ရေးအပေါ် အာရုံစိုက်ရန်ပညာရှိသတိဖြစ်ခဲ ဖြစ်နေပုံရသောဒေါ်အောင်ဆန်းစုကြည်သည် အိန္ဒိယခရီးစဉ်မှအပြန်တွင် ပါတီတည်ဆောက်ရေး၏ အရေးပါပုံကို သဘောပေါက်နိုင် ကောင်းဖွယ် ရှိသည်ဟု မျော်လင့်ရသည်။     ဆိုနီယာသည် ကွန်ဂရက်အိုင်ပါတီ၏ စနစ်ကျကျယ်ပြန့်သော အင်အားကို ကျောထောက် နောက်ခံပြုကာ ပန်းပန်နေခြင်းဖြစ်သည်။ ဒေါ်အောင်ဆန်းစုကြည်သည် မြန်မာ့နိုင်ငံရေးပတ်ဝန်းကျင်တွင် လူထုအကြိုက်၊ အချစ်ဖြစ်သော်လည်း မိမိနိုင်ငံရေးပါတီကို စနစ်ကျအားကောင်းအောင် ယနေ့အထိ တည်ဆောက်နိုင်ခြင်းမရှိ၊ တည်ဆောက်ရန်ပြင်ဆင်နိုင်ခြင်း မရှိသည်ကို တွေ့မြင်ရသည်မှာ ရင်လေးဖွယ်ဖြစ်သည်။ အန်အယ်လ်ဒီပါတီကို စနစ်တကျတည်ဆောက်နိုင်မှု အားနည်းလျင်နည်း သည့်အလျောက် လွှတ်တော်ကိုယ်စားလှယ်များ၏ အရည်အသွေးမှာလည်း အားနည်းလာဖွယ်ရှိနေသည်။ ထို့ကြောင့် ဒေါ်အောင်ဆန်းစုကြည်သည် ဆိုနီယာဂန္ဒီနှင့်ယှဉ်ထိုး၍ မိမိကိုယ်ကို ဝေဖန်ရေးလုပ်သင့် သည်ဟု ထင်မြင် မိသည်။      အမေရိကန်သမ္မတမြန်မာနိုင်ငံသို့ ချစ်ကြည်ရေးအလည်အပတ်ခရီး မလာရောက်မီရက်ပိုင်းအလို၊ နိုဝင်ဘာလ ၁၂ရက်မှ ၁၉ရက်အထိ ဒုတိယ တပ်မတော် ကာကွယ်ရေးဦးစီးချုပ်၊ ကာကွယ်ရေးဦးစီးချုပ်(ကြည်း) ဗိုလ်ချုပ်ကြီးစိုးဝင်း ဦးဆောင်သော မြန်မာ့တပ်မတော် ချစ်ကြည်ရေးကိုယ်စားလှယ်အဖွဲ့ တရုတ်ပြည်သူ့ သမ္မတ နိုင်ငံသို့ သွားရောက်ခဲ့သည်မှာလည်း ထူးခြားသည်ဟု ဆိုနိုင်သည်။ ဗိုလ်ချုပ်ကြီးစိုးဝင်းသည် ဖွဲ့စည်းပုံ အခြေခံဥပဒေပုဒ်မ ၂၀၁ အရ ဖွဲ့စည်းသည့် အမျိုးသားကာကွယ်ရေးနှင့် လုံခြုံရေးကောင်စီအဖွဲ့ဝင်တစ်ဦးဖြစ်သည့် အားလျော်စွာ မြန်မာနိုင်ငံအစိုးရအဖွဲ့ကိုယ်စား အမေရိကန်ပြည်ထောင်စုနှင့် မြန်မာနိုင်ငံတို့၏ ဆက်ဆံရေး အခြေအနေ၊ သမ္မတဘားရက် အိုဘားမား၏ လာမည့်ချစ်ကြည်ရေးခရီးစဉ်တို့နှင့်ပတ်သက်ပြီး၊ တရုတ်ပြည်သူ့သမ္မတနိုင်ငံအစိုးရနှင့် ကွန်မြူနစ်ပါတီခေါင်းဆောင်များကို ဆွေးနွေးရှင်းပြနိုင်ရန် စေလွှတ်သော ကိုယ်စားလှယ်သဘောလည်း သက်ရောက်နိုင်သည်ဟု လေ့လာသူအချို့က သုံးသပ်ကြ သည်။      အိုဘားမား အရှေ့တောင်အာရှဒေသသို့ မရောက်မီ၊ ၂၀၁၂ ခုနှစ် နိုဝင်ဘာလ ၁၅ ရက်တွင် ၁၈ ကြိမ်မြောက် တရုတ်ကွန်မြူနစ်ပါတီ၊ ဗဟိုကော်မတီ၊ ပထမအကြိမ်ပါတီညီလာခံ၌ ဇီဂျင်ပင်းသည် တရုတ်ကွန် မြူနစ်ပါတီ အထွေထွေအတွင်းရေးမှူးနှင့် တရုတ်ကွန်မြူနစ်ပါတီ၊ ဗဟိုစစ်ကော်မရှင်၏ ဥက္ကဋ္ဌ ဖြစ်လာခဲ့သည်။ ဇီဂျင်ပင်းခေါင်းဆောင်သော တရုတ်မျိုးဆက်သစ်ခေါင်းဆောင်များသည် ၂၀၂၂ ခုနှစ်အထိ တရုတ်နိုင်ငံကို ပဲ့ကိုင်မည်ဖြစ်သည်။ တရုတ်နိုင်ငံသည် နိုင်ငံရေး၊ စီးပွားရေးအရ ကာလ ရှည်ကြာ ဆွေမျိုးပေါက်ဖော်ဖြစ်သော မြန်မာနိုင်ငံသို့လာရောက်မည့် အမေရိကန်သမ္မတ၏ ခရီးစဉ်ကို အထူးအလေးထား စောင့်ကြည့်မည်မှာ သံသယဖြစ်ဖွယ်မရှိပေ။ ရေနံပိုက်လိုင်း၊ ဓာတ်ငွေ့ပိုက်လိုင်း၊ ရထားလမ်း၊ ကားလမ်းတို့နှင့်အတူ ဖွံ့ဖြိုးရေးဇုန်များ ထူထောင်ရင်းနှီးမြှုပ်နှံရန် ပြင်ဆင်နေသည့်အပြင် ဘင်္ဂလားပင်လယ်အော်နှင့် အိန္ဒိယသမုဒ္ဒရာသို့ အနောက်ဘက်ထွက် ပေါက်တစ်ခုဖြစ်လာမည့် တရုတ်နိုင် ငံ၏ ကျောက်ဖြူစီမံကိန်းနှင့် အမေရိကန်၏ အကျိုးစီးပွားတို့သည် ထိပ်တိုက်တွေ့ လာနိုင်ဖွယ်ရှိနေ သည်ဟု အကဲခတ်များက ထောက်ပြကြသည်။   ရန်ကုန်မြို့တွင် သမ္မတဘားရက် ဟူစိန်အိုဘားမားသည် သမ္မတဦးသိန်းစိန်၊ ဒေါ်အောင်ဆန်းစုကြည်တို့ နှင့် တွေ့ဆုံမည်ဖြစ်သည်။ သမ္မတဦးသိန်းစိန်နှင့် တွေ့ဆုံမှုသည် ဒေါ်အောင်ဆန်းစုကြည်နှင့် တွေ့ဆုံမှုထက် ပိုမိုစိတ်လှုပ်ရှားဖွယ်ဖြစ်လာနိုင်သည်ဟု သုံးသပ်မိသည်။   အမေရိကန်ပြည်ထောင်စု၏ ဖွဲ့စည်းပုံအခြေခံဥပဒေအရ၊ သမ္မတ အိုဘားမားသည် တပ်မတော် စစ်ဦးစီးချုပ် ဖြစ်သဖြင့်လည်းကောင်း၊ လာမည့် အနာဂတ်နှစ်နိုင်ငံဆက်ဆံရေးတွင် တပ်မတော်ချင်း ဆက်ဆံရေးအပိုင်း၌ အရေးပါလာနိုင်သဖြင့်လည်းကောင်း၊ သမ္မတအိုဘားမားနှင့်တွေ့ဆုံစဉ်၊ သမ္မတ ဦးသိန်းစိန်နှင့်အတူ တပ်မတော်ကာကွယ်ရေးဦးစီးချုပ် ဒုတိယ ဗိုလ်ချုပ်မှူးကြီးမင်းအောင်လှိုင်လည်း ပါဝင်နိုင်ဖွယ်ရှိသည်ဟု သုံးသပ်မှုများရှိနေသည်။ လာမည့်နိုင်ငံရေးအခင်းအကျင်းတွင် ဖွဲ့စည်းပုံ အခြေခံဥ ပဒေ ပြင်ဆင်ရေးကိစ္စ၌ တပ်မတော်သည် အဆုံးအဖြတ်နေရာတွင်ရှိပြီး၊ ဒီမိုကရေစီနည်းကျ ပြုပြင်ပြောင်းလဲမှုများကို ငြိမ်းချမ်းစွာဖော်ဆောင်ရာတွင် တပ်မတော်၏ အခန်းကဏ္ဍသည် အလွန်အ ရေးပါသည်။ ထို့ကြောင့် အိုဘားမားနှင့် မြန်မာ့တပ်မတော်ကာကွယ်ရေးဦးစီးချုပ်တို့ တွေ့ဆုံရေးကို မဟာဗျူဟာမြောက်လိုအပ်ချက်ဟု သုံးသပ်နိုင်သည်။ အိုဘားမားပြန်ပြီးနောက်၊ မြန်မာ့ဒီမိုကရေစီရေးနှင့် ဖွဲ့စည်းပုံအခြေခံဥပဒေ ပြင်ဆင်ရေးအပိုင်းတွင် တပ်မတော်က မည်သို့ပါဝင်လာမည်ကို စောင့်ကြည့် ရဦးမည်ဖြစ်သည်။   မြန်မာနိုင်ငံတွင် ကျင်းပမည့် ၂၀၁၅ ခုနှစ် အထွေထွေရွေးကောက်ပွဲသည် အရေးကြီးသော အချိုး အကွေ့ဖြစ်သည့်အလျောက် သမ္မတအိုဘားမားသည် ရွေးကောက်ပွဲလွတ်လပ်၍ တရားမျှတရေးအတွက် တိုက်တွန်းဦးမည်မှာ မုချဖြစ်သည်။ လာမည့်ရွေးကောက်ပွဲတွင် ကမ္ဘာ့ကုလသမဂ္ဂ၊ အရှေ့တောင် အာရှနိုင်ငံများအဖွဲ့၊ အမေရိကန်ပြည်ထောင်စုအပါအ၀င် အနောက်အုပ်စုနိုင်ငံများမှ စောင့်ကြည့် လေ့လာသူများကို ၀င်ရောက်ခွင့်ပြုမည်ဆိုလျင် အလွန်ကောင်းမွန်မည်ဟု သုံးသပ်နိုင် သည်။ နိုင်ငံတကာစောင့်ကြည့်လေ့လာမှုကို ခွင့်ပြုခြင်းဖြင့်ရွေးကောက်ပွဲ၏ တန်ဖိုးကိုမြင့်မား စေနိုင်သည်ကို လည်း ထောက်ပြရမည်ဖြစ်သည်။     ရွေးကောက်ပွဲမတိုင်မီ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ၊ အမျိုးသားဒီမိုကရေစီအဖွဲ့ချုပ်နှင့် နိုင်ငံရေးပါတီခေါင်းဆောင်များ၊ တိုင်းရင်းသားပါတီခေါင်းဆောင်များနှင့် တပ်မတော်ခေါင်းဆောင်များပါဝင်သည့် ပွင့်လင်း၊စနစ်ကျသောနိုင်ငံရေး စားပွဲဝိုင်းဆွေးနွေးပွဲများကို ပုံဖော်နိုင်ရေးသည်လည်း အရေးကြီးသည်ဟုသုံးသပ်မိပါသည်။ အဆိုပါဆွေးနွေးပွဲများသည် နိုင်ငံရေးအာဏာခွဲဝေရေး ဆွေးနွေးပွဲများဖြစ်လာနိုင်သည့်အပြင်၊ ပြည်ထောင်စုစစ်စစ်မူအပေါ် အခြေခံသည့် နိုင်ငံရေးလမ်းပြမြေပုံသစ်တစ်ခုကို ပြုစုရေးဆွဲနိုင်သည့်အခြေအနေအထိ ခရီးပေါက်နိုင်ရန် လိုအပ်သည်ဟု အကဲခတ်များက သုံးသပ်ကြသည်။ နိုင်ငံရေးစားပွဲဝိုင်းဆွေးနွေးပွဲများသည် လွှတ်တော်ပြင်ပအသွင်ဖြစ်ရန်လိုအပ်သည်ဟုလည်း အကဲခတ်များက ထောက်ပြကြသည်။ အမေရိကန်သမ္မတ အိုဘားမားသည် သမ္မတဦးသိန်းစိန်နှင့် တွေ့ဆုံစဉ်၊ ဖွဲ့စည်းပုံအခြေခံဥပ ဒေပြင်ဆင်ရေး၊ ၂၀၁၅ ခုနှစ် ရွေးကောက်ပွဲ လွတ်လပ်တရားမျှတရေး၊ ပြည်တွင်းငြိမ်းချမ်းရေး၊ ပြည်ထောင်စုစစ်စစ် ဖော်ဆောင်ရေးတို့နှင့် ဆက်စပ်နေသည့် အများပါဝင်နိုင်သော မြန်မာ့နိုင်ငံရေး လမ်းပြမြေပုံသစ်တစ်ခု ပုံဖော်နိုင်ရန် တိုက်တွန်းဆော်သြသင့်သည်ဟု အကြံပြုကြသည်။ သမ္မတအိုဘားမားပြန်လျင်၊ မြန်မာ့နိုင်ငံရေး ပတ်ဝန်းကျင်၌ လက်တွေ့ကျသော နိုင်ငံရေးစားပွဲဝိုင်းဆွေးနွေးပွဲများ ဖြစ်ပေါ်လာနိုင်ခြေမည်မျှ မြင့်မားလာမည်ကို လေ့လာစောင့်ကြည့်ရဦးမည်ဖြစ်သည်။ သမ္မတအိုဘားမားအနေဖြင့် စာနယ်ဇင်း လွတ်လပ်ခွင့်နှင့် ပုဂ္ဂလိက သတင်းစာများကိစ္စကိုလည်း လျစ်လျူရှု၍ မဖြစ်နိုင်ချေ။ မြန်မာနိုင်ငံတွင် သတင်းလွတ်လပ်ခွင့်သည် အတိုင်းအတာတစ်ခုအထိ ရရှိနေပြီဖြစ်သော်လည်း ပုဂ္ဂလိကသတင်းစာ တစ်စောင်မှ ထုတ်ဝေခွင့်မပြုနိုင်ခြင်းမှာ နိုင်ငံတကာတွင် မျက်နှာပျက်ဖွယ်ကိစ္စဖြစ်သည်။ ပုဂ္ဂလိကသတင်းစာ ရှိခြင်း၊ မရှိခြင်းသည် နိုင်ငံတစ်နိုင်ငံ၏ သတင်းလွတ်လပ်ခွင့်ကို တိုင်းတာရာတွင် အလွန်ပဓာနကျသည်။ မြန်မာနိုင်ငံသည် အရှေ့တောင်အာရှဒေသတွင် ပုဂ္ဂလိကသတင်းစာမရှိသည့် တစ်ခုတည်းသောနိုင်ငံဖြစ်နေသည်ကို မျက်ကွယ်ပြုနေ၍ မသင့်တော်ဟု သုံးသပ်မိသည်။ အိုဘားမား၏ ခရီးစဉ်နောက်ပိုင်းတွင် ပုဂ္ဂလိက သတင်းစာများ ထုတ်ဝေခွင့်အနှေးနှင့် အမြန်ရရှိပြီး၊ မြန်မာ့စာနယ်ဇင်းလောကသည် နိုင်ငံတကာတန်းဝင်လာမည်ဆိုလျင် အတိုင်းထက်အလွန်ဖြစ်သည်။   ကချင်ပြည်နယ်နှင့်ရခိုင်ပြည်နယ်တွင် တည်ငြိမ်အေးချမ်းမှုများ အလျင်အမြန် ဖြစ်ပေါ်လာရေး အ တွက်ကိုလည်း သမ္မတအိုဘားမားအနေဖြင့် မြန်မာအစိုးရကိုမဖြစ်မနေ တိုက်တွန်းဦးမည်ဖြစ်သည်။ အဆိုပါဖြစ်စဉ်နှစ်ခုသည် သမ္မတဦးသိန်းစိန်နှင့် ဒေါ်အောင်ဆန်းစုကြည်တို့နှစ်ဦးကို ဘေးကျပ်နံကျပ် ဖြစ်စေခဲ့သည့်အပြင် မြန်မာ့ဒီမိုကရေစီ ပြုပြင်ပြောင်းလဲရေး လုပ်ငန်းစဉ်အပေါ်တွင်လည်း နိုင်ငံတကာက အမြင်မှောက်မှားနိုင်သဖြင့် သတိကြီးကြီးထား ကိုင်တွယ်ရမည်ဖြစ်သည်။ အိုဘားမားခရီးစဉ်နောက်ပိုင်း ကချင်ပြည်နယ်နှင့် ရခိုင်ပြည်နယ်အရေးကိစ္စများတွင် ပိုမိုသွက်သွက်လက်လက်လုပ်ငန်းများ ဆောင်ရွက် နိုင်ပြီး၊ ရေရှည်ငြိမ်းချမ်းရေး ဦးတည်သော လက်တွေ့ကျသည့်လမ်းပေါ် ရောက်ရှိလာနိုင် မည်ဆိုပါက အားရကျေနပ်ဖွယ်ဖြစ်သည်။      အမေရိကန်သမ္မတဘားရက်အိုဘားမား၏ မြန်မာနိုင်ငံခရီးစဉ်သည် စင်းလုံးချောဟု မဆိုနိုင်ပါ။ ပြည်တွင်း ပြည်ပလေ့လာသူအချို့နှင့် အကဲခတ်အချို့အမြင်အရ၊ အမေရိကန်ပြည်ထောင်စု၏ မြန်မာနိုင်ငံဆိုင်ရာမူဝါဒ အပြောင်းအလဲသည် ဒရောသောပါးနိုင်ပြီး၊ ပြောင်းလဲ တိုးတက်မှုများနှင့် နှိုင်းယှဉ်လျင်အမေရိကန်ဘက်မှအလျော့ပေး လိုက်လျောမှုသည် များလွန်း အားကြီး သည်ဟု ဆိုကြသည်။ အချို့ကလည်းအိုဘားမားသည် မြန်မာနိုင်ငံသို့ အလည်သွားရန် စောလွန်းသည်ဟု ဝေဖန်ကြသည်။ အိုဘားမား၏ ခရီးစဉ်နောက်ပိုင်း မြန်မာ့နိုင်ငံရေးပတ်ဝန်းကျင်တွင် သိသာမြင်သာသော ဖြစ်ပေါ်တိုးတက်မှုများ ဖြစ်ပေါ်လာရေးသည် အလွန်အရေးကြီးသည်။   အိုဘားမားသည် မြန်မာ့ဒီမိုကရေစီပြုပြင်ပြောင်းလဲရေး လုပ်ငန်းစဉ်လမ်းခုလတ်ကာလမျိုးတွင် အလည်အပတ်လာရောက်ခြင်း ဖြစ်သဖြင့်  စွန့်စားရင်ဖိုရသော ခရီးဟုဆိုနိုင်မည် ဖြစ်သည်။ မြန်မာပြည် သူလူ ထုသည် သမ္မတအိုဘားမားအပါအ၀င် အမေရိကန်သမ္မတ အဆက်ဆက်နှင့် အမေရိကန်နိုင်ငံကို မျော်လင့် ချက်ကြီးကြီးမားမားထားခဲ့ကြသည်မှာ လွန်ခဲ့သော  နှစ်နှစ်ဆယ်ကျော်ကတည်းကဖြစ်သည်။ ယခုကာလတွင်လည်း မှန်းချက်နှင့်နှမ်းထွက်ကိုက်ပါ့မလားဟု စိုးရိမ်မှုများလည်း ရှိနေနိုင်သည်။ လက်တွေ့ကျကျ ဆန်းစစ်လျင်၊ မှန်းချက်နှင့်နှမ်းထွက်ကိုက်ရန် အမေရိကန်နိုင်ငံအပါအ၀င် နိုင်ငံတကာ အ သိုင်းအ၀ိုင်း၏ ချဉ်းကပ်ဆောင်ရွက်မှု၊သမ္မတဦးသိန်းစိန်နှင့် ဒေါ်အောင်ဆန်းစုကြည်တို့ဦးဆောင်သော ပြည်တွင်းအင်အားစုများ၏ လက်တွေ့ကျကျပူးပေါင်းဆောင်ရွက်နိုင်မှု၊ ပြည်သူလူထု၏ထောက်ခံမှု စသည့်အချက်များကလည်း အရေးကြီးပါသည်။   အမေရိကန် သမ္မတဘားရက် အိုဘားမား၏ ခရီးစဉ်နောက်ပိုင်းတွင် ဆင်းရဲမွဲတေသော မြန်မာပြည် သူလူထုအများစု၏ အကျိုးကို အတိုင်းအတာတစ်ခုအထိ ကိုယ်စားပြုနိုင်မည်ဆိုလျင် အလွန်ကောင်း မွန်သည်ဟု ဆိုနိုင်သည်။ မြန်မာပြည်သူလူထုအများစုအတွက် အခမဲ့ကျန်းမာရေးစောင့်ရှောက်မှုကို တစ်နိုင်ငံလုံးအတိုင်းအတာနှင့် အချိန်တိုအတွင်း ဆောင်ရွက်ပေးနိုင် မည်ဆိုလျင်၊ ပညာရေးအပိုင်းတွင် လည်း၊ အဆင့်အတန်းရှိသော အခြေခံပညာရေးကို အခမဲ့ပေးနိုင်သည့်အပြင်၊ ကျောင်းသားအရွယ်များ ကျောင်းနေနိုင်အောင် လိုအပ်သည့် ပံ့ပိုးမှုများပြုလုပ်ပေးနိုင်မည်ဆိုလျင် သမ္မတအိုဘားမားနှင့် အတူအမေရိကန်ပြည်သူတို့သည် အောက်ခြေမြန်မာပြည်သူလူထုကြီး၏ နှလုံးသားထဲကို စွဲမြဲဝင်ရောက်သွားပြီဟု ကောက်ချက်ပြုနိုင်မည်ဖြစ်သည်။    အချုပ်အားဖြင့်ဆိုရသော်၊ နိုဝင်ဘာလ ၁၉ ရက်၊ ညနေခင်းတွင် အမေရိကန်ပြည်ထောင်စုသမ္မတ ဘားရက်ဟူစိန်အိုဘားမားသည် မြန်မာနိုင်ငံ၊ ရန်ကုန်မြို့မှ ပြန်လည်ထွက်ခွာသွားပြီးနောက်၊ ရက်ပိုင်း၊ လပိုင်းများအတွင်း ပြောင်းလဲတိုးတက်ဖြစ်ပေါ်လာမည့်အခြေအနေများကို အားလုံးက စောင့်ကြည့် နေကြမည်မှာ အသေ အချာဖြစ်သည်။နိုင်ငံရေးအကျဉ်းသားများအားလုံးကို လွတ်ငြိမ်းခွင့်ပေး၍ ပြန်လွှတ် ပေးခြင်းသည် အစောဆုံး မြင်ရနိုင်ဖွယ်ရှိသည့်တိုးတက်မှု ဖြစ်သည်ဟု အကဲခတ်များက သုံးသပ်ကြသည်။ နေ့စဉ်ထုတ် ပုဂ္ဂလိကသတင်းစာများ ထုတ်ဝေခွင့်ပြုလာနိုင်ခြင်းသည် ဒုတိယမြောက် သိသာမြင် သာ သော ခြေလှမ်းဖြစ်လာနိုင်ဖွယ်ရှိနေသည်။ နိုင်ငံရေးအရလည်း လွတ်လပ်ပွင့်လင်းသော နိုင်ငံရေးစားပွဲဝိုင်း ဆွေးနွေးပွဲများမှသည် မြန်မာ့နိုင်ငံရေး လမ်းပြမြေပုံသစ်တစ်ရပ် ပေါ်ထွက် ရေးအတွက် ကနဦး ခြေလှမ်းများကို မြင်တွေ့လာရမည်ဆိုလျင် ပိုမိုအားရဖွယ် ဖြစ်လာမည်ဖြစ်သည်။ ကချင်ပြည်နယ်နှင့် ရခိုင်ပြည်နယ်တို့တွင်လည်း ပိုမိုလက်တွေ့ကျသော ရေရှည်ဖြေရှင်းမှုများဆီဦးတည်သော တိုးတက်မှုများကို မြင်တွေ့လာရမည်ဆိုပါက အိုဘားမား၏ခရီးစဉ်သည် အလုပ်ဖြစ်နေသည်ဟု ယေဘုယျ သုံးသပ်ရမည်ဖြစ်သည်။ အိုဘားမား၏ ခရီးစဉ်နောက်ပိုင်း ပြည်တွင်းနိုင်ငံရေး ဖြစ်ပေါ် တိုးတက်မှုများသည် လေးလံထိုင်းမှိုင်းနေပြီး၊ အမေရိကန်နိုင်ငံ၏ အမျိုးသားအကျိုးစီးပွားအတွက် ရည်ရွှန်းသော စီးပွားရေးလုပ်ငန်းများသည် အလွန်အမင်း သွက်လက်အောင်မြင်နေလျင် တစ်ခုခု မှားနေပြီဟု ကောက်ချက်ပြုရမည် ဖြစ်သည်။ သမ္မတအိုဘားမား၏ ခရီးစဉ်သည် အလုပ်သဘောခရီးစဉ် ဖြစ်သည့်အားလျော်စွာ ခရီးစဉ်ကို အကြောင်းပြုလျက် မည်မျှအလုပ်ဖြစ်ခဲ့သည်ကို စောင့်ကြည့် ရမည်ဖြစ်သည်။ ကျွန်တော်တို့အားလုံးသည် အိုဘားမားပြန်လျင် ဘာကျန်ခဲ့မည်ကိုလည်းကောင်း၊ အမေရိကန်သွားလျှင် လမ်းမည်မျှဖြစ်မည်ကိုလည်းကောင်း ဆက်လက်စောင့်ကြည့် လေ့လာရဦး မည်ဖြစ်ပါသည်။ ဒေါက်တာ ရန်မျိုးသိမ်း

စီးပွားရေးမော်ဒယ်သစ်ပြောင်းလဲရတော့မယ့်တရုတ်ပြည်

စီးပွားရေးမော်ဒယ်သစ်ပြောင်းလဲရတော့မယ့်တရုတ်ပြည် နဂါးနှစ်တွေဟာ အသည်း ထိတ်စရာကောင်းတယ်။ တရုတ် လူမျိုးတွေရဲ့ အစဉ်အလာအရ ဆိုရင် နဂါးနှစ်ဟာ အာဏာပါဝါနဲ့ ဂုဏ် သိက္ခာတွေကို သယ်ပိုး ယူ ဆောင်လာတတ်တယ်လို့ ဆိုကြ တယ်။ ဒါပေမယ့် ဒဏ္ဍာရီပုံပြင်ထဲက နဂါးကြီးဟာ ခန့်မှန်းရခက်တဲ့ သတ္တဝါကြီးတစ်ကောင်ဖြစ်တယ်။ သူ့ရဲ့အမြီးကို ကွေးလိမ်ရစ်ပတ်ပြီး သူ့ရဲ့ခေါင်းကို ကြိုက်တဲ့ဘက်လှည့် လို့ရတယ်။၂ဝ၁၂ ခုနှစ်ဟာ အ သည်းထိတ်စရာ နဂါးနှစ်တွေထဲက နှစ်တစ်နှစ်ပါပဲ။ ဒီနှစ် ဇန်နဝါရီလ၂၃ရက်နေ့ ဟာ တရုတ်နှစ်သစ်ကူးတဲ့နေ့ဖြစ်ပါ တယ်။ ပြည်မက တရုတ်တွေက နှစ်သစ်မှာ နဂါးကြီးကို ခမ်းခမ်း နားနား အိုးစည်ဗုံမောင်းနဲ့ ကြိုဆိုခဲ့ ကြတယ်။ တည်ငြိမ်အေးချမ်းပြီး စီးပွားတက်တဲ့နှစ်တစ်နှစ် ဖြစ်လာ လိမ့်မယ်လို့ မျှော်လင့်စောင့် စား ခဲ့ကြတယ်။ ဒါပေမယ့် ၂ဝ၁၂ ခုနှစ်ဟာ သူတို့ မျှော်မှန်းသလို ဖြစ် မလာခဲ့ပါဘူး။ ဒီနှစ် နှောင်းပိုင်း အောက် တိုဘာ ဒါမှမဟုတ် နိုဝင်ဘာလမှာ တရုတ်ပြည်မှာ ဆယ်စုနှစ်တစ်ခု အတွင်း တစ်ကြိမ်သာ လုပ်လေ့ လုပ်ထရှိတဲ့ ခေါင်းဆောင်ပိုင်း အပြောင်းအလဲ လုပ်ဖို့ရှိတယ်။ ဒါ ကလည်း လက်ရှိသမ္မတံက Hu Jintao က လက်ရှိဒုတိယသမ္မတ Xi Jinping ကို ရာထူးလွှဲပြောင်း ပေးဖို့ ကြိုကြိုတင်တင် ပေထက် အက္ခရာတင်ပြီးဖြစ်တယ်။ ပြီးတော့ တရုတ်စီးပွားရေး ကလည်း နှစ်အစမှာ ဒေါင်ဒေါင် မြည်တဲ့ စီးပွားရေးပဲလို့ မြင်ခဲ့ကြ တယ်။ ဘဏ္ဍာရေး ပြဿနာ ကြောင့် ဖွံ့ဖြိုးပြီး နိုင်ငံတွေ ဂယောက်ဂယက် ဖြစ်နေချိန်မှာ တရုတ်စီးပွားရေးက ဒစ်ဂျစ်နှစ် လုံးနီးပါးနဲ့တိုးတက်ခဲ့တယ်။ ကမ္ဘာ ကြီး ကတောင် မျှော်လင့်ချက် ကြီးကြီး နဲ့ တရုတ်စီးပွားရေးအ ပေါ် အားကိုးအားထားပြုခဲ့ကြ တယ်။ ဒါပေမယ့် နှစ်ဆန်းပိုင်း မှာပဲ နိုင်ငံရေး တည်ငြိမ်မှု ပျက် ပြားသွားတယ်။ အာဏာရ ကွန်မြူ နစ်ပါတီ ခေါင်းဆောင်ပိုင်းက ပေါ်လစ်ဗျူရိုဝင် တစ်ဦး ဖြစ်နိုင် ခြေ ရှိတဲ့ ချုံချိန်းက ကွန်မြူနစ်ပါတီအတွင်းရေးမှူးပိုရှီလိုင်ကို မတ်လ ၁၅ ရက်နေ့မှာ ရာထူးမှဖြုတ်ပစ်ခဲ့တယ်။ သူ့ဇနီးကိုလည်း လူသတ်မှု နဲ့ စွဲချက်တင် ဖမ်းဆီး တယ်။ အဲဒီနောက်ပိုင်း ပြဿနာ တစ်ခုပြီးတစ်ခုတက်လာခဲ့တယ်။ ပြီးတော့ လွန်ခဲ့တဲ့ ဆယ် စုနှစ် သုံးခုလောက်က အံ့ဘနန်း တိုးတက် ချဲ့ကားလာခဲ့တဲ့ တရုတ် စီးပွားရေးဟာ ခနော်နီ ခနော်နဲ့ ဖြစ်လာတယ်။ နိုင်ငံခြားပို့ကုန် တင်ပို့မှု (Exports) နိုင်ငံခြား တိုက်ရိုက်ရင်းနှီးမြှုပ်နှံမှု(Foreign direct investment)နဲ့ ဘဏ်ချေး ငွေတွေ အားလုံး ကျဆင်းသွား တယ်။ြေ<ွကးမြီတွေတက်လာတယ်။ လယ်သမားတွေ နဲ့ စက်ရုံအလုပ် သမားတွေရဲ့ ဆန္ဒပြ တောင်းဆိုမှု အရေအတွက် မြင့်တက်လာတယ်။ အခြားတစ်ဘက်မှာ တရုတ် စားသုံးသူတွေဟာ အရင်ကထက် သုံးစွဲလာနိုင်ကြတယ်။ ဒီနှစ်မှာ တိုးတက်မှုနှုန်း ၈ရာခိုင်နှုန်းကျော် ရှိလာနိုင်တယ်လို့ ခန့်မှန်းချက်ကလည်း အခြားသော ကမ္ဘာ့နိုင်ငံတွေရဲ့တိုးတက်မှုနဲ့ နှိုင်းယှဉ်ရင်ကျေ နပ်စရာကောင်းလောက် အောင် မြင့် မားနေပါသေးတယ်။ ဒါပေမယ့် ဒီကနေ့ခေတ်မှာ ထူးထူးခြားခြား ဘဏ္ဍာရေးချဲ့ကားမှုကို ဖန်တီးနိုင်ခဲ့တဲ့ နိုင်ငံတော် ချုပ်ကိုင်မှုက အခု တော့ စီးပွားရေးကို ရပ်တန့်သွားရ လောက်အောင် ခြိမ်းခြောက်လျက် ရှိတယ်။ ဒီလိုဆိုပေမယ့် တရုတ်ပြည်မ ကြီးဟာ ဒီကနေ့မနက်ဖြန်ဆိုသလို ပြိုလဲသွားမှာတော့ မဟုတ်ပါဘူး။ သို့ပေမယ့် စီးပွားရေးရဲ့ အနုတ် လက္ခဏာသင်္ကေတတွေကို အလေး မမူ ဂရုမထားရင်တော့ အန္တရာယ် များတယ်။တရုတ်ခေါင်းဆောင်တွေ ကိုယ်တိုင်က တရုတ်ပြည်စီးပွားရေး ဆက်လက် တိုးတက်ရေး အတွက် လမ်းသစ်ထွင်ရတာ ဘယ်လောက် ခက်ခဲရှုပ်ထွေးသလဲဆိုတာ သိကြ တယ်။ ခေတ်သစ်တရုတ်ပြည်ရဲ့ တည်ဆောက်ရေးပြဿနာများဖြစ်ကြ တဲ့ စာရိတ္တခြစားတဲ့ နိုင်ငံရေးစနစ်နဲ့ အရည်အသွေးညံ့ တဲ့ နိုင်ငံတော် အ ရင်းရှင်စနစ်တွေကို နဂါးရဲ့ အမြီး နဲ့ ဆတ်ခနဲရိုက်လိုက်တာနဲ့ ဖြေ ရှင်းလို့ ရနိုင်မှာမဟုတ်ပါဘူး။ တရုတ်ပြည်သူတွေရဲ့ စိတ် ဝိညာဉ်ဟာ ၂ဝ၁၂ခုနှစ်မှာ သိသိ သာသာ ပြောင်းလဲသွားခဲ့ပါပြီ။ ဒီရာစုနှစ်ရဲ့ အစောပိုင်း ကာလက ပျော်ရွှင်မှုတွေကို အနာဂတ် အ တွက် စိုးရိမ်ပူပန်မှုတွေက အစား ထိုး ဝင်ရောက်သွားခဲ့ပါပြီ။ တရုတ် ပြည်စီးပွားရေး ဟာ နှစ်ကာလကြာ ရှည်တိုးတက်ခဲ့ပေမယ့် တရုတ်ပြည် သူတွေဟာ လွန်ခဲ့တဲ့ဆယ်စုနှစ် နှစ်ခုလောက်က ပျော်ရွှင်ခဲ့ကြသ လို အခုနေအခါ ပျော်ရွှင်ကြခြင်း မရှိကြတော့ဘူးလို့ Uriversity of Southern California လေ့လာ ဆန်းစစ်ချက်တစ်ခုက ဆိုတယ်။ တရုတ်နဂါးကြီးက လွန်ခဲ့တဲ့ ဆယ် စုနှစ်သုံးခုက နိုးထလာခဲ့တယ်။ အန္တရာယ်ပတ်ချာလည်ဝိုင်းနေတဲ့ ဒီနှစ်မှာ နဂါးကြီးရဲ့ ဦးခေါင်းက ဘယ်ဘက်ကို လှည့်ပါလိမ့်။ ဂီယာအပြောင်းအရွှေ့ အားကောင်းတဲ့ ကုန်ကျစရိတ် သက်သာမှု၊ ကြီးမားတဲ့ ရင်းနှီးမြှုပ် နှံမှုနဲ့ နိုင်ငံတော်ရဲ့ ထောက်ကူပံ့ ပိုးမှုတို့ရဲ့မောင်းနှင် တွန်းပို့မှုကြောင့် စားရမဲ့ သောက်ရမဲ့ ဖြစ်နေတဲ့ တရုတ်ပြည်ကြီးဟာ နှစ်၃ဝကာလ အတွင်းမှာ ကမ္ဘာ့ဒုတိယအကြီး စီးပွားရေး အဖြစ် ပြောင်းလဲသွား ခဲ့ပြီး အမေရိကန်တို့ရဲ့ စီးပွားရေး ခြယ်လှယ်မှုကို ပြိုင်ဆိုင်ရင်ပေါင် တန်းလာနိုင်ခဲ့တယ်။ မဟာစီးပွားရေး ကျဆင်းမှုကြီး (Great Recession) ကာလတုန်း က ကမ္ဘာဂြိုဟ်ကြီးအထောင်းအထု ခံနေချိန်မှာ တရုတ်နိုင်ငံဟာ ဘဏ္ဍာရေးပြဿနာကို အလွယ်တ ကူ ပုတ်ထုတ်ခါချ ကျော်လွှားနိုင် ခဲ့တယ်။ ဒီလိုအောင်မြင်မှုက စီး ပွားရေးလုပ်ငန်းရှင်တွေ နဲ့ ဘောဂဗေဒပညာရှင်တွေ ကို တရုတ်ပြည် ရဲ့ နိုင်ငံတော်အရင်းရှင်ဝါဒက အနောက်နိုင်ငံတွေရဲ့ လွတ်လပ်တဲ့ စီးပွားရေးစနစ်တွေ ထက် သာလွန် ကောင်း မွန်ပါပေတယ်လို့ သုံးသပ် ကောက်ချက်ချရ လောက်အောင် ဖြစ်စေခဲ့တယ်။ နိုင်ငံတော် အရင်း ရှင်ဝါဒဆိုတာက ဈေးကွက်ရဲ့ မမြင်ရတဲ့လက်နဲ့ နိုင်ငံတော်ရဲ့ ထင် ထင်ရှားရှားကြီးမြင်ရတဲ့ လက်တို့ကို ချိတ်ဆက် ပူးကပ်ထားတဲ့ ဝါဒ စနစ်ကြီးဖြစ်တယ်။ တရုတ်ပြည်ကြီး တိုးတက်လာ လေ ဂလိုဘယ်စီးပွားရေးအဝိုင်း အဝန်းထဲမှာ တရုတ်တို့ရဲ့ အခန်း ကဏ္ဍအရေးပါ လာလေ ဖြစ်လာခဲ့ တယ်။ တရုတ်စက်ရုံအလုပ်ရုံတွေ ဟာ ဒေသတွင်း ကုန်ထုတ်လုပ်မှု ကွန်ရက်ရဲ့ ဗဟိုချက်မဖြစ်လာခဲ့ တယ်။ အာရှတစ်နံတစ်လျားကို တိုးတက်ဖွံ့ဖြိုးစေခဲ့တယ်။ တရုတ် ပြည်ရဲ့ ကြွယ်ဝချမ်းသာလာတဲ့ စားသုံးသူတွေဟာ General Motors ? McDonald's တို့လို နိုင်ငံစု အခြေစိုက်ကုမ္ပဏီကြီးတွေအတွက် အရေးပါတဲ့ပုဂ္ဂိုလ်တွေ ဖြစ်လာခဲ့ တယ်။ သံသတ္ထုရိုင်းတွေကနေပြီး ဂျုံ၊ ပြောင်းတွေအထိ အငမ်းမရ ဝါးမျိုလာတဲ့ တရုတ်စက်မှုကဏ္ဍရဲ့ စားသုံးမှုကြောင့် ကမ္ဘာ တစ်လွှား မှာ ကုန်ပစ္စည်းဈေးနှုန်းတွေ မိုးထိအောင်မြင့်တက်ကုန်တယ်။ တရုတ်ကြောင့်သာ မဟုတ်ရင် မဟာစီးပွားရေး ကျဆင်းမှုကြီးဟာ တစ် ကမ္ဘာလုံးကို ဖြူခါပြာခါကျသွားစေ နိုင်တယ်။ ဒါပေမယ့် အခုတော့ တရုတ် ရဲ့ ကျော်ကြားထင်ရှားတဲ့ တိုးတက် မှု ယန္တရားကြီးဟာ တဖုတ်ဖုတ် တ ဖောက်ဖောက်ဖြစ်လာ တယ်။ မြင့် တက်လာတဲ့စရိတ်က ယှဉ်ပြိုင်နိုင် စွမ်းကို ဖဲ့ထုတ်သွားတယ်။ နိုင်ငံ တော်ရဲ့ အလွန်အမင်း ထိန်းချုပ်မှု က စီးပွားရေးကို ရွဲ့စောင်းပုံပျက် သွားစေတယ်။ ပရမ်းပတာ ရင်းနှီး မြှုပ်နှံမှုက ဘဏ္ဍာရေးစနစ်ရဲ့ ကျန်း မာရေးအခြေအနေကို ခြိမ်းခြောက် လာ တယ်။ နိုင်ငံတော် စီးပွားရေး လုပ်ငန်းတွေကပုဂ္ဂလိကလုပ်ငန်းရှင် တွေကို လည်ပင်း အတင်းဝင်ညှစ် သလို ဖြစ်လာတယ်။ ဒီလိုဖြစ်ရပ်တွေက တရုတ် ပြည်ဟာဆက်လက်တိုးတက်ဖို့ အ တွက် မော်ဒယ်သစ်တစ်ခု လိုအပ် လာပြီဆိုတာကို မီးမောင်း ထိုးပြ လျက်ရှိတယ်။ နိုင်ငံတော်ရဲ့ မောင်း နှင်အားထက် ဈေးကွက်တွေရဲ့ မောင်းနှင်အားကို အသုံးပြုဖို့လို လာပြီ။ ပိုပြီး ဘက်ညီတဲ့၊ ပွင့်လင်းတဲ့၊ တရားမျှတမှုရှိတဲ့စနစ်တစ်ခု ဖွေရှာ ဖန်ဆင်းဖို့ လိုအပ်လာပြီ။ ဇွန်လကုန်မှာ သက်တမ်းငါးနှစ် ပြည့်မြောက်လို့ နုတ် ထွက် သွားခဲ့တဲ့ ကမ္ဘာ့ဘဏ်ဥက္ကဋ္ဌ Robert Zoellick က တရုတ်ရဲ့လက်ရှိကျင့်သုံး နေတဲ့စနစ်ဟာ ရေရှည် မတည်တံ့ နိုင်ဘူး လို့ ပြောကြားခဲ့တယ်။ ကမ္ဘာ့ဘဏ်ရဲ့ မတ်လအစီရင် ခံစာမှာ တရုတ်ပြည်ဟာ ပြုပြင် ပြောင်းလဲရေးလုပ်ဖို့ နှောင့်နှေးကြန့် ကြာနေရင် အနာဂတ်မှာ စီးပွားရေးပြဿနာတက်လာနိုင်တဲ့အန္တရာယ်ရှိတယ်လို့ သတိပေးဖော်ပြခဲ့သေးတယ်။ အပြောင်းအလဲလုပ်ဖို့ လိုအပ် တာတော့သေ ချာတယ်။ တရုတ်စီးပွားရေးဟာ နှစ်ပေါင်းများစွာအတွင်းမှာ အင်မတန်စိုးရိမ်ဖွယ်ကောင်းတဲ့စီးပွားရေးကျဆင်းမှုနဲ့ ရင်ဆိုင်ကြုံတွေ့နေ ရတယ်။ IMF က တရုတ်ပြည်ရဲ့ ဂျီဒီ ပီဟာ၂ဝ၁၂ခုနှစ်မှာ၈.၂ရာခိုင်နှုန်း တိုးတက်နိုင်တယ်လို့ ခန့်မှန်းထား တယ်။ ဂလိုဘယ်စီးပွားရေး ရာသီဥတုအရ သိပ်အဆိုးရွားကြီးမဟုတ်ပေမယ့်၁၉၉၉ခုနှစ်ကစပြီးကြည့်ရင် အနှေးကွေးဆုံးတိုးတက်မှုဖြစ်တယ်။ ဒါပေမယ့် ဒီလိုနှေးကွေး ကျဆင်း သွားတာ တရုတ်တစ်နိုင်ငံတည်း တော့ မဟုတ်ဘူး။ တစ်ချိန်က ထင်သာမြင်သာတိုးတက်ခဲ့ကြတဲ့ ထွန်း သစ်စ ဈေးကွက်များအားလုံး အေး ခဲစပြုလာကြတယ်။ ဘရာဇီးစီးပွားရေးဆိုရင် ဒီနှစ် မှာ အမြင့်ဆုံးတိုးတက်ရင် သုံးရာ ခိုင်နှုန်းပဲရှိနိုင်တယ်။ နိုင်ငံရေးအရ မလှုပ်နိုင် မရှားနိုင်ဖြစ်နေတဲ့ အိန္ဒိယစီးပွားရေးကလည်း ၂ဝဝ၄ ခုနှစ်နှောင်းပိုင်း အနိမ့်ဆုံးသို့ ကျ ဆင်းသွားတယ်။ အမေရိကန် စီး ပွားရေး ပြန်လည်နိုးထ ရှင်သန် လာပြီလို့ ဆိုကြပေမယ့်လည်းထော့ကျိုးထော့ကျိုး ချိုင်းထောက်ကလေးနဲ့။ ဥရောပသမဂ္ဂရဲ့ယူရိုဇုန် ကလည်းကြွေး မြီပြဿနာပြန် လည် ဗလောင် ဆူလာတယ်။ ဂရိနိုင်ငံကတော့ ယူ ရိုဇုန်ကထွက်ဖို့ အထုပ်အပိုးပြင်နေ သလားတော့မသိ။ တကယ်တော့ ကမ္ဘာကြီး အခုလိုအိုးနင်းခွက်နင်း ဖြစ်နေချိန်မှာတရုတ်ပြည်စီးပွားရေး ဘာမှမဖြစ်စေချင်ကြပါဘူး။ တရုတ်ပြည်ဟာ သူ့ဘာသာ သူ ဖွံ့ဖြိုးဆဲနိုင်ငံကြီးလို့ ခံယူတယ်။ တရုတ်ပြည်ရဲ့ စီးပွားရေးအံ့ဘနန်း တိုးတက်မှု ကို ဖြစ်ပေါ်စေခဲ့တဲ့ ရောနှောမှုဝါဒဟာ ဆင်းရဲပြီးမဖွံ့ဖြိုးသေးတဲ့အချိန်ကသင့်တော်မှန်ကန်တယ်လို့ ဆိုနိုင်ပေမယ့် အခုလို စက်မှု တိုးတက်ပြီး ချမ်းသာလာတဲ့ အခါမှာဒီဝါဒနဲ့သင့်တော်ပါ့မလား။ တရုတ်မော်ဒယ်အတွင်း ချွတ် ယွင်းချက်က တခြား မဟုတ်ပါဘူး။ ဗျူရိုကရက်တွေက ငွေကြေးစီး ကြောင်းတွေကို စိတ်ထင် သလို ခြယ်လှယ်ကစားခဲ့ကြခြင်း ဖြစ်ပါ တယ်။ စက်မှုလုပ်ငန်းတွေ အလျင် အမြန်တိုးတက်စေချင်တဲ့အတွက် အစိုးရက ငွေလဲနှုန်းတို့ အတိုးနှုန်းတို့ကို အဓိကျတဲ့ ဈေးနှုန်းတွေကို ကြီးကြပ် ကွပ်ကဲ ကစားကြတယ်။ ကုမ္ပဏီတွေက စက်ရုံအလုပ်ရုံတွေ နဲ့ စီမံကိန်းတွေမှာ ရင်းနှီးမြှုပ်နှံကြ အောင်လို့ အကွက်ဆင်ကြတယ်။ ဈေးကွက်တွေက သတ်မှတ်တဲ့ ပေါက်ဈေးနဲ့ဆိုရင် ဘယ်သူမှ ဒီလုပ်ငန်းတွေမှာ ရင်းနှီးမြှုပ်နှံကြ မှာမဟုတ်ဘူး။ နိုင်ငံပိုင်ဘဏ်တွေ ကလည်း မူဝါဒရေးဆွဲကြသူတွေ ညွှန်ကြားတဲ့ လုပ်ငန်းတွေကို သာ ငွေထုတ်ချေး ကြရတယ်။ ပြန်ပြော ခွင့်မရှိဘူး။ ဒီလို အစိုးရက ချုပ်ကိုင်မှု ကြောင့် နစ်နာဆုံးရှုံးမှုတွေရှိတယ်။ စီးပွားရေးဟာ ရင်းနှီးမြှုပ်နှံမှုအပေါ် အလွန်အမင်း အားထား မှီခိုနေရတယ်။ ဒါဟာ ဂျီဒီပီရဲ့ထက်ဝက်လောက်ရှိတယ်။ လောလောဆယ် တရုတ်စီးပွားရေးနှေးကွေးသွားတဲ့ အခါ ပြဿနာတောင် တက်လာတယ်။ ဘဏ်ကငွေထုတ်ချေးမှုတွေ အဖျားရှူးသွားတယ်။ အိမ်ဈေးနှုန်း တွေ လျှော့ကျရေးအတွက် အိမ်ရာမြေဈေးကွက် ကို ချုပ်ကိုင်မှုက အိမ် ရာဆောက်လုပ်ရေးလျှော့ကျသွား စေတယ်။ တိုးတက်မှုနှုန်းကျဆင်း သွားတယ်။ ဈေးနှုန်းတွေနဲ့ ကစား တဲ့ အကျိုးဆက်က ငွေတွေဟာ မဆိုင်တဲ့နေရာတွေဆီ ရောက်သွား တယ်။ ထုတ်လုပ်နိုင်အား အပိုဖြစ် လာတယ်။ အဓိကနိုင်ငံတော် စီးပွားရေးလုပ်ငန်းတွေ အမြတ်ရကြတယ်ဆိုတာက အစိုးရအနေနဲ့ ချေးငွေ တွေ၊ မြေရာတွေနဲ့ အခြားသွင်းအားစုတွေကို ထောက်ပံ့ မှုတွေ၊ ပံ့ပိုးကူ ညီပေးနေတဲ့အတွက်ဖြစ်တယ်။ နိုင်ငံတော်စီးပွားရေးလုပ်ငန်း တွေဟာ အတိုးနှုန်းသက်သက်သာ သာနဲ့ ချေးငွေတွေဖောဖောသီသီ ချေးငှားရရှိကြတယ်။ ဘဏ်ကြွေးတွေတစ်ပုံတစ်ခေါင်းကြီးဖြစ်လာတယ်။ ၂ဝ၁၁ခုနှစ်က ပြည်တွင်းဘဏ်ကြွေးတွေ ဂျီဒီပီရဲ့ ၁၇၅ ရာခိုင်နှုန်းလောက်မြင့် တက်ခဲ့တယ်လို့အကဲဖြတ်အေဂျင်စီ Fitch က ခန့်မှန်းတယ်။ တရုတ်ဘဏ်တွေမှာတောင်းခံမရဘဲ အချဉ် ပေါက်ချေးငွေတွေမြင့်မား လာတဲ့ အတွက် ဘဏ္ဍာရေးကဏ္ဍမှာ မတည်မငြိမ်ဖြစ်လာနိုင်တယ်။ အဲသလို မူဝါဒတွေ ကျင့်သုံးခဲ့ တဲ့ အခြားသောစီးပွားရေးတွေမှာ လည်း စီးပွားရေးပြိုလဲမှုတွေဖြစ်ခဲ့ ဖူးတယ်။ ဥပမာအားဖြင့် ၁၉၉ဝ နှစ်များရဲ့ အစောပိုင်းကာလက ဂျပန်နိုင်ငံ၊ ၁၉၉၇ အာရှ ဘဏ္ဍာ ရေး အကျပ်အတည်းတုန်းက တောင်ကိုရီးယား၊ ရင်းနှီးမြှုပ်နှံ ဦး စီးဦးဆောင်လုပ်တဲ့ အံ့ဘနန်းတိုးတက်မှုတိုင်းဟာ ကြွေးပြဿနာနဲ့ ဇာတ်သိမ်းကြရတယ်။ အကြွေးဟာ ပြဿနာပါပဲလို့ပေကျင်း တက္ကသိုလ် ဘဏ္ဍာရေး ပါမောက္ခ Michael Pettis က ထောက်ပြတယ်။ တရုတ်မော်ဒယ် တရုတ်စီးပွားရေး မော်ဒယ် ဘယ်လိုအလုပ်လုပ်သလဲသိချင်ရင် တော့ ဝူရှီမြို့က နေရောင်ခြည်စွမ်း အင်ဖမ်းယူပြီး လျှပ်စစ် စွမ်းအား ထုတ်လုပ်ပေးနိုင်တဲ့ မှန်ပုံကွက် ကိရိယာတွေ Solar Panels တီထွင်ဖန်ဆင်းတဲ့ Sun-tech Power စက်မှု လုပ်ငန်း ကြီးကိုတစေ့တစောင်း လေ့လာရုံ နဲ့ ရိပ်မိနိုင်တယ်။ Suntech ဟာ Solar-cell တွေ ထုတ်လုပ်တဲ့ စက်မှုလုပ်ငန်းကြီး ဖြစ်တဲ့အပြင် အလားတူ ထုတ်လုပ်နေကြတဲ့ ကုမ္ပဏီကြီးတွေရဲ့ဦးစီး ဦးဆောင်လည်းဖြစ်တယ်။ နောက် ဆုံးပေါ်စက်ကိရိယာတွေ အသုံးပြုပြီး ထုတ်လုပ်နေကြတာဖြစ်တယ်။ တရုတ်နိုင်ငံမှာ ဒီလို Solar-cell တွေ ထုတ်လုပ်နေကြတဲ့ ကုမ္ပဏီတွေရေတွက်လို့ မကုန်နိုင် လောက်အောင် များပြားတယ်။ တရုတ်မော်ဒယ်ကို အ ကောင်း မြင် ဝါဒနဲ့ကြည့်မယ်ဆိုရင် တရုတ်နိုင်ငံရဲ့ပုံအော ရင်းနှီးမြှုပ်နှံမှု စနစ်ကဟောင်းနွမ်းစုတ်ပြတ် နေတဲ့ စက်မှုလုပ်ငန်းတွေကို တစ် ခဏချင်းခေတ်မီစက်မှုလုပ်ငန်းကြီး အဖြစ် ပြောင်းလဲ သွားအောင် ဖန်ဆုံးပုံဖော်နိုင်စွမ်းရှိတယ်။၂ဝဝ၁ ခုနှစ်က ကမ္ဘာ့ Solar-cell ထုတ် လုပ်မှုထဲမှာ တရုတ်နိုင်ငံရဲ့ထုတ် လုပ်မှုက ၁ ရာခိုင်နှုန်းပဲရှိတယ်။ အဲဒီအချိန်မှာ အမေရိကန်နိုင်ငံရဲ့ ထုတ်လုပ်မှုက ၂၇ ရာခိုင်နှုန်း။ ဒါပေမယ့် ၂ဝ၁၁ခုနှစ်ရောက် တော့ တရုတ်နိုင်ငံရဲ့Solar-cell ထုတ်လုပ်မှုဟာဂလိုဘယ်ထုတ်လုပ် မှုရဲ့ ၅၆ရာခိုင်နှုန်းဖြစ် လာတယ်။ အမေရိကန်နိုင်ငံရဲ့ ထုတ်လုပ်မှုက မဖြစ်စလောက် ၃ရာခိုင်နှုန်းပဲရှိ တယ်။ တရုတ်နိုင်ငံရဲ့ အခုလို ဧရာမငွေသား စီးဆင်း မှုကြီးရှိနေ တယ်။ တစ်နည်းပြောရရင် နိုင်ငံ တော်ရဲ့ မောင်းနှင်အားရှိနေတယ်။တရုတ်အစိုးရက လုပ်ငန်းတစ်ခုခု ကို ဦးစားပေးလုပ်ကိုင်မယ်လို့ ကြေညာလိုက်တာနဲ့ ဘဏ်တံခါးတွေ ပွင့်လာတယ်။ သက်ဆိုင်တဲ့ကုမ္ပဏီကြီးတွေ ငွေ လိုသလောက် ဘဏ်က ချေးငှားလို့ရတယ်။ တရုတ်ပြည်တွင်းမှာ ကုမ္ပဏီ ကြီးတွေ အပြိုင်အဆိုင် Solar-cell တွေ ထုတ်လုပ်နေကြပေမယ့် ကုမ္ပဏီတိုင်းလိုလို အစိုးရ ဆီက ငွေ ကြေးထောက်ပံ့ကူညီမှုတွေအပြင် မြေ၊ စွမ်းအင်နဲ့ ရေသုံးစွဲမှုတွေ အပေါ် လျှော့ဈေးနဲ့ သုံးစွဲခွင့်ရကြ တယ်။ ပြီးတော့ အခွန် ကင်းလွတ် ခွင့်တွေလည်းရကြတယ်။ ကုမ္ပဏီ တွေဟာ Solar-cell တွေ ပိုလွန်ထုတ်လုပ်မှုတွေလုပ်ကြပြီး၊ ဈေးကွက်တွေထဲ မှာကုန်ကျစရိတ်ထက် လျှော့နည်းတဲ့ ဈေးနှုန်းတွေနဲ့ 'ဈေးချသွန်ရောင်းခြင်း'တွေလုပ်ကြတယ်။ ဒါကြောင့်မေလကစပြီး အမေရိကန် နိုင်ငံက Solar သွင်းကုန်တွေ အ ပေါ် အကောက်ခွန် ၃၁ရာခိုင်နှုန်း တိုးမြှင့်ကောက်ခံခဲ့တယ်။ တရုတ်ကုမ္ပဏီ အများအပြား က Solar-cell တွေ အလွန်အကျွံ ထုတ်လုပ်ရောင်းချလာခဲ့ကြတဲ့ အတွက် ၂ဝ၁၁ခုနှစ်မှာ Solar ဈးနှုန်းတွေ ထက်ဝက်လောက်ကျ ဆင်းသွားတယ်။ တရုတ် Solar ကုမ္ပဏီအတော်များများ အရှုံးပေါ် ခဲ့တယ်။ မော်ဒယ်အသစ်လိုပြီ အတိတ်ကာလက အင်မတန် အဆင်ပြေခဲ့တဲ့ နိုင်ငံတော်ချုပ်ကိုင် မှုဟာ တရုတ်ရဲ့ အနာဂတ် တိုး တက်မှုကို အကြီးအကျယ် ခြိမ်းခြောက် လျက်ရှိတယ်။ ဗျူရိုကရက်တွေက ထင်သလိုသတ်မှတ်ခဲ့ကြတဲ့ ဈေး နှုန်းတွေကို ဈေးကွက်ရဲ့ ပြဋ္ဌာန်း ချက်နဲ့ အညီ ဖြစ်စေဖို့လိုလာပြီ။ အ ရင်းအနှီးတွေကိုလည်း အမြော် အမြင်ရှိရှိနဲ့ ချင့်ချင့်ချိန်ချိန် ရင်းနှီး မြှုပ်နှံဖို့လိုလာပြီ။ ပြီးတော့ ငွေကြေး ကိုလည်း လွတ်လွတ်လပ်လပ် လှုပ် ရှားခွင့်ပေးသင့်ပြီလို့ အချို့က ဝေဖန်ထောက်ပြခဲ့ကြတယ်။ တရုတ်ဘဏ်တွေကိုလည်း အ စိုးရမူဝါဒအကောင်အထည်ဖော်ရ တဲ့ဘဝမှ လွတ်လပ်ခွင့်ပေးပြီး စီး ပွားရေးအမြင်နဲ့ လုပ်ကိုင် ခွင့်ပြုသင့်တယ်လို့ မြင်ကြတယ်။ အစစ်အမှန်ယှဉ်ပြိုင်မှုကို မြှင့်တင်ဖော်ဆောင်နိုင်ဖို့အတွက်အကာအကွယ်ပေးထားတဲ့ ဘဏ္ဍာရေး ဝန်ဆောင်မှု ကဏ္ဌကိုလည်း ဖွင့်ပေးသင့်တယ်လို့ ဆိုကြတယ်။ နိုင်ငံပိုင်ကုမ္ပဏီတွေ ကိုလည်း ငွေကြေးထောက်ကူမှုနဲ့ အခွင့် အရေးတွေနေမှုကို ရပ်ဆိုင်း ပြီး သူတို့ဘာသာသူတို့ လွတ်လပ် စွာ လုပ်ကိုင်စေသင့်တယ်လို့ ထောက်ပြကြတယ်။ ဒါတွေကို ပြုပြင်ဖို့ခက်ခဲနိုင် ပေမယ့် မလုပ်နိုင်စရာတော့မရှိပါ ဘူး။ ဒီအတွက်သာမက တစ်ခုရှိ တယ်။ အာရှဘဏ္ဍာရေးအကျပ်အ တည်းနောက်ပိုင်းကာလမှာ တောင် ကိုရီးယားနိုင်ငံဟာ အစိုးရကဏ္ဍ၊ ဘဏ္ဍာရေးကဏ္ဍနဲ့ စီးပွားရေးကဏ္ဍ တွေအကြား ဆက်နွယ်မှု အားလုံးကို ဖြတ်တောက်ပစ်ခဲ့ပြီး ကုမ္ပဏီတွေ ကို ဂလိုဘယ်ဈေးကွက်မှာ ယှဉ်ပြိုင် စေခဲ့တယ်။ ဒီလိုနဲ့ တောင်ကိုရီး ကုမ္ပဏီတွေ တိုးတက်ရှင်သန်လာ နိုင်ခဲ့တယ်။ တရုတ်ပြည်အတွက် ကံ ကောင်းတဲ့အချက်တစ်ချက်က တရုတ်ခေါင်းဆောင်ပိုင်းက ပြုပြင် ပြောင်းလဲရေးတွေလုပ်သင့်ပြီဆိုတာ ကို မြင်ကြတယ်။ ဝန်ကြီးချုပ် Wen Jiabao က 'တရုတ်စီးပွားရေး အဝိုင်းအဝန်းထဲမှာ အဆောက်အ အုံဆိုင်ရာ ပြဿနာတွေ ရှိတယ်။ ဒါ ကြောင့် မတည်ငြိမ်မှုတွေ၊ ဘက် မညီမှုတွေနဲ့ရေရှည်မတည်တံ့နိုင်တဲ့ တိုးတက်မှုတွေ ရှိနေခြင်းဖြစ်တယ်။ ဒါတွေ ကို ပြုပြင်ရမယ်။မပြုပြင်ရင် တော့ နောက်ထပ်တစ်ကြိမ် ယဉ် ကျေးမှုတော်လှန်ရေးဖြစ်လာနိုင် တယ်'လို့ထောက်ပြ ခဲ့ပါသေး တယ်။ ဒီနှစ်နှောင်းပိုင်း တရုတ်ပြည် ကွန်မြူနစ်ပါတီရဲ့ ၁၈ကြိမ်မြောက် ကွန်ဂရက်ကျင်းပဖို့ရှိတယ်။ ဒီကွန် ဂရက်ကနေ ပြီး ပေါ်လစ် ဗျူရိုသစ် ရွေးချယ်တင်မြောက်ကြမယ်။ ပြီး တော့မှ ပေါ်လစ်ဗျူရို အမြဲတမ်း ကော်မတီတစ်ရပ်ဖွဲ့စည်းကြမယ်။ ဒီအမြဲ တမ်းကော်မတီ ထဲက ရှီကျင့် ဖိန်း Xi-Jinping ဟာ သမ္မတ ဖြစ်လာနိုင်ပြီး၊ လီခယ်ချန်းက ဝန် ကြီးချုပ်ဖြစ်လာနိုင်တယ်။ သူတို့နှစ်ဦး စလုံး ဟာ ယဉ်ကျေးမှု တော်လှန်ရေးခေတ်ရဲ့မျိုးဆက်သစ် တွေဖြစ်ကြတယ်။ ဒါပေမယ့် i keqiang က ယဉ်ကျေးမှုတော်လှန်ရေးကို ပြန်လည်ဖော်ထုတ်လိုတဲ့ ပိုရှီလိုင် Bo Kilai ရဲ့ ချုံချိန်း စီးပွားရေးမော်ဒယ်ကိုတော့ အသုံးပြုကြမှာ မဟုတ်ပါဘူး။ ဒါကသေချာတယ်။ ဘာကြောင့်လဲဆိုတော့ Bo Kilai တစ်ယောက် ရာထူးပြုတ်သွား ခဲ့ပြီမဟုတ်ပါလား။ Ref: TIME , June 18 , 2012 မင်းရွှေမောင်

ကဗျာဆရာ၊ စာရေးဆရာ မောင်စိန်ဝင်း(ပုတီးကုန်း)နှင့်တွေ့ဆုံခြင်း(၆)

 

      မြစ်ဆုံဆည်တည်ဆောက်ရေး ကိစ္စကို ပြန်စဖို့ တရုတ်ဘက်က တိုက်တွန်းနေတာတွေ့ရှိတယ်လို့ သိရပါတယ်။ တကယ်လို့ များ မြစ်ဆုံ ဆည်ပြန်ပြီး တည်ဆောက်ဖြစခဲ့ရင် ဆရာတို့ကရော ဘယ်လိုဆောင် ရွက် မှာပါလဲ ဆရာ။
    ဒီကိစ္စကတော့ ရှင်းပါတယ်။ ဘယ်စနစ် ဘယ်ခေတ်၊ ဘယ်အစိုးရ လက်ထက်မှာပဲ ဖြစ်ဖြစ် မြစ်ဆုံဆည် တည်ဆောက် မယ့်ကိစ္စကို ပြန်စမယ် ဆိုရင် ကျွန်တော်တို့လဲ ကန့်ကွက် ခြင်းလုပ်ငန်းတွေ ကို ပြန်စရမှာ ပါပဲ။ မြစ်ဆုံ ဆည်ကို ပြန် လည် တည် ဆောက်ဖို့ နိုင်ငံတကာဆည် တည် ဆောက်ရေးအဖွဲ့ကြီးတွေ ဆီက ထောက်ခံ ချက်ယူဖို့ တရုတ်ဘက်က ကြိုးစားနေ တယ်လို့ သတင်းတွေမှာ ဖော်ပြကြပါတယ်။ အကျိုးအမြတ် ဘယ်လောက်ပဲရှိနေပါစေ မြစ်ဆုံဆည် တည်ဆောက်တဲ့လုပ်ငန်းက မလုပ် သင့်၊ မလုပ်ထိုက်တဲ့ကိစ္စတစ်ရပ်ဖြစ် လို့ အကျိုးအမြတ်ဆိုတာကို လုံးဝ ထည့်သွင်းစဉ်းစားဖို့ မလိုအပ်ပါဘူး။ ကျွန်တော် မကြာခဏ ပြောဖူးသလို အကျိုးအမြတ် ဘယ်လောက်ပဲ ရရ ကိုယ့်အမေအရင်းကိုတော့ ဘယ်သူမှ ရောင်းမစားပါဘူး။ ဧရာဝတီ ဆိုတာ ကျွန်တော်တို့ မြန်မာတွေအားလုံးရဲ့ မိခင်ပါပဲဆိုတော့ တိုင်းပြည်ဖွံ့ဖြိုး တိုးတက်ရေးကို ဘယ်လိုပဲအထောက် အကူဖြစ်နေ ပါစေ၊ အကျိုးအမြတ်တွေ ဘယ်လောက်ပဲရနေပါစေ။ ဧရာဝတီ ကို လုံးဝ၊ လုံးဝအထိမခံနိုင်ပါဘူး။ ဒါဟာ ဧရာဝတီကို ချစ်တဲ့ မြန် မာပြည် သားတစ်ယောက်ရဲ့ ရင်ထဲကလာတဲ့ စကားပါ။ ဘယ်တော့မှ ပြောင်းလဲမှာ မဟုတ်ပါဘူး။
    ဒါဆိုရင် မြစ်ဆုံစီမံကိန်းပြန်ပြီး တည်ဆောက်ခွင့်ရဖို့ ကြိုးစားနေတဲ့ တရုတ်နိုင်ငံက တာဝန်ရှိ သူတွေကို ရော ဘာများပြောချင် ပါသလဲဆရာ။
    ပိုက်ဆံတွေအများကြီးရမယ်၊ အကျိုးအမြတ်တွေလဲ အများကြီးရှိ မယ်ဆိုရင် သူတို့ရဲ့ အမေ အရင်းကို ရောင်းမလား။ နောက်ပြီး သူတို့ဆီက မြစ်ဝါမြစ်တို့ ယန်စီမြစ်တို့မှာ ရေကာ တာ လာဆောက် မယ် ဆိုရင် လက်ခံ နိုင်မှာလား။ အဲဒီလိုပဲ ပြန်မေးချင် ပါတယ်။
    ပြည်ပအသံလွှင့်ဌာနတွေရဲ့ ထုတ်လွှင့်ချက်တွေကိုရော နားထောင် ဖြစ်ပါသလားဆရာ။
    နားထောင်ပါတယ်။ နေ့တိုင်းကို နားထောင်ပါတယ်။ BBC, VOA, RFA, DVB စတဲ့ ပြည်ပ အသံလွှင့်ဌာန တွေရဲ့ ထုတ်လွှင့်ချက်တွေကို အလေး အနက်ထားပြီး နားထောင်ဖြစ်ပါ တယ်။
    လက်ရှိဖြစ်ပေါ်နေတဲ့ ၂၄ နာရီ လျှပ်စစ်မီးရရှိဖို့ ငြိမ်းချမ်းစွာ ဆန္ဒဖော် ထုတ်နေကြတဲ့ ကိစ္စကို ဘယ်လိုမြင် ပါသလဲ။
    တကယ်ကိုလုပ်သင့်လုပ်ထိုက် တဲ့ကိစ္စတစ်ခုပါပဲ။ ဒီကိစ္စကို ကိုယ် တိုင်ပါဝင်ဆောင် ရွက်ခြင်းမရှိနိုင်ရင် တောင် လူတိုင်း လူတိုင်း နီးပါးက ဒီကိစ္စကို ထောက်ခံကြမှာပါ။ ကျွန်တော်ကိုယ်တိုင်လဲ ဒီကိစ္စကို လှိုက်လှိုက်လှဲလှဲထောက်ခံပါတယ်။ မြန်မာပြည်က တကယ်ပဲချို့တဲ့နွမ်းပါး လို့ လျှပ်စစ်မီးအလုံ အလောက် မပေး နိုင်ဘူးဆိုရင်တော့ မြန်မာပြည်သူတွေ အားလုံးက မီးပျက်တာကို လက်ခံ နီုင်ကြမှာပါ။ အခုဟာက ကိုယ့်မှာရှိတဲ့ ဂတ်စ်တွေကို အိမ်နီးချင်းနိုင်ငံတွေကို ရောင်း ချနေပြီး ပြည် သူတွေ ကတော့ အမှောင် ထဲမှာ နေနေရတာကတော့ တကယ့်ကို မဖြစ်သင့်တဲ့ကိစ္စလို့ မြင်ပါတယ်။ ဂတ်စ်တွေရောင်းလို့ ရတဲ့ငွေတွေ ကို ဆေးတွေ ဝယ်ပြီး ပြည်သူလူထု ကျန်းမာရေးအတွက် ဆေးရုံ၊ ဆေးခန်းမှာ ဆေးတွေဖြည့် ဆည်းပေးထားမယ်၊ ဒါမှမဟုတ် လွတ်လပ်စွာ ပညာသင်ကြားခွင့်ရဖို့ စာသင်ကျောင်းတွေ တည်ဆောက် ပေးမယ် စသည်ဖြင့်လေ ပြည်သူ့ အကျိုးပြုလုပ်ငန်းတွေကို ဂတ်စ် ရောင်း လို့ရတဲ့ ဝင်ငွေ နဲ့ ဖြည့် ဆည်း ဆောင် ရွက်ပေး မယ်ဆိုရင်တော့ လျှပ်စစ်မီးအပြည့်အဝ မရတာကို နားလည် လက်ခံနိုင် စွမ်းရှိကြမှာပါ။ သို့သော် အခုဟာက မြန်မာပြည်သူ တွေက အမှောင်ထဲမှာပဲနေနေရပြီး တခြားတစ်ဘက်မှာ ဘယ်လိုအကျိုး ကျေးဇူးမှမရပါဘူး။ ဆိုတော့ ဒီ လျှပ်စစ်မီးကိစ္စမှာ ပြည်သူတွေ ရဲ့ ပေါက်ကွဲခံစားမှုက သည့်ထက်မက တောင် ဖြစ်သင့်တယ်လို့ ထင်မြင်ယူ ဆမိပါတယ်။
    ၂ဝ၁၂ ခုနှစ် မတ်လတုန်းက လှည်းတန်းမှာလုပ်တဲ့ စာပေဟောပြော ပွဲတစ်ခုမှာ ၈၈ အရေးအခင်းကာလမှာ စင်ပေါ်ကိုတက်ပြီး ရွတ်ခဲ့တဲ့ အာဂုဏ် ကြို သူရဲကောင်းဆိုတဲ့ ကဗျာပြန်ရွတ် ခဲ့တယ်လို့ သိရပါတယ်။ အဲဒီကဗျာ ကို ဘာကြောင့် အပြည့်အစုံ မရွတ်ခဲ့ တာပါလဲ ဆရာ။
    အဲဒီအာဂုဏ်ကြိုသူရဲကောင်း ဆိုတဲ့ ကဗျာထဲမှာ ၈၈ အရေးအခင်း တုန်းက ပြည်သူလူထုကို သေနတ်နဲ့ ပစ်တာကိုရေးဖွဲ့ထားတဲ့ အပိုဒ်တွေပါ တယ်။ အဲဒီအပိုဒ်တွေကို ကျော်ပြီး တော့ရွတ်ခဲ့တာပါ။ ဘာဖြစ်လို့ ကျော် ပြီးရွတ်ခဲ့တာလဲဆိုတော့ အခုချိန်မှာ တပ်မတော်နဲ့ ဒေါ်အောင်ဆန်း စုကြည်တို့ တစ်ဘက်နဲ့တစ်ဘက် နားလည်မှုရှိရှိနဲ့ အပေးအယူလုပ်နေတဲ့ အချိန်မှာ တပ်မတော်ကို သိက္ခာချ သလိုဖြစ်သွားမှာစိုးလို့ ကဗျာကို အပြည့်အစုံမရွတ်ခဲ့တာ။ အထင်ရှား ဆုံး ဥပမာကိုပေးရမယ်ဆိုရင် ၈၈ တုန်းက တံတားဖြူအရေးအခင်းမှာ ကျောင်းသားတွေနဲ့ လုံထိန်းတွေ ပြဿနာဖြစ်ပွားတဲ့အကြောင်း ကဗျာထဲမှာပါပေမယ့် မရွတ်ခဲ့ဘူး။ ဘာဖြစ်လို့လဲဆိုတော့ တံတားဖြူ အရေးအခင်းမှာ ကိုယ်တိုင်ပါဝင်ခံစား ခဲ့ရတဲ့ သူတွေရဲ့ စိတ်ကိုဆွပေးလိုက် သလို ဖြစ်မှာစိုးလို့ ကဗျာထဲမှာပါတဲ့ တချို့အ ပိုဒ်တွေ ကို ကျော်ပြီးရွတ်ခဲ့တာ ပါ။ သို့သော် အဲဒီလို ကျော်ရွတ်လိုက် ရုံနဲ့ တကယ်ဖြစ်ပျက်ခဲ့ တာတွေ က တော့ ပျောက်ပျက်သွားမှာ မဟုတ်ပါ ဘူး။ သမိုင်းထဲမှာရှိနေမှာပါပဲ။ အခု ချိန်မှာ မရွတ်သင့်ဘူးလို့ထင် တဲ့ ကဗျာ စာပိုဒ် တချို့ကို လဲ တစ်ချိန်ချိန် တစ်နေ ရာရာမှာ ဖြတ်ပြီးရွတ်ဖြစ်မှာပါ။ ရွတ် သင့်တယ် ထင်တဲ့ အချိန်၊ ရွတ်သင့် တယ်ထင်တဲ့ နေရာဒေသမှာ မရွတ်ဘဲ ထားခဲ့တဲ့ ကဗျာစာပိုဒ်တွေကို ပြန်ပြီး ရွတ်ဖြစ်မှာသေချာပါတယ်။
    ၂ဝ၁၂ ကြားဖြတ်ရွေးကောက်ပွဲ ကတော့ လွတ်လပ်ပြီး တရားမျှတတဲ့ ရွေးကောက်ပွဲတစ်ခုဖြစ်ခဲ့တယ်လို့ သိရ တယ်။ ဒီကြားဖြတ်ရွေးကောက်ပွဲကို လွတ်လပ်စွာကျင်းပပေးနိုင်ရုံနဲ့ လက်ရှိ အစိုးရဟာ ဒီမိုကရေစီ အစိုးရစစ်စစ် ဖြစ်ပြီလို့ ပြောနိုင်ပါသလား ဆရာ။
    ၂ဝ၁၂ ကြားဖြတ်ရွေးကောက်ပွဲ က လွတ်လပ်ပြီး တရားမျှတတဲ့ ရွေး ကောက်ပွဲတစ်ခုပါ။ သို့သော် ဒီကြား ဖြတ်ရွေးကောက်ပွဲလေးတစ်ခုကို လွတ်လပ်စွာ ကျင်းပပေးနိုင်ရုံနဲ့တော့ လက်ရှိအစိုးရက ဒီမိုကရေစီ အစိုးရ စစ်စစ်ဖြစ်ပြီ လို့ ပြောလို့မရသေးပါဘူး။
    သတင်းစာ ဆရာကြီး လူထု ဦးစိန်ဝင်းကတော့ ဖွဲ့စည်းပုံ အခြေခံ ဥပဒေကိုရော၊ ၂ဝ၁ဝ ကြားဖြတ်ရွေး ကောက်ပွဲကိုရော၊ လက်ရှိအစိုးရကို ရော မထောက်ခံသေးဘူလို့ ပြောဖူး ပါတယ်။ ဆရာရော လက်ရှိအစိုးရ အပေါ် ဘယ်လိုမြင်ပါသလဲ။
    ဆရာလူထုဦးစိန်ဝင်းလိုပါပဲ။ ကျွန်တော်လဲ ထောက်ခံလို့မရသေး ပါဘူး။
    ဆရာကပြည်ပနိုင်ငံတွေကိုလဲ မကြာခဏရောက်တာဆိုတော့ ကျွန်တော်တို့တိုင်းပြည်က နိုင်ငံခြား တိုင်းပြည်တွေရဲ့ (အထူးသဖြင့် Asean နိုင်ငံအချို့ရဲ့) ဖွံ့ဖြိုးတိုးတက်မှု ကိုရော လိုက်မီနိုင်ပါ့မလားဆရာ။
    လောလောဆယ် အနေအထား မှာတော့ တကယ့်ကိုအဝေးကြီး။ နောက်တော့ မပြောတတ်ဘူး။ အစိုးရ နဲ့ ပြည်သူ ဘယ်လောက်ထိ ညီညီ ညွတ်ညွတ်နဲ့ တိုင်းပြည်ဖွံ့ဖြိုးတိုး တက်ရေးကို ဆောင်ရွက်နိုင်မလဲဆို တာကို စောင့်ကြည့်ရမှာပဲ။ သူများ တိုင်းပြည်တွေကို အမီလိုက်ချင်ရင် အစိုးရနဲ့ ပြည်သူ ညီညီညွတ်ညွတ်နဲ့ လုပ်ကိုင်ဆောင်ရွက်သင့်တယ်လို့ မြင်ပါတယ်။
    အင်္ဂလိပ်စာရေးဆရာ ရပ်စကင်း က လူမျိုးတစ်မျိုးဟာ စာပေကို အထင်သေးနေရင်၊ သိပ္ပံပညာကို အထင်သေးနေ ရင်၊ ငွေနောက်ပဲငမ်းငမ်းတက်လိုက်နေရင် အဲဒီလူမျိုး ရေရှည်တည်တံ့ဖို့ မလွယ်ဘူးလို့ ပြောဖူးတာရှိပါတယ်။ ကျွန်တော်တို့ တိုင်းပြည်ကရော ရပ်စကင်းပြောတဲ့ အနေအထားကို ရောက်နေပြီလား ဆရာ။
    အဲဒီထက်ကိုဆိုးတဲ့ အနေ အထားကို ရောက်ခဲ့ပြီးပြီလေ။ အားလုံးသိတဲ့အတိုင်း ငွေနောက်၊ အာဏာနောက်ကို ငမ်းငမ်းတက် လိုက်ခဲ့ကြလို့ တိုင်းပြည်လဲ ချွတ်ခြုံ ကျခဲ့ပြီးပြီ။ ဒါကြောင့် နောက်လူတွေ၊ နောက်အစိုးရတွေက အတိတ်ကလို မဖြစ်အောင် သင်ခန်းစာယူတတ်ဖို့ပဲ လိုတယ်။
    ''ဒေါင်းကတဲ့နေ့''ဆိုတဲ့ ကဗျာရေးဖြစ်ပုံလေး ပြောပြပေးပါဦး ဆရာ။
    လူတိုင်း လူတိုင်းမှာ ဒေါင်းတွေ က နိုင်တယ်ဆိုတဲ့အတွေးမျိုး ရှိကြမှာ ပါ။ ကျွန်တော်က ကဗျာဆရာဖြစ် လို့ ဒီဒေါင်းကတဲ့နေ့ဆိုတဲ့ နာမည်နဲ့ ကဗျာလေးတစ်ပုဒ် ဖန်တီးဖြစ်ခဲ့တာ ပါ။ မြန်မာပြည် မှာတော့ လူအများစု က ခွပ်ဒေါင်းလို့ ပြောလိုက်ရင် ကျောင်း သားတွေပဲလို့ ယူဆကြပါ တယ်။ ကျွန်တော် ကတော့ ကျောင်းသားတွေ တင်မကပါ ဘူး။ မြန်မာပြည်မှာ ရှိတဲ့ မြန်မာပြည်သားအားလုံးက ခွပ်ဒေါင်း တွေ လို့ ယူဆပါတယ်။ ခွပ်ဒေါင်းဆိုတဲ့ အတိုင်း တစ်ချိန်လုံး ခွပ်နေကြ ရတာ ပဲ။ ဥပမာ ပြောရရင် လွတ်လပ်ရေး မရခင်ကလဲ ခွပ်ရတယ်။ လွတ်လပ် ရေး ရပြီးတော့လဲ ခွပ်ရတယ်။ နောက် ပိုင်းကာလတွေ မှာလဲ ဆက် တိုက် ဆို သလို ခွပ်နေရတာပါပဲ။ နားချိန်ကို မရှိဘူး။ ဒါပေမယ့် ခွပ်ဒေါင်းဆိုတာ ကလဲ ကတတ် တဲ့ဒေါင်း ပဲလေ။ ဒါကြောင့် တစ်ချိန်လုံး ခွပ်နေရတဲ့ ခွပ်ဒေါင်းကို ငြိမ်းငြိမ်းချမ်းချမ်းနဲ့ ကခွင့်ရစေ ချင်တယ်။ ပြောရရင် ဒီမို ကရေစီအပြည့်အဝရပြီး လွတ်လွတ် လပ်လပ် လှလှပပကနေ တဲ့ ဒေါင်း လေးတွေ လို မြင်ချင်တယ်။ အဲဒီလို အတွေးမျိုးနဲ့ ဒေါင်းကတဲ့နေ့ဆိုတဲ့ ကဗျာ ကို ရေးဖြစ်တာပါပဲ။
    ဒေါင်းကတဲ့နေ့ အမှန်တကယ် ရောက်လာမယ်လို့ ယုံကြည်ပါသလား ဆရာ။
    အခုတော့ ဒေါင်းကတဲ့နေ့ ရောက်ဖို့ ဦးတည်သွားနေတယ်လို့ ယူဆရပါတယ်။ ဘာမှအနှောင့် အယှက် အဟန့်အတား အဖျက် အဆီးမရှိဘူးဆိုရင်တော့ ဒေါင်းကတဲ့ နေ့ကို ရောက်လာမှာပါ။ ခွပ်ဒေါင်း ဆိုပေမယ့်လဲ တစ်ချိန်လုံး ခွပ်မနေ နိုင်ဘူးလေ။ သူလဲ အိုးဝေ အိုးဝေ မြည်ပြီးတော့ ကချင်မှာပေါ့။ အခု လမ်းကြောင်းအတိုင်းသာဆက်သွား မယ်ဆိုရင်တော့ ဒေါင်းက တဲ့နေ့ ရောက် လာနိုင်မှာပါ။
    ဒေါင်းကတဲ့နေ့ရောက်ရင်ရော အဲဒီဒေါင်းတွေက ရေရှည်ကနိုင်ပါ့ မလားဆရာ။
    ဒါကတော့ အခြေအနေပေါ်မှာ မူတည်တယ်လေ။ လိုအပ်လို့ရှိရင် တော့ သူ့နိုင်ငံအတွက်၊ သူ့လူမျိုးအ တွက်ကဒေါင်းတွေက ခွပ်ဒေါင်းတွေ အဖြစ် အချိန်မရွေး ပြန်ပြီး ပြောင်းလဲ သွားကြမှာပါပဲလေ။
    ပြည်ပတက္ကသိုလ်တွေက ဖိတ်တဲ့ ခရီးစဉ်တွေမှာ ဆရာ့ကို မတွေ့ရဘူး။ ဘာကြောင့်ပါလဲ ဆရာ။
    တချို့ကိစ္စတွေကို ကျွန်တော် သိတောင်မသိဘူး။ အမေရိကန်ပြည် ထောင်စု၊ အိုင်အိုဝါတက္ကသိုလ်က ဖိတ်တာမျိုးတော့သိတယ်။ ဖိတ်လဲ ဖိတ်ဖူးပါတယ်။ ဖိတ်တယ်ဆိုတဲ့ နေရာမှာလဲ သက်ဆိုင်ရာအမေရိကန် သံရုံးက စာရေးဆရာ လေး၊ ငါး ယောက် ကို လျှောက်လွှာတင်ခိုင်း တယ်။ လျှောက်လွှာတင်ပြီး အင်တာဗျူး မယ်။ အင်တာဗျူးဖြေလို့ အောင်တဲ့ ထဲကမှ တစ်ယောက်ယောက်ကို ရွေးပြီး အိုင်အိုဝါကို ပို့မှာ။ ကျွန်တော် တစ်ဦးတည်း အမြင်အရ ဒီအစီအစဉ် ကို မကြိုက်ဘူး။ စာရေးဆရာက အလုပ်လျှောက်တာမဟုတ်ဘူး။ ဒါကြောင့် အင်တာဗျူးမဖြေနိုင်ဘူး။ ဒါကြောင့် အဲဒီ့အစီအစဉ်အတွက် လျှောက်လွှာ တင်တာလဲ မလုပ်ဘူး။ ဒါကြောင့် အဲဒီပြည်ပနိုင်ငံတွေကို ကျွန်တော်မရောက်ဘူး။
    စာရေးဆရာအသင်းတို့၊ ကဗျာ ဆရာသမဂ္ဂတို့ စသည်ဖြင့် ဖွဲ့ကြတာ တွေရှိပါတယ်။ အဲဒီအဖွဲ့အစည်းတွေ မှ ပါဝင်ဖို့ရှိပါသလား။ အဲဒီအဖွဲ့ အစည်းတွေကိုရော ဘယ်လို မြင်ပါ သလဲဆရာ။
    စာရေးဆရာအသင်းတို့၊ ကဗျာ ဆရာသမဂ္ဂတို့ ပေါ်လာတာကောင်း ပါတယ်။ ဒါပေမယ့် ကျွန်တော်က တော့ အဲဒီ့အဖွဲ့အစည်းတွေမှာ ပါဝင်ဖို့ အစီအစဉ်မရှိပါဘူး။ ဘာဖြစ်လို့လဲ ဆိုတော့ အဲဒီအဖွဲ့အစည်းတွေနဲ့ နီးစပ်မှု မရှိလို့ပါ။ နီးစပ်မှု ရှိခဲ့ရင်တော့ အဖွဲ့ဝင်အဖြစ် ပါဝင်ကောင်း ပါဝင်ဖြစ် မှာပါ။ အသင်းအဖွဲ့တွေပေါ်လာတာ ကို ကြိုဆိုပါတယ်။ ဘယ်အသင်း အဖွဲ့မဆို အဲဒီလောကသားတွေရဲ့ အကျိုးကို အမှန်တကယ်ဆောင်ရွက် ပေးမယ်ဆိုရင် ကျွန်တော်တို့ကလဲ ထောက်ခံမှာပါပဲ။
    လက်ရှိဖြစ်ပေါ်နေတဲ့ နိုင်ငံရေး ပြုပြင်ပြောင်းလဲမှုတွေနဲ့ ပတ်သက်ပြီး ဆရာ့အနေနဲ့ တခြားပြောချင်တာများ ရှိရင်ပြောပေးပါဦး ဆရာ။
    တခြားထွေထွေထူးထူးတော့ မရှိပါဘူး။ ကျွန်တော်လဲ မြန်မာနိုင်ငံ သားတစ်ယောက်သာဖြစ်လို့ အားလုံး ခံစားရသလို ခံစားရပါ တယ်။ အားလုံး ဖြစ်စေချင်သလို ကျွန်တော်လဲ ဖြစ်စေ ချင်ပါတယ်။
    နောက်ဆုံးအနေနဲ့ပေါ့ဆရာ။ မြန်မာလူငယ်တွေအတွက် ကဗျာတစ် ပုဒ်နဲ့ ဧရာဝတီအတွက် ကဗျာတစ်ပုဒ် စီ လက်ဆောင်ပေး ပါလို့ တောင်းဆိုရင် ဘယ်ကဗျာတွေကို ပေးဖြစ်မှာပါလဲ ဆရာ။
    မြန်မာလူငယ်တွေအတွက် ''ဒေါင်းကတဲ့နေ့'' ကဗျာကိုပေးဖြစ် မှာပါ။

                             ဒေါင်းကတဲ့နေ့

    ဘယ်တောမှာနေနေ
    ဘယ်ရေကိုပြောင်းပြောင်း
    အရေးအကြောင်းဆို
    သွေးမပြောင်းပါဘူး
    ရှေးဒေါင်းတို့ရဲ့ သမိုင်းအစဉ်။
    တိုင်းပြည်နဲ့ လူမျိုး
    ပြည်သူ့အကျိုးဆို
    အကြောင်းမရွေး
    ဒေါင်းသွေးနီရဲရဲခွပ်
    ညီညွတ်ခဲ့ ရာဇဝင်။
    ပြည်သူတွေနဲ့ ထာဝရမခွဲ
    ပြည်သူထဲ အတူနေ
    အပူဝေ အတူမျှ
    ဒုက္ခအထွေထွေက လွတ်ကြောင်း
    ခွပ်ဒေါင်းဟေ့ မာန်ဝင်
    ရန်မြင်သမျှ ရင်ဆိုင်တွေ့။
    စမ်းကလေးတွေ အေး
    ပန်းကလေးတွေ မွှေး
    ငှက်ကလေးတွေ တေးဆို
    ငြိမ်းချမ်းရေးကို သူတို့ကြိုတော့
    မြိုင်ယံညို...ဟိုး...ရိုးအခြေ က
    အိုးဝေ...အိုးဝေ...
    မင်္ဂလာသံအပေါင်း...ခ... ရအောင်
    ဒေါင်းကတဲ့နေ့။   ။
    ဧရာဝတီအတွက်ဆိုရင်တော့
    မြစ်ကောဆိုတဲ့ကဗျာလေးကို ပေးဖြစ်မှာ
မြစ်ကော
    မြစ်မကောအောင်လို့
    သစ်တောတို့ စိမ်းရပေမည်။
    ရေဝေတောတွေ ဆိုင်းစို့စို့
    မှိုင်းညို့ညို့မှုန်ရီ...
    ချင်းတွင်းနဲ့ ဧရာဝတီ
    ရေပြာကြည်သမျှ
    ''မြန်မာ့ သွေး''...ဟေ့...။
    တစ်တောလုံးပြောင်
    တစ်တောင်လုံးလင်း
    မြစ်ကျဉ်းကာ သောင်တွေပေါ်တော့
    နောင်အရှည်မမျှော်
    ''မြန်မာ'' ပျောက်အောင်
    ကိုယ့်သွေးကို
    ကိုယ်ပြန်သောက်ပြီလား
    စိုးကြောက်ဖွယ်အဖြစ်သဘော
    မြစ်ကောတဲ့နေ့...။   ။

မြန်မာလူငယ်တစ်ဦး

အိန္ဒိယမျိုးဆက်သစ်တို့အတွက် ရွှေအိပ်မက်

    ဘယ်လောက်မှ မကြာသေးပါဘူး။ အိန္ဒိယနိုင်ငံမှာ Vivek Expressလို့ခေါ်တဲ့ အမြန်ရထား လမ်း သစ် တစ်ခုတိုးချဲ့ဖွင့်လှစ် ပြေးဆွဲခဲ့တယ်။ တောင်ကုန်းတွေပေါ်မှာ လက်ဖက်စိုက်ခင်းတွေနဲ့ စိမ်းစိုနေတဲ့ အိန္ဒိ ယအရှေ့ မြောက်ဘက်စွန်း အာသံပြည်နယ်ကနေပြီး အိန္ဒိယသမုဒ္ဒရာကို မျက်နှာမူထားတဲ့ တောင် ဘက် စွန်းအထိ မိုင်ပေါင်း ၂၇ဝဝ ရှည်လျားတဲ့ ရထား လမ်းပါ။ အစ၊ အဆုံး အဲဒီရထားကို စီးမယ် ဆိုရင် ခါးရိုးကျိုး မတတ်  နာရီပေါင်း ၈ဝ ကြာအောင် စီးကြရတယ်။

          ဒါပေမယ့်ရထားနဲ့ ခရီးသွားကြတဲ့ အိန္ဒိယနိုင်ငံသားတွေရဲ့ မျက်နှာမှာ အပြုံးပန်းတွေ ဝေဝေဆာ ဆာနဲ့။ အိန္ဒိယနိုင်ငံရဲ့ စီးပွားရေးက ဆက်လက်တိုးတက်နေဦးမှာပဲဆိုတဲ့  အကောင်းမြင်ဝါဒ အသိ တရား က သူတို့ရဲ့အမြင်ကို လွှမ်းခြုံထားတယ်။

          ရထားစီးခရီးသည်တွေဟာ လေယာဉ်စီးပြီး ခရီးသွားလောက်အောင် မချမ်းသာကြပေမယ့် အဝေး ပြေး အမြန်ရထားလက်မှတ်ဝယ်နိုင် လောက်အောင်တော့ ငွေကြေးပြည့်စုံကြတယ်။ ရထားပေါ်က နေပြီး တရိပ်ရိပ် ပြေးလွှားနေတဲ့ မြင်ကွင်းတွေကို လှမ်းကြည့်လိုက်ရုံမျှနဲ့ အိန္ဒိယနိုင်ငံကြီး ရှေးတုန်းက ထက် အဆ ပေါင်းများစွာ တိုးတက်လာခဲ့ပြီဆိုတာ ကို သက်သေထူလျက်ရှိတယ်။

          အနောက်ဘင်ဂေါ West Bengal ပြည်နယ်ရဲ့ အစွန်အဖျားတော ရွာကလေးတွေမှာတောင် သွပ်မိုး တိုက်သစ်ကလေး တွေကို ရထားပေါ်က လှမ်းမြင်နေကြရတယ်။ သွယ်တန်းထားတဲ့ လျှပ်မီးကြိုးတွေကလဲ ရှုပ်ရှုပ်ထွေးထွေး။ ရထားလမ်းဘေး တစ်လျှောက်မှာလဲ မိုဘိုင်း ဖုန်းမျှော်စင်ကြီးတွေက မိုးမိုးမတ်မတ်နဲ့ အစီအရီ တွေ့မြင်နေကြရ တယ်။ ဒါကြောင့်ထင်ပါရဲ့။ အိန္ဒိယ နိုင်ငံမှာ ဘယ်နေရာကမဆို  မိုဘိုင်းဖုန်းနဲ့ ဆက်သွယ်စကားပြောလို့ရတယ်။ ပြီးတော့ ရထားလမ်းနဲ့ နီးတဲ့အိမ်တွေရဲ့ မျက်နှာစာမှာ ကြော်ငြာ ဆိုင်း ဘုတ်ကြီးတွေကို ပြူးကလူးပြာကလာ တွေ့မြင်နေကြရတယ်။ အင်္ဂလိပ်စာသင်တန်း၊ ကွန်ပျူတာ သင် တန်းတွေ အတွက် ကြော် ငြာတွေ။

          ရထားပေါ်မှာ ခရီးသည်တွေကို ကြည့်လိုက်ပြန်ရင်လဲ သားသားနားနား ဝတ်စားဆင်ယင် ထားကြတဲ့ လူလတ်တန်းစားတွေ။ ကောလိပ် ကျောင်းသားတွေက လူတို့ရဲ့ Laptops တွေပေါ်မှာ ဘော လီးဝုဒ်က နောက်ဆုံးထုတ်လုပ်လိုက်တဲ့ ရုပ်ရှင်ကားတွေကို စိတ်ပါလက်ပါ ရှုစားနေကြတယ်။ အိန္ဒိယ အရှေ့မြောက် ဘက်စွန်း အာသံပြည်နယ်က နာမကျန်းဖြစ်သူတစ်ဦးဟာ တောင်ပိုင်း တမီးလ်နာ ဒူးပြည်နယ်မှာ ဆေးရုံတက်ဖို့ လိုက်ပါလာတယ်။ ခွင့်နဲ့ပြန်လာတဲ့ စစ်သားတစ်ယောက်က ကီရာလာပြည် နယ်က သူ့မိသားစုဆီအသစ်စက်စက် မိုဘိုင်းဖုန်းနဲ့စကားပြောလျက်ရှိတယ်။ ရထားပေါ်မှာ စား သောက်ဆိုင်ဖွင့်ထားတဲ့မဏိပူရက စီးပွားရေးသမားတစ်ဦးကတော့ စီးပွားရေးကောင်းလို့ အရမ်း အရမ်း ဝမ်းသာနေလေရဲ့။

          သူတို့တစ်တွေရဲ့ မျှော်လင့်ချက် အားလုံးကိုတော့ အိန္ဒိယနိုင်ငံက စုံစုံစေ့စေ့ ဖြည့်ဆည်းပေး နိုင် ဖို့ လွယ်မယ်မထင်ဘူး။ ဒါပေမယ့် ဆယ်စုနှစ် တစ်ခုလောက် စီးပွားရေး တိုးတက်ခဲ့မှုကြောင့် အကျိုးရလဒ် ဖြစ် ပေါ်မှုတွေ ရှိခဲ့တယ်။ သာဓက တစ်ခု က မနှစ်က National Medical Journal of India စာစောင်မှာ ချမ်းသာတဲ့ အိန္ဒိယပြည်သူတွေရဲ့ သားသမီးတွေထဲက ၁၈နှစ်အရွယ် သားယောက်ျားကလေးတွေဟာ ၁၉၉၂ ခုနှစ်ကထက် အရပ်အမောင်း ၄.၅ စင်တီမီတာ ပိုရှည်လာခဲ့ပြီး ကိုယ်အလေးချိန်က လေးကီလို ဂရမ် ပို တက်လာခဲ့တယ်လို့ ဖော်ပြခဲ့တယ်။ ဒီလိုဖြစ်လာတာဟာ ကောင်းမွန်တဲ့ အစားအစာတွေကို  စားလာနိုင်ကြပြီး ရောဂါနည်းပါးသွားခဲ့တဲ့အတွက် ဖြစ် ကြောင်းဖော်ညွှန်းတယ်။

          အခြားတစ်ဘက်မှာလဲ အိန္ဒိယ  ဆင်းရဲသားကျောမွဲလူတန်းစားရဲ့ အခြေအနေ အတော်အသင့်တိုးတက် လာတယ်။ သူတို့အကြောင်းကို မတ် လ ၁၉ ရက်နေ့က အစိုးရ လေ့လာ ချက်တစ်ခုမှာဖော်ပြခဲ့တယ်။  အိန္ဒိယ အစိုးရက တစ်နေ့ဝင်ငွေ  ၂၂ ရူးပီး ဒါမှမဟုတ် ဒီထက်လျော့နည်းတဲ့ ဝင်ငွေ ရရှိသူတွေကို ဆင်းရဲသားလို့ သတ်မှတ်တယ်။ အများအားဖြင့် ဒီဆင်းရဲသားပြည်သူတွေဟာ ကျေး လက် တောရွာတွေမှာ နေထိုင်ကြ သည်။ ၂ဝဝ၄ ခုနှစ်က ဒီလို ဆင်း ရဲသား ၄ဝ၇ သန်းရှိခဲ့ရာက ၂ဝဝ၉ ခုနှစ် မှာ ၃၅၅ သန်းသို့ လျော့နည်း  ကျဆင်းသွားခဲ့တယ်။ တစ်နည်း ပြော ရရင် ငါးနှစ်ကျော် ကာလအတွင်း ဆင်းရဲသား ၅၂ သန်းလောက် ကျ ဆင်းသွားခဲ့ခြင်းဖြစ်တယ်။ ဒီအရေ အတွက်ဟာ တောင်အာဖရိက နိုင်ငံ  တစ်ခုလုံးရဲ့လူဦးရေလောက်ရှိတယ်။ ဒါပေမယ့် ဝေဖန်သူတွေ ထောက်ပြ သလို အိန္ဒိယလူဦးရေရဲ့ သုံးပုံ တစ် ပုံလောက်ကတော့ ဆင်းရဲတွင်းနက် နေကြတုန်းပါပဲ။

          သို့ပေမယ့် အိန္ဒိယနိုင်ငံအတွက်  အားရကျေနပ်ဖွယ်ကောင်းတဲ့ အလားအလာတွေရှိပါသေးတယ်။  မနှစ်က သန်းခေါင်စာရင်းအရဆိုရင် အိန္ဒိယ အိမ်ထောင်စု ၂၄၇ သန်းအတွင်း ပညာတတ် မြောက်မှု နှုန်းဟာ ၂ဝဝ၁ ခုနှစ်မှာ ၆၅ ရာခိုင်နှုန်းသာ ရှိနေခဲ့ ရာမှ ၇၄ ရာခိုင်နှုန်းအထိ တိုးတက် လာခဲ့တယ်။ အဲသ လိုပဲ ဖုန်းသုံးစွဲမှုဟာ ကိုးရာခိုင်နှုန်းလောက်သာ ရှိခဲ့ရာက အခုအခါ ၆၃ ရာခိုင်နှုန်း အထိ တိုးတက်လာ တယ်။ ၆ဝ ရာ ခိုင်နှုန်းဟာ ဘဏ်စာရင်းဖွင့် ထား ကြတယ်။ ၉၃ ရာခိုင်နှုန်းဟာ လျှပ် စစ်မီး ရရှိကြတယ်။

          အိန္ဒိယနိုင်ငံအနေနဲ့ ဆက် လက်တိုးတက်ဖို့အတွက် လုပ် ဆောင်ရမယ့် အချက်နှစ်ချက်ရှိ တယ်လို့ ဝေဖန်သူတွေက ထောက်ပြ ခဲ့ကြတယ်။

       ၁။ အစိုးရဟာ ဘဏ္ဍာ ရေးကို စနစ်တကျ ဖြစ်အောင်ပြု ပြင်ရမယ်။

    ၂။ စီးပွားရေးကို အပြောင်းအလဲမရှိ တသမတ်တည်း  မြန်မြန်ဆန်ဆန် တိုးတက်ဖွံ့ဖြိုးအောင်  လုပ်ဖို့လိုတယ်လို့ ဖော်ညွှန်းခဲ့တယ်။

                                      စီးပွားရေးကဏ္ဍ

          အိန္ဒိယ စီးပွားရေးဟာ ၂ဝဝ၃ ခုနှစ်ကစပြီး ၂ဝဝ၈ ခုနှစ်အထိ ငါး နှစ်ကာလအတွင်းမှာ မြင်းတစ်ကောင် ဒုန်းစိုင်းပြေးသလို တစ်နှစ်ပျမ်းမျှ ကိုး ရာခိုင်နှုန်းနဲ့ အပြေးအလွှား တိုးတက် ခဲ့တယ်။ ဒါနဲ့ နှိုင်းစာရင် မနှစ်က တိုးတက်မှုဟာ ခြောက်ရာခိုင်နှုန်းနဲ့ ခုနစ်ရာခိုင်နှုန်းအကြားလောက်မှာသာ တိုးတက်လိမ့်မယ်လို့ ခန့်မှန်းကြတယ်။ ဒီနှစ်ကျပြန်တော့လဲ မနှစ်က အတိုင်းလောက်ပဲ ရှိနိုင်တယ်လို့ဆို ကြတယ်။

          ဒီလိုဖြစ်ရတာဟာ ကမ္ဘာနဲ့ အဝန်း ရေနံဈေးနှုန်းတွေ မြင့်တက် လာခဲ့တဲ့အတွက် ဖြစ်တယ်လို့ ဆို ကြတယ်။ ဒါပေမယ့် အဓိက ပြဿနာက စိတ်ပျက်စရာကောင်း လောက်အောင် စက်မှုလုပ်ငန်းတွေ  မှာ ရင်းနှီးမြှုပ်နှံမှု လျော့နည်းလာမှု၊ ငွေဖောင်းပွမှုမြင့်မားလာမှု၊ အတိုး နှုန်းမြင့်တက်လာမှု၊ ပြီးတော့ အစိုးရ အနေနဲ့ ပုဂ္ဂလိကကဏ္ဍမှ အလွန် အကျွံ ငွေချေးယူမှုတို့ကြောင့် ဖြစ် တယ်လို့ အချို့က ထောက်ပြကြ တယ်။ ဒါကြောင့် ရင်းနှီးမြှုပ်နှံသူ တွေက နိုင်ငံရေးသမားတွေဟာ အိန္ဒိယစီးပွားရေးကို ပြုပြင်ပြောင်း လဲမှုတွေ ဆက်လက် လုပ်နိုင်မှာ မဟုတ်ဘူးလို့ ယုံကြည်လာခဲ့ကြ တယ်။ အဆိုးရွားဆုံးကတော့ ရင်း နှီးမြှုပ်နှံမှု အကြီးအကျယ် ကျဆင်း လာခြင်းဖြစ်တယ်။

          ရင်းနှီးမြှုပ်နှံမှု ကျဆင်းခြင်းဟာ နိုင်ငံတစ်နိုင်ငံအတွက် အင်မတန် အရေးကြီးတယ်။ ဘာကြောင့်လဲဆို တော့ အခုအနေအခါ ရင်းနှီးမြှုပ်နှံမှု မလုပ်ရင် အနာဂတ်ကာလမှာ အသီး အပွင့်တွေ ဖြစ်ထွန်းပေါ်ထွက်လာမှာ မဟုတ်ဘူး။ အနာဂတ်မျှော်မှန်းချက် တွေ အကောင်အထည်ပေါ်လာဖို့ အတွက် ဒီကနေ့မှာ ရင်းနှီးမြှုပ်နှံမှု တွေ လုပ်ဖို့လိုတယ်။

          လောလောဆယ် အိန္ဒိယနိုင်ငံရဲ့ တိုးတက်မှုနှုန်းဟာ ခြောက်ရာခိုင်နှုန်းပဲ ရှိတယ်ဆိုဦးတော့။ ဒါဟာ တကယ်တော့ သိပ်ပြီးဆိုးလှတာ မဟုတ်ဘူး။ ဒီကနေ့ကမ္ဘာမှာ ခြောက်ရာခိုင်နှုန်းလောက်တောင်  တိုးတက်မှု မရှိကြတဲ့နိုင်ငံတွေက တစ်ပုံတစ်ခေါင်း။ ဒါပေမယ့် အရေးကြီးတဲ့ အချက်က အိန္ဒိယအနေနဲ့ တိုးတက်မှု အရှိန်အဟုန် နှေးကွေးကျဆင်းသွား လို့ မဖြစ်ဘူး။ ဘာကြောင့်လဲ။ အိန္ဒိယနိုင်ငံဟာ ဆင်းရဲမွဲ တေသူ အများ အပြားရှိတဲ့ဧရာမ နိုင်ငံကြီးဖြစ်တယ်။  တိုးတက်မှုနှုန်း အရှိန်သေသွားလို့ မဖြစ်ဘူး။ ဒါကြောင့် အိန္ဒိယနိုင်ငံဟာ  ပုံမှန်အခြေအနေကလေးကို ထိန်း သိမ်းထားနိုင်ဖို့အတွက်တောင် ရင်းနှီးမြှုပ်နှံ မှုကို စဉ်ဆက်မပြတ် လုပ်နေဖို့ လိုတယ်။ လျော့နည်း ရင်းနှီးမြှုပ်နှံမှုဟာ အနာဂတ် တိုးတက်နိုင်စွမ်းကို  လျော့ပါးသွားစေတယ်။  လျော့နည်း  တိုးတက်မှုဟာ ဆင်းရဲတွင်းနက်မှု သံသရာကို ရှည်လျားသွားအောင်  ဆွဲ ဆန့်တယ်။ အိန္ဒိယ သန်းခေါင်စာ ရင်းရဲ့ ကိန်းဂဏန်းတွေက အိန္ဒိယ နိုင်ငံရဲ့ တိုးတက်မှုကို လှစ်ဟပြသ  ခဲ့သလို အခြားတစ်ဘက်မှာလဲ အိန္ဒိယအနေနဲ့ ရှေ့ဆက်လက်ပြီး  ဘယ်လောက် တိုးတက်ဖို့ လိုနေသေး လဲဆိုတာ ဖော်ပြတယ်။ အိန္ဒိယ လူဦး ရေ ထက်ဝက်လောက်ဟာ အိမ်အပြင် ဘက်မှာ အိမ်သာ သွားနေကြတုန်းပဲ ရှိတယ်။ လူဦးရေရဲ့ သုံးပုံနှစ်ပုံက အိမ်ပြင်မှာ ထမင်းချက်နေကြရတုန်း။

          အိန္ဒိယ စီးပွားရေးဟာ အလုပ် သစ်၊ အကိုင်သစ်တွေ ဖန်ဆင်းပုံဖော် နိုင်ဖို့ ရုန်းကန်လှုပ်ရှားနေရတယ်။  အနိမ့်ဆုံးလစာရတဲ့ အလုပ်အကိုင် တွေဟာ မြို့ပြနေလုပ်သား ငါးပုံ လေးပုံအတွက် အများဆုံး ရနိုင်တဲ့  အလုပ်အကိုင်တွေဖြစ်တယ်။ ဒီကိန်း ဂဏန်းတွေဟာ နှစ်အတော်ကြာ ညောင်းခဲ့ပြီဖြစ်သော်လဲ  အပြောင်း အလဲ မရှိခဲ့ဘူး။ ဒါကြောင့် စီးပွား ရေး တိုးတက်မှု နှေးကွေး သွားခဲ့ရင်  ရရှိခဲ့တဲ့ အကျိုးရလဒ်တွေ ကပြောင်း ကပြန် ဖြစ်သွားနိုင်တယ်။

          စီးပွားရေးနှေးကွေးမှုဟာ အိန္ဒိယ နိုင်ငံအတွက် ရေတိုကာလမှာလဲ  စိတ်မချရဘူး။ ဆိုကြပါစို့။ အိန္ဒိယ လယ်သမားတွေအဖို့ ဒီနှစ် မုတ်သုံ ရာသီမှာ မိုးမကောင်းခဲ့ရင် တိုးတက် မှုနှုန်းဟာ ခြောက်ရာခိုင် နှုန်းအောက် ရောက်သွားနိုင်တယ်။ ဒီလိုအဆင့်မှာ အကြီးအကျယ် အြေ<ွကးတင်နေတဲ့ အိန္ဒိယ အစိုး ရအနေနဲ့ ရှေ့လျှောက်လှမ်းဖို့ အခက်အခဲတွေ့နိုင်တယ်။  ပြည်ပငွေပေးငွေယူ ရှင်းတမ်း လက်ကျန်ရဲ့ သာမန်စာရင်း - Current Account မှာ ၃.၆ ရာခိုင်နှုန်း လိုငွေ ပြ -Deficit နေမှုကို ဖြည့်တင်းနိုင်ဖို့ အတွက် နိုင်ငံခြားဖန်တွေဆီက ငွေ ချေးငှားရခက်ခဲသွားနိုင်တယ်။

          အိန္ဒိယအစိုးရကတော့ လာမယ့် နှစ်မှာ တိုးတက်မှုနှုန်း ၇.၅ ရာခိုင်နှုန်း အထိ တိုးတက်လာ နိုင် တယ်လို့ ထောက်ပြတယ်။ ဒီအတိုင်းပဲ ဖြစ် လာနိုင်တယ်လို့ ဆိုပါတော့။ ဒါပေ မယ့် အိန္ဒိယ စီးပွားရေး ပရဝဏ်ထဲမှာ အန္တရာယ်တွေက ပတ်ခြာလည် ဝိုင်း နေတယ်။ တစ်လောက  ဘဏ္ဍာရေး ဝန်ကြီး- Pranab Mukherjee က လောင်စာဆီနဲ့ ဓာတ်မြေသြဇာ အတွက် အစိုးရက စိုက်ထုတ်ကုန် ကျခံနေရပြီး တစ်နေ့ တစ်နေ့ မြင့်သထက် မြင့်တက်လာနေတဲ့ ထောက်ပံ့ကြေးတွေ-Subsidies ကို တွေးမိရင် သူ ညညမှာ အိပ်တောင် မပျော်ဘူးလို့ ပြောကြားခဲ့သေးတယ်။

          ဟုတ်ပါလိမ့်မယ်။ လောင်စာဆီ  ကိစ္စဟာ အင်မတန် စိုးရိမ်စရာ ကောင်းတယ်။ တိုင်းပြည်တိုးတက် ရေးမှာ လောင်စာဆီက အခရာ ကျတယ်။ အိန္ဒိယနိုင်ငံဟာ လိုအပ်တဲ့ ရေနံ အတော်များများကို နိုင်ငံ ခြားမှ မှာယူ တင်သွင်းရတယ်။ အထူးသဖြင့် လိုအပ်တဲ့ရေနံရဲ့ ၈ဝ ရာခိုင်နှုန်းကို အီရန်နိုင်ငံက မှာယူ တင်သွင်းတယ်။ လောလောဆယ် အမေရိကန်နိုင်ငံက ဦးဆောင်ပြီး အီရန်ရေနံရောင်းချမှုကို ပိတ်ပင် တားဆီးဖို့ ကြိုးပမ်းလျက်ရှိတယ်။

          အမေရိကန်နိုင်ငံက အိန္ဒိယကို

အီရန်နိုင်ငံမှ ရေနံ မဝယ်ဖို့ ဖိအား ပေးလျက်ရှိတယ်။ တကယ်တော့ အိန္ဒိယနိုင်ငံအနေနဲ့ အီရန်ဆီက ရေနံ  မဝယ်လို့မဖြစ်ဘူး။ တစ်နှစ်ကို အမေရိကန်ဒေါ်လာ ၁၂ ဘီလီယံဖိုး လောက် အီရန်ဆီက ရေနံဝယ်ယူ ရ တယ်။ ပြီးတော့ အပြန်အလှန်  သဘောနဲ့  အီရန်နိုင်ငံကလဲ သူတို့ရဲ့ ဆန်စပါးလိုအပ်ချက်ရဲ့ လေးပုံသုံးပုံ ကို အိန္ဒိယမှ ဝယ်ယူတင်သွင်း တယ်။ မကြာသေးမီက အမေရိကန် နိုင်ငံက အီရန်ရဲ့ ဗဟိုဘဏ်ကို အ ဆက်အသွယ်ဖြတ်လိုက်တော့ အိန္ဒိယနဲ့ အီရန်အကြား ငွေပေးချေရာမှာ အခက်အခဲ တွေ တွေ့လာ တယ်။

          နောက်ပြီး အစ္စရေးနိုင်ငံကလဲ အိန္ဒိယကို အီရန်နဲ့ အဆက်ဖြတ်ဖို့ တိုက်တွန်းအားပေး လျက်ရှိ တယ်။ အိန္ဒိယဟာ အစ္စရေးနိုင်ငံဆီက လက်နက်တွေ အဓိကဝယ်ယူတယ်။ ဒီတော့ အီရန်-အစ္စရေး အကြား မပြေလည်ဖြစ်မှုဟာ အိန္ဒိယနိုင်ငံကိုပါ  ဂယက်ရိုက်တယ်။ ဒီနှစ်မှာ အိန္ဒိယ အနေနဲ့ စစ်လက်နက် ၁၇ ရာခိုင်နှုန်း တိုးမြှင့်ဝယ်ယူဖို့ ဆုံးဖြတ်ထားချိန်နဲ့တိုက်ဆိုင်နေတယ်။ ဒါဟာ ငွေပမာဏအားဖြင့် အမေရိ ကန် ဒေါ်လာ ဘီလီယံ ၄ဝ ဖိုးလောက်  ရှိတယ်။

          ဘဏ္ဍာရေးဝန်ကြီး မူခါဂျီက မကြာသေးမီက သူ့ရဲ့ ဘတ်ဂျက်  အခြေအနေကို တင်ပြခဲ့တယ်။ အစိုးရ ရဲ့ အသုံးစရိတ်တွေ ဒါမှမဟုတ် ဖြုန်း တီးစရိတ်တွေ သိပ်များနေတဲ့ အကြောင်း ထောက်ပြခဲ့တယ်။ ဒီနှစ် တွေမှာ စက်မှုလုပ်ငန်းတွေအားပျော့ လာပြီး ပုဂ္ဂလိကနဲ့ နိုင်ငံခြား ရင်းနှီး မြှုပ်နှံမှုတွေ မရှိသလောက် ဖြစ်နေ တဲ့အပေါ်မှာလဲ စိတ်ပျက်မိတဲ့အ ကြောင်း ထုတ်ဖော်ပြောကြားခဲ့ တယ်။ ဒါပေမယ့် ပြည်တွင်းစား သုံးမှုက အားကောင်းနေဆဲဖြစ်တယ် လို့ သူကဆိုတယ်။

          လောလောဆယ် အစိုးရရဲ့  ဘတ်ဂျက် လိုငွေပြမှုဟာ ဂျီဒီပီရဲ့  ၅.၉ ရာခိုင်နှုန်းလောက်ရှိတယ်။ ဒါ ကို ၅.၁ ရာခိုင်နှုန်းထိ လျှော့ချ သွားမယ်လို့ ဘဏ္ဍာရေးဝန်ကြီးက ပြောကြားခဲ့တယ်။ ဒါပေမယ့် တချို့  ပုဂ္ဂလိက အဖွဲ့အစည်းတွေရဲ့ အဆိုအရ စာရင်းမှာထည့်သွင်းဖော်ပြခြင်းမရှိတဲ့ ကိန်းဂဏန်းတွေကိုပါ ထည့်သွင်း တွက်ချက်ရင် အမှန်တကယ်  ဘတ်ဂျက်လိုငွေ ပြမှုဟာ ၈.၅ ရာ ခိုင်နှုန်း ဝန်းကျင် ရှိနိုင် တယ် လို့  ခန့် မှန်းကြတယ်။

          ဘတ်ဂျက်လိုငွေပြမှုကို ဖြတ်တောက်လျှော့ချ မယ်ဆိုရင် အဓိက လုပ်ဆောင်ရမယ့် အချက်က အစိုးရက စိုက်ထုတ်အကုန်အကျခံပေးနေတဲ့ ထောက်ပံ့ကြေးတွေကို ပယ်ဖျက်ပစ်ဖို့လိုတယ်။ တကယ် တော့ ဒါတွေကို လုပ်ဆောင်ဖို့ နိုင်ငံရေးအရ မလွယ်ဘူး။ စားနပ်ရိက္ခာအပေါ် ပေးနေတဲ့ ထောက်ပံ့ကြေး ကို ဖြတ် တောက်ဖို့ မဖြစ်နိုင်ဘူး။ ဖြတ် တောက်ရင် မရှိဆင်းရဲသားတွေ  ငတ်ပြတ်ကုန်မယ်။ ရေနံအ ပေါ် စိုက်ထုတ်ပေးကမ်းထားတဲ့ ထောက်ပံ့ကြေးကို ဖြတ်တောက်ရင် ကုန်ဈေး နှုန်းတွေ မြင့်တက်လာမယ်။ အစိုးရ အနေနဲ့ ပေးနေရတဲ့ ထောက်ပံ့ကြေး စုစုပေါင်းဟာ ဂျီဒီပီရဲ့ ၂.၄ ရာခိုင် နှုန်းရှိတယ်။

          ဒီနှစ်ထဲမှာ အသက် ၈ဝ ပြည့် တော့မယ့် အိန္ဒိယဝန်ကြီးချုပ် Manmohan  Singh က သူ့အနေနဲ့  အိန္ဒိယနိုင်ငံရဲ့ တိုးတက်မှုနှုန်းကို လူတိုင်းပျော်ရွှင်နိုင်ကြတဲ့ ကိုးရာခိုင် နှုန်းအထိ တိုးတက်အောင် လုပ်ပေး နိုင်ပါတယ်တဲ့။ ဒါပေမယ့် ကျွန်ုပ်တို့အနေနဲ့ အရေးကြီးတဲ့ ဆုံးဖြတ်ချက်အချို့ကို ချမှတ်ဖို့လို တယ်''လို့ သူကထောက်ပြတယ်။ အရေးကြီးတဲ့ ဆုံးဖြတ်ချက်တွေဆိုတာကတော့ ထောက်ပံ့ကြေးတွေ ဖြတ်တောက် လျှော့ချရမယ်။ ကုန်ပစ္စည်းနဲ့ ဝန်ဆောင်မှုအခွန်တွေ တိုးကောက်ရမယ်။ ရင်းနှီးမြှုပ်နှံသူတွေ လာ ရောက် နိုင်အောင် အခြေအနေတွေ ဖန်တီးပေးရမယ်။

          ဒီတော့ နိုင်ငံရေးသမားကြီးတွေက ဒီလိုဆုံးဖြတ်ချက်တွေကို ချရဲကြပါ့မလား။ နိုင်ငံရေးသမားကြီး တွေဟာ အများပြည်သူ မကြိုက်မယ့် အလုပ်တွေ မလုပ်ရဲကြဘူး။ ပြီးတော့ အိန္ဒိယနိုင်ငံရဲ့ အမျိုးသားရွေး ကောက် ပွဲကြီးက ၂ဝ၁၄ ခုနှစ်မှာ။ သိပ်မဝေး တော့ဘူး။

                                  နိုင်ငံရေးမိုးလေဝသ

          အိန္ဒိယနိုင်ငံရေးနယ်ပယ်မှာ အာဏာရကွန်ဂရက်ပါတီ-Congress Party ဟာ အခြေအနေ သိပ် မကောင်းဖြစ်နေတယ်။ ပြည်နယ် လွှတ်တော် ရွေးကောက်ပွဲတွေမှာ အရေးနိမ့်လျက်ရှိတယ်။ မတ်လဆန်း ကကျင်းပခဲ့တဲ့ ပြည်နယ်ရွေးကောက် ပွဲတွေမှာဆိုရင် ကွန်ဂရက်ပါတီ အနေနဲ့ မဏိပူရနဲ့ ဥတ္တရာခန်းပြည် နယ်တွေမှာ အနိုင်ရပေမယ့် ဂိုအာ နဲ့ ပန်ဂျပ်ပြည်နယ်တွေမှာ ရှုံးနိမ့်ခဲ့ တယ်။

          အရေးကြီးဆုံးကတော့ ဥတ္တာရ်  ပရာဒေ့ရှ် - Uttar Pradesh UP ပြည် နယ်မှာ အပြတ်အသတ် ရှုံးနိမ့်ခဲ့ခြင်း ဖြစ်တယ်။ UP ပြည်နယ်မှာ လူဦးရေ သန်း ၂ဝဝ လောက်ရှိတယ်။ ဘရာဇီး  တစ်နိုင်ငံလုံးရဲ့ လူဦးရေလောက် ရှိ တယ်။ UP ဟာ ပြည်နယ်မဟုတ်ဘဲ  နိုင်ငံတစ်နိုင်ငံသာ ဖြစ်ခဲ့မယ်ဆိုရင် ပဉ္စမလူဦးရေ အများဆုံးနိုင်ငံ ဖြစ်လာ နိုင်တယ်။ ရွေးကောက်ပွဲမှာ နေရာ ၄ဝ၃ နေရာရှိတဲ့အနက် ကွန်ဂရက် ပါတီက ၂၈ နေရာပဲ ရရှိခဲ့တယ်။ ပိုပြီးဆိုးတာက သူကိုယ်တိုင် ပါဝင်ယှဉ်ပြိုင်ခြင်း မရှိပေမယ့် ကွန်ဂရက် ပါတီအ တွက် အဓိက စည်းရုံးရေး ဆင်းခဲ့သူက Rahul Gandhi ဖြစ်နေ တယ်။ ကွန်ဂရက်ပါတီ ဥက္ကဋ္ဌ အီတလီဇာ တိ- Sonia Gandhi ရဲ့ သားကြီး သြရသဖြစ်ပြီး နောင်တစ်ချိန်မှာ အိန္ဒိယနိုင်ငံရဲ့ ဝန်ကြီးချုပ် ဖြစ်လာ မယ် လို့ တစ်ပြေးခံရတဲ့ ပုဂ္ဂိုလ် ဖြစ်တယ်။

          ၂ဝ၁၄ အမျိုးသားရွေးကောက်ပွဲကြီးမှာ အနိုင်ရဖို့အတွက်ဆိုရင်  ကွန်ဂရက်ပါတီဟာ တော်တော် ကြိုးစား ဖို့လိုတယ်။ အိန္ဒိယနိုင်ငံမှာက နိုင်ငံ ရေးသမားကြီးတွေဟာ အသက် အရွယ်ကြီးသူတွေဖြစ်တယ်။ ဝန်ကြီးချုပ် မန်မိုဟန်ဆင်းက အသက် ၈ဝ။ ဘဏ္ဍာရေးဝန်ကြီး မူခါဂျီက ၇၆ နှစ်။ အစိုးရအဖွဲ့မှာ ကာကွယ် ရေးဝန်ကြီး တာဝန်ယူထားတဲ့ A.K Antony က ၇၁ နှစ်။

          ဒါပေမယ့် အိန္ဒိယနိုင်ငံရဲ့ အနာ ဂတ်အတွက် မျှော်လင့်ချက်ရှိပါတယ်။ ကမ္ဘာပေါ်မှာ အသက် ၂ဝ အောက် လူဦးရေ အများဆုံးရှိတဲ့ နိုင်ငံက အိန္ဒိယနိုင်ငံဖြစ်ပါတယ်။  အရေအတွက်အားဖြင့် ဘီလီယံ ထက် ဝက်လောက်ရှိတယ်။ ဥတ္တာရ်  ပရာဒေ့ရှ် ပြည်နယ်မှာ အနိုင်ရတဲ့ Samajuladi Party အတွက် အဓိက  စည်းရုံးရေးဆင်းပေးခဲ့တဲ့ ပုဂ္ဂိုလ်က အသက် ၃၉ နှစ်သာ ရှိသေးတဲ့ Akhilesh Yadav ဖြစ်တယ်။ သူက အသက်အရွယ်ကြီးနေပြီဖြစ်တဲ့ သူ့ ဖခင် Mulayam Singh Yada ကိုယ်စား စည်းရုံးရေးဆင်းပေးခဲ့တယ်။ အခုတော့ သူ့ဖခင်ဟာ သားဖြစ်သူရဲ့ကြိုးပမ်းမှုကြောင့် ပြည်နယ်ဝန်ကြီးချုပ် ဖြစ်နေပါပြီ။ ကွန်ဂရက်ပါတီ  အတွက် ကြိုးကြိုးစားစား စည်းရုံး ရေးဆင်းခဲ့ပေမယ့် အရေးမလှခဲ့တဲ့ Rahul Gandhiကလဲ အသက် ၄ဝ ဝန်းကျင်လောက်ပဲ ရှိသေးတယ်။

          အိန္ဒိယ မျိုးဆက်သစ် လူငယ်တွေဟာ လူကြီးတွေလောက် အယူမသီးကြဘူး။ ဇာတ်အမျိုးအနွယ်လဲ မခွဲကြဘူး။ ဘာသာရေးကို ဗန်းပြပြီး မစည်းရုံးတတ်ကြဘူး။ ရှေးလူကြီးတွေထက် ခေတ်ပညာတတ်ကြ တယ်။ နိုင်ငံရေးကိုလဲ စိတ်ဝင်စား ကြတယ်။ မျိုးဆက်သစ် လူငယ် တွေခေတ်ရောက်တော့မှ အိန္ဒိယနိုင်ငံ ရေး၊ စီးပွားရေးဟာ ပိုမိုရှင်သန် တက်ကြွလာလေမလား။

Market journal

မင်းရွှေမောင်

ကမ္ဘာ့လူရမ်းကားကြီး တရုတ်ရဲ့ ၂၁ ရာစု ကျုးကျော်နယ်ချဲ့ရေး မဟာဗျူဟာမှာ ပထမ ပစ်မှတ်က မြန်မာပြည်

ပကတိဖြစ်ပျက်နေတာတွေအပေါ် အခြေခံထားတဲ့ အနာဂတ် ခန့်မှန်းချက်တခုကို လေ့လာ မှတ်သားမိသလောက် ဖော်ပြလိုက်ပါတယ်။ ဒီအကြောင်းကို အနောက်အုပ်စုနိုင်ငံတွေနဲ့ အာဆီယံနိုင်ငံတွေကလည်း ကြိုတင် တွက်ဆ ထားပြီးဖြစ်သလို မြန်မာ အတော်များများကလည်း သိထားပြီး ဖြစ်ပါလိမ့်မယ်။

၂ဝ၁၃ မှာ မြန်မာနိုင်ငံကို ဖြတ်ပြီး တရုတ်ဘက်ကို ပို့လွှတ်မယ့် ရေနံနဲ့ ဂက်စ်ပိုက်လိုင်း စီမံကိန်းက ပြီးပါမယ်။ ပိုက်လိုင်းတလျှောက် အမြန်မီးရထားလမ်း ဖောက်လုပ်ဖို့ကလည်း ပိုက်လိုင်းစီမံကိန်းထဲမှာ ကုန်သွယ်ရေးကိစ္စလို့ နာမည်ပေးထားတာ ရှိပါတယ်။ အာဖရိကတိုက် တတိုက်လုံးနဲ့ အရှေ့အလယ်ပိုင်းကလာတဲ့ ရေနံတွေအပြင် မြန်မာနိုင်ငံက ဂက်စ်တွေဟာ အဲဒီ ပိုက်လိုင်းတွေကနေ တရုတ်နိုင်ငံ ယူနန်ပြည်နယ်ထဲကို သယ်ယူမှာ ဖြစ်ပါတယ်။ ဒီပမာဏဟာ တရုတ်နိုင်ငံရဲ့ စွမ်းအင်လိုအပ်ချက် အနည်းဆုံး ၈ဝ % ဖြစ်နေတော့ အင်မတန် တန်ဖိုးကြီးမားတာကြောင့် တရုတ်က ဒီကိစ္စမှာ နည်းနည်းလေးမှ အထိအခိုက်ခံမှာ မဟုတ်ပါဘူး။ လောင်စာ စွမ်းအင် စပြတ်တာနဲ့ တရုတ်စီးပွားရေး ပျက်စီးရာက အစပြုပြီး လူထုအုံကြွမှုတွေ ဆင့်ကဲဆင့်ကဲ ကြီးထွား ပေါက်ကွဲလာတဲ့အခါ တရုတ်တပြည်လုံး ပြိုကွဲသွားနိုင်လို့ ဖြစ်ပါတယ်။

၂ဝ၁၉ မှာ ပြီးမယ်ဆိုတဲ့ ဧရာဝတီ မြစ်ဆုံရေကာတာကို တရုတ်က သူတို့ကိုယ်တိုင်တည်ဆောက်၊ သူတို့ကိုယ်တိုင် ကိုင်တွယ်မောင်းနှင်ပြီး နှစ် ၃ဝ ပြည့်ပြီးရင် မြန်မာနိုင်ငံကို လွှဲပြောင်းဖို့ (BOT agreement – Build, Operate, Transfer) စာချုပ်မှာ ရှိပါတယ်။ ရေနံနဲ့ ဂက်စ်ပိုက်လိုင်းကို ထိန်းသိမ်းနိုင်ဖို့က သိပ်အဓိကကျတာကြောင့် မြစ်ဆုံဆည် စီမံကိန်းမပြီးခင် တည်ဆောက်ဆဲကာလမှာ ဆည်တည်ဆောက်တာကို ကာကွယ်ဖို့ဆိုပြီး တရုတ် စစ်တပ်က နည်းလမ်းအမျိုးမျိုးနဲ့ ကျူးကျော် ဝင်ရောက်လာနိုင်ပါတယ်။ လိမ်လည်လှည့်ဖျားမှုတွေနဲ့ ဟန်ဆောင်လို့ မရရင်တော့ ဗြောင်ကျကျ ဝင်ရောက် မလာဘူးလို့လည်း မပြောနိုင်ပါ။ တရုတ်ကျူးကျော်ဖို့ မြန်ဆန်သွားအောင် နေပြည်တော်ဘက်မှာဆို လေယာဉ် ဆင်းတက်လို့ရတဲ့ ကားလမ်းကျယ်ကြီးတွေကလည်း အဆင်သင့် ရှိနေသလို ဖြစ်သွားပါတယ်။

အိန္ဒိယသမုဒ္ဒရာဘက်က တရုတ်ကုန်တင်သင်္ဘောတွေကို စောင့်ရှောက်နိုင်ဖို့ အကြောင်းပြုပြီး တရုတ်ရေတပ် အခြေခံစခန်းတွေ တည်ဆောက်နိုင်အောင် ခြေကုပ်စခန်းတွေကို တရုတ်က လိုက်ရှာပါတယ်။ အနည်းဆုံး ပစ်မှတ် ၂ ခုဟာ မြန်မာနဲ့ ပါကစ္စတန်တို့ ဖြစ်ပြီး သီရိလင်္ကာနိုင်ငံလည်း တချိန်ချိန်မှာ ဖြစ်လာနိုင်ဖို့ ရှိပါတယ်။

မြန်မာနိုင်ငံမှာ တရုတ်က ခြေကုပ်ရပြီးသွားရင် တနိုင်ငံလုံးဟာ တရုတ်လက်အောက်ခံအဖြစ် သိမ်းသွင်းခံရဖို့ပဲ ရှိပါတော့တယ်။ ဒုတိယတိဗက်လို ဖြစ်လာပါမယ်။ နိုင်ငံတနိုင်ငံက အခြားတနိုင်ငံကို စစ်တပ်နဲ့ ကျူးကျော် ဝင်ရောက်လာပြီးရင် ဘယ်လိုပဲ ရွှန်းရွှန်းဝေအောင်ပြောလည်း ဒါဟာ ကျူးကျော်သိမ်းပိုက်တာဖြစ်ပြီး ပြန်လည်ခုခံ တိုက်ခိုက်မောင်းထုတ်တာ မလုပ်နိုင်သရွေ့ ပြန်ထွက်သွားမှာ မဟုတ်ပါဘူး။ ချက်ကိုစလိုဇက်ကီးယားနိုင်ငံကို ဆိုဗီယက်ရုရှားက ၂၁ နှစ်ကြာအောင် ဝင်သိမ်းထားတဲ့ နမူနာ ရှိခဲ့ပါတယ်။ တရုတ်ကလည်း တိဗက်နဲ့ ဝီဂါ (ဝါ) အွီဂါ (Uyghur) ကို ကနေ့ထိ ကျူးကျော်သိမ်းပိုက်ထားပါတယ်။

၂၁ ရာစုနှစ် တရုတ်ကျူးကျော်မှုက မြန်မာနိုင်ငံမှာတင် ရပ်သွားမှာ မဟုတ်ဘဲ ကျန်တဲ့ အာဆီယံနိုင်ငံ အားလုံးကို ခြိမ်းခြောက်လွှမ်းမိုးပြီး နောက်ထပ် ကျူးကျော်ဖို့ ရှိလာနိုင်ပါတယ်။ ဒါဟာ ထိုင်ဝမ်နဲ့ Spratly ကျွန်းစုကို သိမ်းပိုက် နိုင်ဖို့အတွက် ဖြစ်ပါတယ်။ တောင်တရုတ် ပင်လယ်ထဲက ကျွန်းငယ်ပေါင်း ၄၅ ကျွန်းလောက်ရှိတဲ့ Spratly ကျွန်းစုဟာ ရေနံနဲ့ ဂက်စ်တွေ အမြောက်အမြား ထွက်နိုင်တယ်လို့ ခန့်မှန်းကြပါတယ်။ ဖိလစ်ပိုင်၊ မလေးရှား၊ ဗီယက်နမ်၊ ဘရူနိုင်း၊ ထိုင်ဝမ်နဲ့ တရုတ်တို့က ဒီကျွန်းစုကို ပိုင်ဆိုင်ဖို့ ပြင်းပြင်းထန်ထန် အငြင်းပွားနေပါတယ်။ ဒါကို အင်အားသုံး ဖြေရှင်းမှ ရနိုင်မယ်လို့ တရုတ်က တွက်ဆထားပါတယ်။ 

ဒါဟာ တရုတ်ရဲ့ အရှေ့နဲ့ အရှေ့တောင်အာရှ မဟာဗျူဟာ အကြမ်းထည်ပါ။ အိန္ဒိယနိုင်ငံကို ကြားညှပ်မယ့် တောင်အာရှ မဟာဗျူဟာနဲ့ တောင်-မြောက် ကိုးရီးယားကျွန်းဆွယ်တခုလုံးကို သိမ်းပိုက်မယ့် အရှေ့မြောက် မဟာဗျူဟာတို့ကလည်း အသီးသီး ရှိပြီးသား ဖြစ်ပါတယ်။

တရုတ်ကွန်မြူနစ်ပါတီ အစိုးရဟာ နှစ် ၅ဝ ကနေ နှစ် ၁ဝဝ နှစ်ရှည် စီမံကိန်းတွေအတွက် မဟာဗျူဟာ ထားရှိ လုပ်ဆောင်လေ့ရှိပါတယ်။ လက်ရှိတရုတ်ဟာ အခုဆိုရင် မှန်းထားတာထက် ပိုမိုမြန်ဆန်ပြီး ချမ်းသာလာလို့  အရှိန် ပိုကောင်းလာနေပါတယ်။

တရုတ်ဟာ ၂၁ ရာစု မဟာအင်အားကြီးနိုင်ငံဖြစ်ဖို့ ရည်မှန်းချက်အတွက် နယ်မြေချဲ့ထွင်သိမ်းပိုက်နိုင်ရေးမှာ ဆယ်စုနှစ် ၂ ခု ကြာအောင် သူတို့ အကုန်အကျခံ လက်သပ်မွေးထားတဲ့ မြန်မာပြည်ကနေ စတင်ခြေလှမ်းတော့မှာ ဖြစ်ပါတယ်။ သိပ်လိုအပ်လာရင် ဒီထက်မက မြန်မြန်ဆန်ဆန်လုပ်ဖို့ ရှိလာနိုင်ပါတယ်။ လုပ်ပြီဆိုရင်လည်း တရုတ် ကွန်မြူနစ်ပါတီဟာ ဘာမှဂရုစိုက်မှာ မဟုတ်ပါ။ တရုတ်ကွန်မြူနစ်ပါတီအစိုးရမှာ အပြောတမျိုး အလုပ်တမျိုး လုပ်တဲ့အကျင့်၊ ဗြောင်လိမ်တဲ့အကျင့်၊ အနိုင်ကျင့်လိုတဲ့အကျင့်၊ ခိုးကြောင်ခိုးဝှက်လုပ်တဲ့အကျင့်၊ ကျေးဇူးကန်းတဲ့ အကျင့်၊ ဂုဏ်သိက္ခာမဲ့တာကို မရှက်မကြောက်တဲ့အကျင့်၊ ဝန်မခံဘဲ ဆင်ခြေဆင်လက် အလွန်များတဲ့အကျင့်၊ လူမိုက်မွေးတဲ့အကျင့် စတဲ့ မကောင်းတဲ့ အကျင့်ပေါင်းစုံ ရှိနေတာ တကမ္ဘာလုံး သိနေကြပါတယ်။ ဒီလိုရမ်းကား လာနေတာကို တကမ္ဘာလုံး ညီညီညွတ်ညွတ်နဲ့ ဝိုင်းတိုက်ရမယ့်အဖြစ်ပါ။ ကမ္ဘာကြီး ငြိမ်းချမ်းသာယာ စိုပြေအောင် တကမ္ဘာလုံးက ဝိုင်းဝန်းကြိုးပမ်းနေချိန် အခြားတဘက်မှာတော့ တရုတ်ကွန်မြူနစ်ပါတီအစိုးရဟာ သူ့လိုဘကို ဖြည့်ဆည်းဖို့ ကမ္ဘာကြီးကို ဖျက်ဆီးနေပါတယ်။

တနေ့က Facebook မှာ မိတ်ဆွေတဦးက အိုင်းစတိုင်းရဲ့ ကိုးကားချက်တခုကို ဖော်ပြလာပါတယ်။

The world will not be destroyed by those who do evil, 

but by those who watch them without doing anything.

Elbert Einstein

လူဆိုးလူရမ်းကားတွေကြောင့် ကမ္ဘာကြီးက ပျက်ဆီးမှာ မဟုတ်ပါဘူး။

သူတို့ရမ်းကားနေတာကို ဘာမှဝင်မတား၊ မနှိပ်ကွပ်ဘဲ ကြည့်နေသူတွေကြောင့်သာ 

ကမ္ဘာကြီး ပျက်စီးရပါလိမ့်မယ်။

ကျနော်တို့ဟာ ကမ္ဘာကြီးပျက်သွားမှ လိုက်ပြင်ရမယ့်အစား လူရမ်းကားတွေ ကမ္ဘာကို မဖျက်ဆီးခင် သူတို့ကို တားမြစ်နှိပ်ကွပ်တာက ပိုပြီး လွယ်ကူသက်သာပါလိမ့်မယ်။ 

ကဲ.. ကျနော်တို့ ဒီလူရမ်းကားတွေကို ဘယ်လို တားဆီးနိုင်ကြမလဲ။

လွင်အောင်စိုး

၎-၁ဝ-၂ဝ၁၁

ဧရာဝတီကို ကာကွယ်ကြစို့

(၁) ကွယ်လွန်သွားသော မြစ်ကြီးများ

မြစ်ကြီး တစ်စင်းရဲ့ အဓိက ရှင်သန်မှုက ခရီးမိုင်ပေါင်းများစွာ၊ တောင်တန်းတွေ၊ တောအုပ်တွေ၊ ရှိုမြောင်တွေ၊ လွင်ပြင်တွေ၊ မြို့ရွာတွေ၊ အကွေ့အကောက် ထောင်ပေါင်းများစွာကို ဖြတ်သန်းစီးဆင်းပြီး ပင်လယ် (သို့မဟုတ်) သမုဒ္ဒရာ ထံ ပေါင်းစပ်ခိုလှုံရခြင်းပါ၊ ပင်လယ်ထံ ရောက်အောင်မစီးဆင်းနိုင်တော့တဲ့ မြစ်ကြီးတွေကို သေဆုံးတယ်လို့ သတ်မှတ်ကြပါတယ်၊ မြစ်ကြီးသေဆုံးသလို မြစ်ကိုအမှီပြုရှင်သန်ကြတဲ့ ပြည်သူများရဲ့ ဘဝရပ်တည်မှုတွေလဲ အကြီးအကျယ်ပျက်ဆီးကြရတာပါ၊ သဘာဝတရားကြောင့်ဖြစ်စေ၊ လူတို့ရဲ့ ဖန်တီးမှုကြောင့်ဖြစ်စေ လူ့သမိုင်းတလျှောက်မှာ သေဆုံးခဲ့ရတဲ့ မြစ်ကြီးတွေအများကြီး ရှိခဲ့ပါတယ်၊ လူ့ပယောဂကြောင့် သေဆုံးခဲ့ရတဲ့ ထင်ရှားတဲ့ မြစ်ကြီး တစင်းကတော့ တရုတ်ပြည်က မြစ်ဝါမြစ် ကြီး (Yellow River) ပဲဖြစ်ပါတယ်၊

တရုတ်ပြည်ရဲ့ အဓိကမြစ်ကြီး သုံးစင်း (ယန်ဇီ၊ မဲခေါင် နဲ့ မြစ်ဝါ) ထဲက မြစ်ဝါမြစ်ကြီးကို တရုတ်ပြည်ရဲ့ မိခင်မြစ်ကြီးလို့ သတ်မှက်တင်စားကြပါတယ်၊ နှစ်ပေါင်း ၂၀၀၀ ကျော်သက်တမ်းရှိခဲ့ပြီး တရုတ်ပြည်မြောက်ပိုင်း တိဘက်ဒေသက ရေခဲတောင်များဆီက အစပြု၊ တရုတ်ပြည်ကြီး တခုလုံးကို မိုင်ပေါင်း ၃၄၀၀ ကျော်ဖြတ်သန်းပြီး ဘိုဟိုင်းပင်လယ် (The Bo Hai Sea) ထံ စီးဝင်ခဲ့တာပါ၊ တရုတ်နိုင်ငံသားတွေအတွက် ဒီမြစ်ကြီးဟာ အီဂျစ်နိုင်ငံက နိုင်းမြစ်ကြီးလိုပါပဲ၊ ယဉ်ကျေးမှုတို့မွေးဖွားရှင်သန်ရာ၊ နှစ်ပေါင်းထောင်ချီတည်တံ့ခဲ့တဲ့ အောင်မြင်မှုများရဲ့ အထိမ်းအမှတ်၊ ကြောက်ရွံ့ပြီး ခန့်ငြားရတဲ့ သဘာဝအင်အားစုကြီး၊ ဖြစ်ခဲ့ပါတယ်၊ အခုတော့ အဲဒီ မြစ်ဝါမြစ်ကြီးဟာ သေဆုံးနေပါပြီ၊ လူတွေဖန်တီးတဲ့ အညစ်အကြေးတွေ စွန်းထင်း၊ အမှိုက်သရိုက်တွေပြည့်နှက်၊ မြောက်များလှစွာသော ဆည်ကြီးများ၊ ရေကာတာကြီးများရဲ့ လည်မျိုညှစ် အနိုင်ကျင့်ခံရမှုတွေ နဲ့ သူ့ရေဟာ အရင်လိုမသန့်ရှင်းတော့၊ သူ့ရေစီးဟာအရင်လို မတည်ညိမ်တော့၊ သူ့ရေပမာဏဟာ အရင်လိုမများပြားတော့၊ သူ့ရဲ့ ခရီး ဟာလဲ ပင်လယ်ဆီ မရောက်နိုင်တော့၊ ဒီနေ့မှာတော့ သေဆုံးနေတဲ့ မြစ်ဝါမြစ်ကြီးဟာ တရုတ်ပြည်ရဲ့ သဘာဝပါတ်ဝန်းကျင်ထိန်းသိမ်းရေးဂရုမစိုက်မှုကို အထင်အရှားပြသတဲ့ အမှတ်အသားတခုအဖြစ်နဲ့သာ ရပ်တည်နေရပါပြီ၊ တရုတ်ပြည်သူများ နဲ့ ကမ္ဘာတဝှမ်းက တာဝန်သိအဖွဲ့အစည်းများ၊ အစိုးရများက အပြင်းအထန် ထောက်ပြဝေဘန်ကြလို့ အလန့်တကြားနိုးထလာတဲ့ တရုတ်အစိုးရက မြစ်ဝါမြစ်ပြန်လည်ထူထောင်ရေး စီမံကိန်းတွေ စတင်ဆောင်ရွက်နေပေမည့် အလွန်ကိုပဲ နောက်ကျခဲ့ပါပြီ၊

ကျနော်တို့ရဲ့ ဧရာဝတီမြစ်ကြီးလဲ မြစ်ဝါမြစ်ကြီးလို ပင်လယ်ဆီမရောက်နိုင်တော့တဲ့ ဘဝမျိုး ကြုံရလောက်အောင်ကိုပဲ အနိုင်ကျင့်ခံနေရပါပြီ၊ ကချင်ပြည်နယ်က မေခ၊ မလိခ မြစ်ဆုံဒေသမှာ တရုတ်အစိုးရပိုင် ကုမ္ပဏီများက ဆောက်လုပ်နေတဲ့ မြစ်ဆုံဆည်စီမံကိန်းကြီး ပြီးသွားခဲ့ရင် ယူနန်ပြည်နယ်ကြီး လျှပ်စစ်ဓာတ်အားတွေအလုံအလောက်ရပြီး စီးပွါးရေးပိုမိုတိုးတက်၊ မြန်မာစစ်ဗိုလ်တွေ နဲ့ အလိုတော်ရိစီးပွါးရေးသမားတွေ အကျိုးအမြတ်ဖြစ်ထွန်းပြီး ဧရာဝတီမြစ်ကြီးကတော့ ကွယ်လွန်သွားတဲ့ မြစ်များစာရင်းထဲ နောက်တိုး ဝင်ရောက်၊ မြန်မာပြည်သူတွေကတော့ လက်ရှိဆင်းရဲနွမ်းပါးမှုထက်အဆပေါင်းများစွာ နိမ့်ကျပြီး ကုန်းကောက်စရာမရှိလောက်အောင်ကို ဆင်းရဲကြ၊ ပျက်ဆီးကြရမှာပါ၊ ဧရာဝတီ ကို မြစ်ဝါမြစ် လိုဘဝမျိုးမရောက်အောင် ကျနော်တို့ အချိန်မီ ကာကွယ်ကြဖို့ အ ရေးတကြီး လိုအပ်နေပါပြီ၊

(၂) ဆည်၊ ရေကာတာ၊ ရေလှောင်တမံ

စကားလုံး သုံးလုံးကွဲနေပေမည့် အဓိပ္ပာယ်ကအတူတူပါပဲ၊ မြစ်ကို ဖြတ်ပြီး မြစ်ရေစီးကို ဟန့်တားဖို့ တည်ဆောက်ထားတဲ့ နံရံကြီးတခုပါ၊ အဲဒီနံရံကြီးနဲ့ မြစ်ရေစီးကို တားပြီး အဲဒီမြစ်ရေတွေကို စုဆောင်းဖို့ရေလှောင်ကန် (Reservoir) ခေါ်တဲ့ လူလုပ်ရေကန်ကြီး (Artificial Lake) တခုကို ဆက်စပ်တည်ဆောက်ရပါတယ်၊ အဲဒီလို မြစ်ရေစီးကို ဆည် (သို့) ရေကာတာ (Dam) နဲ့ဟန့်တား၊ မြစ်ထဲက ရေတွေကို ရေလှောင်ကန် (Reservoir) ထဲမှာ စုဆောင်းပြီး ရေလှောင်ကန်နံဘေးမှာ ကပ်လျှက်တည်ဆောက်ထားတဲ့ ရေအားလျှပ်စစ်ဓာတ်ထုတ်လုပ်ရေး တာဘိုင် (Turbine) ကြီးများနဲ့ လျှပ်စစ်ဓာတ်ထုတ်လုပ်ပြီး သွယ်တန်းထားတဲ့ မဟာဓာတ်အားလိုင်းများနဲ့ အလိုရှိတဲ့နေရာကို ပို့ဆောင်ပါတယ်၊ ဒီမြစ်ဆုံဆည်ကရမည့် လျှပ်စစ်ဓာတ်အား အားလုံးနီးပါးကို တရုတ်နိုင်ငံ၊ ယူနန်ပြည်နယ်ကို တင်ပို့မှာပါ၊ ရေကာတာမှာ ရေတံခါးကြီးများရှိပါတယ်၊ တာဘိုင်များထဲ ရေတွေ ဖြတ်သန်းပြီး လျှပ်စစ်ဓာတ်အားထုတ်ပြီးတဲ့အခါ အဲဒီ ရေတံခါးကြီးများကတဆင့် မြစ်ထဲကို မလိုအပ်တော့တဲ့ရေတွေ ပြန်ထုတ်ပေးမှာပါ၊ ဒီတော့ မြစ်အထက်က ကျလာတဲ့ ရေကို ရေကာတာကြီးနဲ့ ပိတ်ဆို့ဟန့်တား၊ ရေလှောင်ကန်ကြီးထဲမှာ လိုအပ်တဲ့ ပမာဏရတဲ့အထိ စုဆောင်း၊ လိုအပ်တဲ့ပမာဏရတော့မှ အဲဒီရေတွေကို လျှပ်စစ်ဓာတ်အားထုတ်မည့် တာဘိုင်ကြီးတွေကို ဖြတ်သန်း၊ ပြီးတော့မှ မလိုအပ်တော့တဲ့ရေတွေကို ရေတံခါးကြီးများကတဆင့် မြစ်ရဲ့ အောက်ပိုင်းဆီကို ပြန်လည် ထုတ်လွှတ်ပေးမှာပါ၊ ဒါဟာဖြင့် ရေအားလျှပ်စစ်ဓာတ်ထုတ်မည့် ဆည်စီမံကိန်းတခုရဲ့ ယေဘူယျလုပ်ငန်းစဉ်ပါ၊

ဒီတော့ လျှပ်စစ်ဓာတ်အား များများထုတ်ချင်တာနဲ့အမျှ၊ စုဆောင်းရမဲ့ ရေပမာဏက ပိုပြီးများ ပြား၊ ရေကာတာကြီးက ပိုပြီး မြင့်မား၊ ရေလှောင်ကန်ကြီးရဲ့အကျယ်အဝန်းကပိုပြီး ကြီးမားကျယ်ပြန့်၊ အဲဒီရေကာတာကြီး ဆောက်လုပ်ဖို့အတွက် ဆည်ဆောက်လုပ်မည့် နေရာက ဖယ်ရှားပေးရမည့် လူထုရဲ့ ပေးဆပ်ရမှုက ပိုပြီးများပြားပြီး မြစ်အောက်ပိုင်းက လူထုရဲ့ ခံစားနာကျင်ရမှု၊ ဆုံးရှုံးမှုတွေကလဲ ပိုပြီး ကြီးမားနက်ရှိုင်းပါလိမ့်မယ်၊ အခု မြစ်ဆုံဆည် ကိစ္စကို ကြည့်မယ်ဆိုရင် ရေအားလျှပ်စစ် ကီလိုဝတ် ၃သန်း ၆ သိန်း ကနေ ၆ သန်း (3.6 million kw-6 million kw) နှစ်စဉ် ထုတ်လုပ်ဖို့ မျှော်လင့်ထားတာမို့ ဆည်ကြီးရဲ့ အလျား နဲ့ အမြင့်က အင်မတန် ကြီးမားပါတယ်၊ အလျား ပေ ၅၀၀၊ အမြင့် ပေ ၅၀၀ ဆိုတာ အထပ် ၄၉ ထပ် အဆောက်အအုံတခုလောက် မြင့်ပါတယ်၊ ပြီးတော့ ရေလှောင်ကန်ကြီးရဲ့ ဧရိယာ အကျယ်အဝန်းကလဲ ၂၉၅ ဒဿမ ၈ စတုရန်းမိုင် ဆိုတော့ ဧရိယာစတုရန်းမိုင် ၂၃၁ ဒဿမ ၂ ရှိတဲ့ မဟာရန်ကုန်မြို့တော်ထက်လဲကြီး၊ ဧရိယာစတုရန်းမိုင် ၂၆၈ ရှိတဲ့ စင်္ကာပူမြို့ကြီးထက်လဲ ကြီးပြီး၊ အမေရိကန်ပြည်ထောင်စုက ဧရိယာစတုရန်းမိုင် ၃၀၁ ရှိတဲ့ နယူးယောက်မြို့တော်ကြီးလောက်ကို ကျယ်ဝန်းလှပါတယ်၊ ဒီလောက်ကြီးမားတဲ့ ရေလှောင်ကန်ကြီးကို ဆောက်ဖို့ မြစ်ဆုံဒေသတဝိုက်က ကျေးရွာပေါင်း ၄၇ရွာ ရွှေ့ပြောင်းပေးရမှာဖြစ်ပြီး ကချင်လူမျိုး ၂၀၀၀၀ ကျော် သူတို့ရဲ့ ဇာတိမြေ၊ သူတို့ရဲ့ ဘိုးစဉ်ဘောင်ဆက်က အမွေအနှစ်တွေကို ဆုံးရှုံးကြရမှာပါ၊ ပိုပြီးကြီးမားတဲ့ ဆုံးရှုံးမှုကတော့ ရေအောက်ရောက်သွားတော့မည့် အမြဲစိမ်းသစ်တောကြီးတွေ၊ တောင်တန်းတွေ ၊လွင်ပြင်တွေနဲ့ ကချင်လူမျိုးများအမွန်အမြတ်တန်ဘိုးထားကြတဲ့ ဖခင်နဂါးကြီးနဲ့ သား နဂါးနှစ်ကောင် မွေးဘွားရာ၊ ပျော်မြူးရာ မြစ်ဆုံဒေသကို ဆုံးရှုံးရမှာပါ၊ ဒီဆုံးရှုံးမှုတွေကို ဘယ်လို လျော်ကြေးနဲ့မှ အစားထိုးလို့မရနိုင်ပါ၊

(၃) မြစ်အောက်ပိုင်းမှ ဆုံးရှုံးမှုများ

ပိုပြီးရှင်းအောင် အမှတ်စဉ်ထိုးပြီး ပြောပြချင်ပါတယ်၊

(က) အလျား ပေ ၅၀၀၊ အမြင့်ပေ ၅၀၀ ရှိတဲ့ ရေကာတာကြီးက မေခနဲ့ မလိခ မြစ်ကြီး နှစ်စင်းက စီးဆင်းလာတဲ့ရေတွေကို ပိတ်ဆို့ဟန့်တားပြီး နယူးယောက်မြို့ကြီး လောက် ကျယ်ပြန့်ပြီး ၆၆ ထပ် အဆောက်အအုံတခုလောက်မြင့် (ပေ ၉၅၀) တဲ့ ရေလှောင်ကန်ကြီးထဲမှာ အရင်သိမ်းဆည်းထားလိုက်မှာပါ၊ ဒါကြောင့်မို့ ဧရာဝတီမြစ်ကြီးရဲ့ ပင်မအစဟာ မေခ နဲ့ မလိခမဟုတ်တော့ပါ၊ မြစ်ဆုံဆည်ကြီး ဖြစ်သွားပါပြီ၊ မြစ်ဆုံဆည်ကြီးက ရေလွှတ်ပေးမှသာ ဧရာဝတီ ဆက်လက်စီးဆင်းနိုင်မှာပါ၊

(ခ) အဲဒီ ရေလှောင်ကန်ကြီးထဲမှာ လိုအပ်တဲ့ ရေပမာဏရဖို့ အချိန်အတော်ကြာ စုဆောင်းရမှာပါ၊ အချို့ ဆည်ကြီးတွေ မှာ ရေကာတာအပြည့် ရေစုချိန် တနှစ်ကနေ တနှစ်ခွဲ ကြာပါတယ်၊ ရေလှောင်ကန်ကြီး ရေစုနေတဲ့အချိန်မှာ ဧရာဝတီမြစ်ကြီးထဲ ရေစီးမှာမဟုတ်ပါ၊

(ဂ) ရေလှောင်ကန်ထဲမှာ ရေပြည့်ပြီးတဲ့နောက် လျှပ်စစ်ဓာတ်အားထုတ်လုပ်ပြီး မလိုတော့တဲ့ ရေကို ရေတံခါးကြီးများက တဆင့် ဧရာဝတီမြစ်ထဲ ထုတ်လွှတ်မှာဖြစ်ပါတယ်၊ ဧရာဝတီ ပြန်လည်စီးဆင်းနိုင်ပါလိမ့်မယ်၊ ဒါပေမည့် ရေတွေက ညစ်ပါတ် ပြီး မသန့်ရှင်းတော့ပါ၊

(ဃ) ရေကာတာက ထုတ်လွှတ်တဲ့ ရေက မသန့်ရှင်းတော့လို့အဲဒီရေ (Polluted Water) ကို သောက်သုံးကြရမည့် လူတွေ၊ တိရိစ္ဆာန် တွေ အတွက် ရောဂါဘယတွေ ရစေပါတယ်၊ ရေလှောင်ကန်ကြီးကိုယ်တိုင်က ခြင်လို ငှက်ဖျား စတဲ့ ရောဂါဘယဖြန့်ဝေတတ်တဲ့ ပိုးမွှားတွေ စုဝေးပွါးများရာ ဒေသကြီးဖြစ်လာပြီး ပါတ်ဝန်းကျင်လူထုရဲ့ ကျန်းမာရေးကို အကြီးအကျယ် ထိခိုက်စေနိုင်ပါတယ်၊

(င) မေခ နဲ့ မလိခ မြစ်များက စီးဆင်းလာတဲ့ ရေဟာ နုံးများ၊ သဲများကိုပါသယ်ဆောင်လာခဲ့ပြီး အဲဒီ နုံးတွေ၊ သဲတွေ (Sediment) က ဧရာဝတီမြစ်ကြောင်း တလျှောက် မြစ်ညာပိုင်းမှာ မြေဩဇာအင်မတန်ကောင်းတဲ့ နုံးတင်မြေနုတွေ ဖန်တီးပေးပြီး မြန်မာနိုင်ငံရဲ့ စိုက်ပျိုးရေးလုပ်ငန်းကို အကြီးအကျယ် ထောက်ပံ့နေတာတာပါ၊ ဆည်ကြီး ပြီးသွားရင်တော့ အဲဒီ နုံးတွေဟာ ရေလှောင်ကန်ကြီးရဲ့ အောက်ခြေမှာပဲ အနည်ထိုင်ကျန်ရစ်ခဲ့ပြီး မြစ်အောက်ပိုင်းကို ဘယ်လိုမှ ရောက်မှာမဟုတ်တော့ပါ၊ နုံးတင်မြေနုပါးရှားသွားမည့် မြစ်ဝကျွန်းပေါ်မှာ စိုက်ပျိုးရေးလုပ်ငန်းတွေ ထိခိုက်ပါလိမ့်မယ်၊

(စ) ဆည်ကြီးကပဲ မြစ်အတွင်း ငါးအပါအဝင် ရေနေသတ္တဝါ များရဲ့ မြစ်ဖျားကနေ မြစ်ကြောင်းတလျှောက် ရွှေ့ပြောင်းသွားလာမှုကို ပိတ်ဆို့ဟန့်တားလိုက်ပါလိမ့်မယ်၊ ငါးမျိုးဆက်တုံးမှု၊ အရေအတွက်ရှားပါးမှုတွေက ရေလုပ်ငန်းလုပ်ကိုင်သူများကို အကြီးအကျယ် ထိခိုက်ပါလိမ့်မယ်၊

(ဆ) မြစ်ရေပမာဏ နဲ့ ရေစီးကို ဆည်ကြီး က ထိန်းချုပ်လိုက်ပြီမို့လို့ မြစ်အတွင်း သင်္ဘောများ၊ မော်တော်များ၊ လှေ များနဲ့ ခရီးသွားလာမှုဟာ ပိုပြီးခက်ခဲလာပါလိမ့်မယ်၊ မြန်မာနိုင်ငံရဲ့ မြို့ပေါင်း၊ ရွာပေါင်းများစွာ၊ ဆိပ်ကမ်းပေါင်းများစွာဟာ ဧရာဝတီ မြစ်ကြောင်းတလျှောက် ဝဲ၊ယာ တဘက်တချက်မှာ တည်ရှိနေကြပြီး ခရီးသွားလာရေး နဲ့ ကုန်စည်စီးဆင်းမှု အတွက် ဒီမြစ်ကြီးကို မြန်မာနိုင်ငံရဲ့ လူဦးရေ ၆၀%က အားကိုးနေရတာပါ၊ ရေနည်းသွားတဲ့ မြစ်ကြီးအတွင်း၊ ရေတိမ်သွားတဲ့ မြစ်ကြီးအတွင်း၊ ရေစီးနည်းပြီး မမှန်တဲ့ မြစ်ကြီးအတွင်းမှာ သင်္ဘောများ၊ မော်တော်များ၊ လှေ များ မိုးရာသီကလွဲရင် ကျန်တဲ့အချိန်တွေမှာ သွားလာနိုင်မှာမဟုတ်တော့ပါ၊

(ဈ) ရေစီးနှေးပြီး ရေပမာဏနဲ သွားတဲ့ မြစ်ကြီးရဲ့ ကမ်းပါးတဖက်တချက်က မြစ်ရေကိုအမှီပြုပြီးပေါက်နေတဲ့ ဒီရောက်တောတွေ ပျက်စီး ကုန်ပါလိမ့်မယ်၊ ဒီရောက်တောတွေ မရှိတော့တဲ့အတွက် ကမ်းပါးတွေ ပြိုကျပြီး ဧရာဝတီ မြစ်နဲ့ မြစ်လက်တက်များအတွင်းမှာ သောင်ထွန်းပြီး အဲဒီ မြေပမာဏက ရေပမာဏထက် ပိုများးလာပါလိမ့်မယ်၊ ရေနည်းသွားတဲ့ မြစ်ကြီးနဲ့ ဒီရောက်တောတွေ ပျက်သုံးမှုက ဧရာဝတီမြစ်ဝှမ်းဒေသ ကို ခြောက်သွေ့ဇုံအဖြစ် အသွင်ပြောင်းလိုက်ပါလိမ့်မယ်၊

(ည) တခါတရံ မိုးအပြင်းအထန် နဲ့ အဆက်မပြတ်ရွာသွန်းတဲ့ အခါ ဆည်ထဲမှာ ရေပမာဏက ဆည်က ထိန်းထားနိုင်တာထတ် အဆမတန်ပိုများလာတတ်ပါတယ်၊ အဲဒီအခါမှာ ရေအင်အားကြောင့် ဆည်ပြိုကျမှာကို ရှောင်တဲ့အနေနဲ့ ဆည်ရေတံခါးတွေကို ဖွင့်ပြီး ရေတွေ ရုတ်တရက် ထုတ်ပစ်တတ်ကြပါတယ်၊ အဲဒီ အရေးပေါ်ရေထုတ်မှုက ဧရာဝတီမြစ်ထဲကို တောင်ကျချောင်းရေတွေ ဒလဟော အရှိန်အဟုန်ကြီးမားစွာ စီးဆင်းလာသလိုမျိုး ဖြစ်ပါလိမ့်မယ်၊ မြစ်ထဲမှာလဲ ကမ်းပြိုထားလို့ သောင်တွေက ကမ်းပါးထက်ပိုမြင့်နေတဲ့ အချိန်၊ ကမ်းပါးမှာလဲ ဒီရောက်တောတွေ မရှိတော့တဲ့ အချိန်မှာ ဒီ ရေစီးဆင်းမှုက မြစ်နဲ့ မလှမ်းမကမ်းက မြို့ရွာများကို ရေလွှမ်းမိုးတဲ့ အထိ ဖြစ်နိုင်ပါတယ်၊ကချင်ပြည်နယ်အတွင်းက မြို့ကြီးများ အားလုံးနီးပါး ဒီရုတ်တရက်ရေလွှမ်းမိုးမှုဒဏ်ကို မကြာခဏ ခံစားကြရမှာပါ၊

(ဋ) မြန်မာနိုင်ငံမှာ ခြောက်သွေ့တဲ့အချိန်၊နွေရာသီ (ဖေဖော်ဝါရီ လ ကနေ မေ လအတွင်း) ဆည်ထဲမှာလဲ ရေနည်းမှာမို့ ဆည်က ရေပြန်ထုတ်တာလဲ အလွန်နည်းပြီး ဧရာဝတီမြစ်အတွင်း ရေစီးဆင်းမှု မရှိသလောက်ဖြစ်တော့မှာပါ၊ အဲဒီအချိန်မှာ ဧရာဝတီမြစ် စီးဝင်ရမည့် ဘင်္ဂလားပင်လယ် (Andaman Sea) က ရေတွေက ဧရာဝတီမြစ်ဘက်ကို ပြန်လည်စီးဝင်ပြီး ဧရာဝတီမြစ်ဝကျွန်းပေါ်တခုလုံး ဆားငံရေတွေ လွှမ်းသွားပါလိမ့်မယ်၊ နွေကုန်လို့ မိုးရာသီ စပါးစိုက်ပျိုးရမည့်အချိန်မှာ ဆားငံရေလွှမ်းပြီး ပျက်ဆီးနေတဲ့ လယ်မြေတွေက မြန်မာနိုင်ငံ လယ်သမားထုကြီးရဲ့ အကျိုးစီးပွါးကို အကြီးအကျယ်ထိခိုက်မှာ ဖြစ်သလို မြန်မာတနိုင်ငံလုံး ဆန်စပါးရှားပါးမှု၊ စားနပ်ရိက္ခာမလုံလောက်မှုများ ဖြစ်ပေါ်ပါလိမ့်မယ်၊

အထက်မှာ တင်ပြထားတာတွေနဲ့ သဘာဝပါတ်ဝန်းကျင် ပျက်ဆီးမှု၊ ရာသီဥတုဖောက်ပြန်မှု၊ ရှားပါး သစ်ပင်များ၊ ပန်းများ၊ရေနေသတ္တဝါများ၊ ငှက်မျိုးစုများ မျိုးတုန်းပျောက်ကွယ်မှု၊ တွေပေါင်းစပ်လိုက်မယ်ဆိုရင် တရုတ်အစိုးရရဲ့ ဧရာဝတီမြစ်ဖျားမှာ မြစ်ဆုံဆည် တည်ဆောက်ခြင်းဟာ မြန်မာပြည်သူ သန်းပေါင်းများစွာ ကို စီးပွါးရေး၊ လူမှုရေး၊ ကျန်းမာရေး၊ အသက်ရှင်သန်ရေး၊ စားနပ်ရိက္ခာဖူလုံရေး၊ နိုင်ငံရေး အဘက်ဘက်က အတိုင်းအဆမရှိပျက်စီးစေမှာပါ၊ သူတို့ရဲ့ နိုင်ငံမှာ မြစ်ဝါမြစ် ကြီး သေဆုံးသွားတဲ့ သာဓက အထင်အရှားရှိရက်နဲ့ ကျနော်တို့နိုင်ငံက မိခင်မြစ်ကြီးကို သတ်ဖို့ကြိုးစားနေတာဟာ တရုတ်အစိုးရက မြန်မာပြည်သူများကို တိုက်ရိုက်ဖိနှိပ်စော်ကားနေတာလို့ ကျနော် ယူဆပါတယ်၊ တရုတ်အစိုးရ နဲ့ပူးပေါင်းပြီး မြန်မာ ပြည်သူများကို လူ့အခွင့်အရေးချိုးဖောက်နေတဲ့၊ မြန်မာနိုင်ငံရဲ့ မိခင်မြစ်ကြီးကို သတ်ဖြတ်နေတဲ့ မြန်မာစစ်ခေါင်းဆောင်တွေကိုလဲ အလွန်အံ့ဩမိပါတယ်၊ တကယ်တော့ သူတို့တွေ လဲ မျိုးရိုးစဉ်ဆက် ဧရာဝတီ နဲ့ ကြီးပြင်းပြီး ဧရာဝတီရဲ့ စောင့်ရှောက်မှုကို ခံယူခဲ့ကြရသူတွေပါ၊ ဧရာဝတီ ဟာကျနော်တို့ အားလုံးရဲ့ အမေ ဖြစ်သလို့ သူတို့ရဲ့ အမေလဲ ဖြစ်ပါတယ်၊ ဧရာဝတီ ရဲ့ကျေးဇူးတွေ သူတို့အပေါ်မှာလဲ အများကြီးရှိပါတယ်၊

(၄) ဆင်းရဲနွမ်းပါးမှု လျှော့ချရေး

ဦးသိန်းစိန် ကြံ့ဖွံ့သမ္မတဖြစ်လာပြီးတဲ့နောက် မြန်မာနိုင်ငံတွင်းမှာ ကျယ်ကျယ်ပြန့်ပြန့်ပြောဆိုလာကြတာကတော့ "ဆင်းရဲနွမ်းပါးမှု လျှော့ချရေး နဲ့ပပျောက်ရေး" ပါပဲ၊ ဦးသိန်းစိန် ကဦးဆောင်ပြီး ဆွေးနွေးပွဲတွေ၊ စာတမ်းဖတ်ပွဲတွေ အကြီးအကျယ်ပြုလုပ်နေကြတာပါ၊ ဦးသိန်းစိန် ရဲ့ စီးပွါးရေးအကြံပေးအဖွဲ့ခေါင်းဆောင် ဒေါက်တာဦးမြင့်ကလဲ၂၀၁၁ခုနှစ် မေလ ၂၀-၂၁၊ နေပြည်တော်မှာကျင်းပတဲ့ "ကျေးလက်ဒေသဖွံ့ဖြိုးရေး နှင့် ဆင်းရဲနွမ်းပါးမှု ပပျောက်ရေး အလုပ်ရုံ ဆွေးနွေးပွဲ" မှာ "မြန်မာနိုင်ငံတွင် ဆင်းရဲနွမ်းပါးမှု လျှော့ချရေး၊ ရှေ့ဆက် ဆောင်ရွက်ရန်များ" ဆိုတဲ့ စာတမ်းတစောင်တင်သွင်းခဲ့ပါတယ်၊ သူ့ရဲ့ စာပိုဒ်ပေါင်း ၉၇ ပုဒ်ရှိတဲ့ စာတမ်းမှာ စာပိုဒ် အမှတ် ၅၇ ကနေ ၈၇ အထိ စာပိုဒ်ပေါင်း ၃၀ နဲ့ မြန်မာနိုင်ငံရဲ့ လယ်ယာစိုက်ပျိုးရေး ကဏ္ဏကို ဦးစားပေး တင်ပြသွားတာတွေ့ရပါတယ်၊ သူ့ရဲ့ တင်ပြချက်တွေကတော့ လယ်ယာကဏ္ဏကို မြှင့်တင်ခြင်းဟာ ဆင်းရဲနွမ်းပါးမှုပပျောက်ရေးအတွက် အဓိကကျကြောင်း အစချီပြီး ဆန်စပါးစိုက်ပျိုးထုတ်လုပ်မှုကို ပြည်တွင်းဖူလုံရုံမက ပြည်ပကို တိုးမြှင့်တင်ပို့ရောင်းချနိုင်ဖို့၊ ကမ္ဘာပေါ်မှာ အဓိက ဆန်စပါးစိုက်ပျိုးထုတ်လုပ်ရောင်းချတဲ့ နိုင်ငံအဆင့်ကို အရောက်လှမ်းဖို့၊ အဲဒီအတွက် အစိုးရ ရဲ့မူဝါဒချမှတ်မှု၊ ဝန်ကြီးဌာနများရဲ့ အကောင်အထည်ဖော်မှု၊ လယ်သမားများနဲ့ ပုဂ္ဂလိက ကုမ္ပဏီများရဲ့ အခန်းကဏ္ဏ၊ တိကျမှန်ကန်တဲ့ စာရင်းဇယားများပြုစုမှု၊ လယ်သမားများကို အခွင့်အရေးအကောင်းဆုံးဖန်တီးပေးဖို့ နဲ့ ဈေးကွက်အသစ်တွေ ရှာဖွေဖို့၊ မြေယာပိုင်ဆိုင်မှုတွေ ကို ပြင်ဆင်ဖို့ စသဖြင့် အကြံပြုထားတာတွေ့ရပါတယ်၊ အခြား စီးပွါးရေး အကြံပေးများကလဲ စာတမ်းတွေတင်ကြ၊ ဆွေးနွေးကြပါတယ်၊ ဒါပေမည့် သူတို့ရဲ့ စာတမ်းတွေက ဦးမြင့် ရဲ့စာတမ်းလို လူထုကြားထဲရောက်မလာတဲ့အတွက် ဘာတွေ အကြံပြုတယ်ဆိုတာ မသိနိုင်ပါ၊

ဒါပေမည့်လဲ ဒေါက်တာဦးမြင့်ရဲ့ စာတမ်းမှာ ဧရာဝတီမြစ်ကြီး ရဲ့ အရေးကြီးမှုအကြောင်း တလုံးမှမပါတာတွေ့ရပါတယ်၊ မြန်မာနိုင်ငံမှာ ဆင်းရဲနွမ်းပါးမှု လျှော့ချရေး၊ ပပျောက်ရေးအတွက် မြန်မာနိုင်ငံရဲ့ အဓိက စီးပွါးရေးဖြစ်တဲ့ လယ်ယာကဏ္ဏကို မြှင့်တင်ရမယ်၊ ကမ္ဘာ့ ဆန်အထွက်ဆုံး နိုင်ငံဖြစ်အောင် ကြိုးစားရမယ်၊ လယ်သမားတွေ အတွက်အကျိုးစီးပွါးတွေ ဖန်တီးပေးရမယ်ဆိုတာ မှန်ကန်တဲ့ အကြံပြုချက်ပါ။ ဒါပေမည့် အဲဒီ လယ်ယာစိုက်ပျိုးရေးလုပ်ငန်းရဲ့ အဓိက အားထားရာ၊ ဧရာဝတီမြစ်ကြီး ကို ဘယ်လို ကာကွယ်သင့်တယ်၊ စောင့်ရှောက်သင့်တယ် ဆိုတာတွေ တလုံးတပါဒမှ ဆွေးနွေး၊အကြံပေးတာ မတွေ့ပါ၊ ကျနော်က ဆရာ ဦးမြင့်လို စီးပွါးရေးပညာရှင်မဟုတ်ပေမည့် ဧရာဝတီ ကို မကယ်တင်၊ မကာကွယ် ၊မထိန်းသိမ်းပဲနဲ့ မြန်မာနိုင်ငံမှာ ဆင်းရဲနွမ်းပါးမှု ပပျောက်ဖို့မပြောနဲ့၊ လျော့ကျအောင်တောင်လုပ်နိုင်မှာ မဟုတ်ဘူးလို့ ပြောချင်ပါတယ်၊ ဧရာဝတီမြစ်ကြီးများ မြစ်ဝါမြစ်လို သေဆုံးသွားခဲ့ရင် ကျနော်တို့ပြည်သူတွေဟာ ကုန်းကောက်စရာတောင် ရှိမှာမဟုတ်တော့ဘူးလို့လဲ ပြောချင်ပါတယ်၊ ဒါကြောင့်လဲ ဆရာဦးမြင့်အပါအဝင် ပညာရှင်များက မြန်မာစစ်ခေါင်းဆောင်တွေ ကို မြစ်ဆုံဆည်တည်ဆောက်ရေးစီမံကိန်းကြီးကို ရပ်တန့်ဖို့ ရဲရဲတင်းတင်း တာဝန်သိသိ ပြောသင့်တယ်လို့ တောင်းဆိုချင်ပါတယ်၊

မကြာခင်မှာ ဆင်းရဲနွမ်းပါးမှု ပပျောက်ရေး ဆွေးနွေးပွဲကို နေပြည်တော်မှာ ထပ်မံကျင်းပဦးမယ်၊ အဲဒီ ဆွေးနွေးပွဲကို ဒေါ်အောင်ဆန်းစုကြည် နဲ့ နိုင်ငံရေးပါတီများက ကိုယ်စားလှယ်များကိုလဲ ဖိတ်ကြားမယ်လို့ ကြားသိရပါတယ်၊ ဒီတခါဖြင့် တာဝန်ရှိသူများက တာဝန်သိသိနဲ့ ဧရာဝတီ မြစ်ကြီးကို ကယ်တင်ရေး၊ ကာကွယ်ရေး ရဲရဲရင့်ရင့် ဆွေးနွေးကြလိမ့်မယ်လို့ မျှော်လင့်မိပါရဲ့၊

(၅) တာဝန်သိသူများက ပြောနေကြပြီ

တာဝန်ရှိသူတွေက မပြောကြသေးပေမည့် တာဝန်သိသူများကတော့ ပြောနေကြပါပြီ၊ ဒီကနေ့ မြန်မာနိုင်ငံတွင်းက လစဉ်ထုတ်၊ အပါတ်စဉ်ထုတ် မဂ္ဂဇင်းတွေ၊ ဂျာနယ်တွေ မှာ ဧရာဝတီမြစ်ကြီးရဲ့ တန်ဘိုးကြီးမားမှု နဲ့ ဧရာဝတီမြစ်ကြီး မပျက်ဆီးအောင် ထိန်းသိမ်းစောင့်ရှောက်ရမည့် တာဝန်တွေကို ပညာရှင်တွေ၊ စာရေးဆရာတွေ၊ ကဗျာဆရာတွေ၊ ကာတွန်းဆရာတွေ က အင်တာဗျူးတွေ၊ ဆောင်းပါးတွေ၊ ဝတ္ထုတွေ၊ ကဗျာတွေ၊ ကာတွန်းတွေ နဲ့ တင်ပြဆွေးနွေးနေကြပါပြီ၊ စာမဘတ်တဲ့ စစ်ခေါင်းဆောင်တွေ မသိကြရင်တောင်မှ စာဘတ်တဲ့ ပြည်သူတွေ သိနားလည်နေကြပါပြီ၊ တချို့ စာရေးဆရာတွေက စာပေဟောပြောပွဲတွေမှာ လူထုကို ဧရာဝတီမြစ်ကြီး ရဲ့ အတိဒုက္ခတွေ အကြောင်း ရဲရဲတင်းတင်းဟောပြောနေကြပါပြီ၊ အဲဒီ ပုဂ္ဂိုလ်များရဲ့ တာဝန်သိမှု နဲ့ တာဝန်ယူမှုကို ကျေးဇူးတင်မိပြီး အဲဒီလို တာဝန်သိသူတွေ များလာဖို့၊ လူထုရဲ့ သိနားလည်မှုကနေ အင်အားအဖြစ်ပြောင်းလဲပြီး ဧရာဝတီကို ကာကွယ်နိုင်ကြဖို့ မျှော်လင့်မိပါရဲ့၊

အဲဒီ တာဝန်သိသူတွေရဲ့ တင်ပြမှုတွေထဲက တခုကို မျှဝေချင်ပါတယ်၊ အဲဒါက ထင်ရှားတဲ့ စာရေးဆရာ၊ ကဗျာဆရာ မောင်စိန်ဝင်း (ပုတီးကုန်း) ရဲ့ ဟောပြောချက်ပါ၊ မဂင်္လာဒုံမြို့နယ်မှာ ၂၀၁၁ ခုနှစ် မေလ ၁၅ ရက်နေ့မှာကျင်းပတဲ့ စာပေဟောပြောပွဲတခုမှာ ပြောခဲ့တာလို့ သိရပါတယ်၊ အဲဒီဟောပြောပွဲမှာ ဆရာမောင်စိန်ဝင်း က ဧရာဝတီမြစ်ကြီးအကြောင်း ကဗျာ နှစ်ပုဒ်နဲ့ တင်ပြခဲ့ပါတယ်။
ဆရာမောင်စိန်ဝင်း က ကချင်ပြည်နယ်က ဧရာဝတီမြစ်ဆုံဒေသကို လွန်ခဲ့တဲ့ ၁၅နှစ် (၁၉၉၆ ထင်ပါတယ်) လောက်က ရောက်ဘူးခဲ့တယ်လို့ ဆိုပါတယ်၊ အဲဒီမှာ မြစ်ဆုံရဲ့အလှအပကို သူခံစားကြည်နူးပြီး သူ့အကိုရဲ့ တိုက်တွန်းမှုနဲ့ ကဗျာတပုဒ်ကို တထိုင်ထဲ စပ်မိပါသတဲ့၊ အဲဒီ ကဗျာရဲ့ ခေါင်းစဉ်က "အင်ခိုင်မွန် ရဲ့ ခြေရင်းမှာ" တဲ့၊ အင်ခိုင်မွန် ဆိုတာက မေခ နဲ့ မလိခ ဆုံတဲ့နေရာမှာ မားမားကြီးတည်ရှိနေတဲ့ တောင်တန်းကြီးရဲ့ အမည်ပါ၊ သူ့ကဗျာ ကို ဆရာမောင်စိန်ဝင်းက ဒီလို ရွတ်ပြပါတယ်၊

"အင်ခိုင်မွန် ရဲ့ ခြေရင်းမှာ" မေခ နဲ့ မလိခ ဆုံမိကြ ဒီမှာ။ သံယောဇဉ် မြစ်ဆုံဖြစ် ချစ်ကြသောအခါ၊ သမုဒယ မြစ်နှစ်စင်းရဲ့ ချစ်ခြင်းဖွဲ့အလင်္ကာ ဧရာဝတီ ရယ်လို့ဖြစ်၊ ကမ္ဘာတည်သ၍ မြန်မာပြည်ဟေ့ ရယ်လို့ ကြွေးကြော်ပြီး စီးနေမည့် မြစ်။။။

ကဗျာဆရာက ဧရာဝတီမြစ်ကြီးကို "ကမ္ဘာတည်သ၍ မြန်မာပြည်ဟေ့ရယ်လို့ ကြွေးကြော်ပြီး စီးနေမည့်မြစ်" လို့ ရဲရဲဝင့်ဝင့် တင်စားခဲ့ပါတယ်၊ လွန်ခဲ့တဲ့ ၁၅နှစ်ကပါ၊ ကဗျာဆရာက ဆက်ပြောပြပါတယ်၊ ရသစာပေ တခုရဲ့ တန်ဘိုးကို အချိန်ကာလ နဲ့ ဒေသ ပေါ်မှာယှဉ်ပြီး အချိန်တိုင်းမှာ၊ ဒေသတိုင်းမှာ မှန်မှ ကောင်းတယ်လို့ ဆုံးဖြတ်ရတယ်လို့ဆိုပါတယ်၊ လွန်ခဲ့တဲ့ ၁၀ နှစ်က ရေးထားတဲ့ စာတပုဒ်၊ ကဗျာတပုဒ် ဟာ ဒီနေ့ခေတ်နဲ့ မကိုက်ညီတော့ဘူးဆိုရင် အဲဒီ စာဟာ ကောင်းတယ်လို့ မခေါ်နိုင်ဘူး တဲ့၊ အဲဒီလို ပြောပြီး ကဗျာဆရာက ဝမ်းနည်းကြေကွဲစွာ ညီးတွားပါတယ်၊ "ကျနော့် ကဗျာဟာ မကောင်းတော့ပါဘူး" တဲ့။ မနှစ်က (၂၀၁၀ ခုနှစ်) မြစ်ဆုံကို သူ တခေါက်ထပ်ရောက်ပါသတဲ့။ အဲဒီအချိန်မှာတော့ သူ့ရဲ့ "ကမ္ဘာတည်သ၍ မြန်မာပြည်ဟေ့ရယ်လို့ ကြွေးကြော်ပြီး စီးနေမည့်မြစ်" ကြီးဟာ နောက်တနှစ်တောင်မှ ခံပါဦးမလား လို့သူ သံသယဖြစ်မိရပါတယ်… တဲ့၊

ကဗျာဆရာက ဆက်ပြောပါတယ်၊ ဧရာဝတီမြစ်ကြီးဟာ မြန်မာပြည်ရဲ့ အသက်သွေးကြောပါ တဲ့၊ ပြီးတော့ မေးခွန်းထုတ်ပါတယ်၊ အဲဒီ အသက်သွေးကြောကြီး မရှိတော့ရင် ကျနော်တို့ ရှိနိုင်ပါဦးမလား၊ မြန်မာပြည်ကြီး ဆက်လက်ရှင်သန်နိုင်ပါဦးမလား၊ အဲဒီ နာကျင်ကြေကွဲစိတ်နဲ့ ကဗျာဆရာက နောက်ထပ်ကဗျာတပုဒ် ကို ရေးပြီး ရွတ်ဖတ်ပြပါတယ်၊ ကဗျာရဲ့ ခေါင်းစဉ်က "မြစ်ကော" တဲ့။

"မြစ်ကော" မြစ်မကောအောင်လို့ သစ်တောတို့ စိမ်းလမ်းရပေမည်၊ ရေဝေတောတွေ ဆိုင်းစို့စို့ မှိုင်းညို့ညို့မှုံရီ၊ ချင်းတွင်း နဲ့ ဧရာဝတီ ရေပြာကြည်သမျှ မြန်မာ့သွေးဟေ့၊ တတောလုံးပြောင်၊ တတောင်လုံးလင်း မြစ်ကျဉ်းမှာ သောင်တွေပေါ်တော့ နောင်အရှည်မမျှော် မြန်မာပျောက်အောင်လို့ ကိုယ့်သွေးကို ကိုယ်ပြန်သောက်ပြီလား စိုးကြောက်ဖွယ်အပျက်သဘောနဲ့ မြစ်ကောမည့် နေ့။။။

ကျနော်တို့ တိုင်းပြည်ရဲ့ သစ်တောကြီးတွေ၊ အဘိုးတန်သတ္တုတွေ၊ ကျောက်မျက်ရတနာတွေ၊ သဘာဝအရင်းအမြစ်တွေ ကို မြန်မာစစ်ခေါင်းဆောင်တွေက သူတို့ရဲ့ အရှင်သခင် တရုတ်အစိုးရထံ ပဏ္ဏာဆက်သ လာဘ်ထိုးပသနေခဲ့တာ ကုန်သလောက်ရှိနေပါပြီ၊ အခုထပ်ပြီး မြန်မာနိုင်ငံရဲ့ အသက်သွေးကြော ဧရာဝတီမြစ်ကြီးနဲ့ အခြားမြစ်ကြီးတွေကိုပါ မြန်မာစစ်ခေါင်းဆောင်တွေက တရုတ်အစိုးရထံ လက်ညှိုးထိုး ရောင်းစားလိုက်ပါပြီ၊ ဒါကို ကဗျာဆရာ မောင်စိန်ဝင်း က "ကိုယ့်သွေးကို ကိုယ်ပြန်သောက်ပြီလား" လို့ နာနာကျင်ကျင် ညီးတွားရင်း မြစ်ကြီးတွေ ကောအောင်လုပ်တာဟာ မြန်မာနိုင်ငံပျက်သုံးအောင်လုပ်တာပဲလို့ ရဲရဲရင့်ရင့် စွပ်စွဲလိုက်တာပါ၊ ဆရာ မောင်စိန်ဝင်းလို ဧရာဝတီမြစ်ကြီးဘက်က အမှန်တရားကို ရဲရဲဝံ့ဝံ့ပြောရဲသူတွေ ပို၍ပို၍များလာပါစေ၊ ဒီစကားတွေကို သက်ဆိုင်သူ အာဏာရှင်များလဲ ပြတ်ပြတ်သားသားကြားကြပြီး အမှားပြင်နိုင်ကြပါစေ။

(ဆရာမောင်စိန်ဝင်းရဲ့ ဟောပြောချက် အပြည့်အစုံကို ဒီနေရာမှာ http://www.4shared.com/audio/JhKO0JbZ/MgSeinWin_20110515_ThuTaRaThaS.html နားထောင်နိုင်ပါတယ်၊)

(၆) မြစ်ကြီးနား၊ ငလျင် နဲ့ စက္ကန့် ၂၀

ကျနော့်ရဲ့ ဇူလိုင်လ ၈ရက်နေ့စွဲနဲ့ ဖြန့်ချိခဲ့တဲ့ "ဧရာဝတီကို ကယ်တင်ကြစို့" စာတမ်းမှာ "မြစ်ဆုံဆည်ဟာ စစ်ကိုင်းငလျင်ပြတ်ရွေ့ကြောကြီးနဲ့ နီးလို့ ငလျင်များလှုပ်ခဲ့ရင် မြစ်ကြီးနားမြို့ကြီးတမြို့လုံး စက္ကန့်၂၀ အတွင်းမှာ ရေအောက်နစ်မြုတ်သွားနိုင်တယ်" လို့ ပညာရှင်များရဲ့ သတိပေးချက်ကို တင်ပြခဲ့ပါတယ်၊ အဲဒီမှာ စက္ကန့်၂၀ ဆိုတာဖြင့် မဖြစ်နိုင်၊ လွန်လွန်းပြီလို့ ဝေဘန်ဆွေးနွေးကြတာတွေကို စာရေးဆရာတယောက်ရဲ့ Face Book စာမျက်နှာမှာတွေ့ရပါတယ်၊ “ဒီလိုဆိုရင် ရေဟာ တနာရီကို မိုင် ၅၄၀၀ လောက်နှုံးနဲ့ စီးဆင်းရမှာမို့ များပြီထင်တယ်”လို့ စာရေးဆရာက ဆိုပါတယ်၊တယောက်ကကျတော့ “မိနစ် ၂၀ ကိုပြောတာထင်တယ်၊ နဲနဲပိုရေးမိသွားတာများလား” လို့ဖြေပါတယ်၊ တယောက်ကကျတော့ “အသံရဲ့မြန်နှုံးကမှ တနာရီကို ၇၆၈မိုင်မို့ ရေရဲ့အမြန်က အသံထက် ၇ဆကျော်မြန်နေပြီ”လို့ ထောက်ပြပြန်ပါတယ်၊ တချို့ကတော့ “အမှားကြီးတခုကို လက်ဆင့်ကမ်း ဖြန့်ဝေလိုက်မိပါပြီ” ဆိုပြီး နောင်တရနေကြပြန်ပါတယ်၊ ကျနော်ကတော့ အံ့ဩမိပါတယ်၊ စက္ကန့်၂၀၊ မိနစ် ၂၀၊ ၂နာရီ၊ နာရီ ၂၀ ဆိုတာက အဓိကမဟုတ်ပါ၊ ငလျင်ဒဏ်ကြောင့် ဆည်ကြီးပြိုကျပြီး မြစ်ကြီးနားမြို့ကြီး ရေအောက်ရောက်နိုင်တယ်ဆိုတာကို သတိပေးခြင်းက အဓိကပါ၊ စက္ကန့်၂၀ ဆိုတာကို သံသယဖြစ်လို့ ကျနော့်စာတမ်း တခုလုံးကို လက်မခံဘူး၊ မယုံဘူးဆိုရင်လဲ ရှိပါစေ၊ သစ်ပင် တပင်ချင်းကို စေ့စေ့စပ်စပ်လိုက်ကြည့်ပြီး သစ်တောအုပ်ကြီး တခုလုံးကို မမြင်သလို ဖြစ်နေပါတယ်၊ စက္ကန့်၂၀ ဆိုတာကို သံသယဖြစ်ဆွေးနွေးနေမည့် အစား မြစ်ကြီးနားမြို့ကြီး ရေအောက်မရောက်အောင် ဘယ်လို အချိန်မီ ကာကွယ်ကြမလဲ ဆိုတာကို အလေးအနက်ဆွေးနွေးကြ၊ တာဝန်ယူဆောင်ရွက်ကြရင် ဘယ်လောက် ကောင်းလိုက်မလဲ၊

ဆည်ကြီးပြိုကျဖို့က ငလျင်ကြောနဲ့ နီးတာအပြင် အခြားအကြောင်းရင်း နှစ်ရပ်ရှိပါသေးတယ်၊ မိုးအကြီးအကျယ်အဆက်မပြတ် ရွာပြီး မြစ်ရေကြီးတဲ့အခါမှာလဲ ဆည်ထဲမှာထိန်းထားနိုင်တဲ့ ရေပမာဏကို အလွန်အကျွံကျော်လွန်ပြီး ရေဖိအားဒဏ်မခံနိုင်ပဲ ဆည်ကျိုးတတ်ပါတယ်၊ ၂၀၀၆ ခုနှစ် မေလမှာ မိုးအကြီးအကျယ်ရွာသွန်းလို့ မြစ်ကြီးနားရဲ့ မြောက်ဘက် ၁၀မိုင် လောက်အကွာမှာရှိတဲ့ ကျိန်ခရန် (Ching Hkrang) ဆည် ပြိုအက်ပြီး ကျိန်ခရန်ရွာ ရေလွှမ်းမိုးခံရပြီး လူ ၅ဦးသေဆုံးခဲ့ရပါတယ်၊

အဲဒီကာလမတိုင်ခင်ကလဲ ဝါရှောင်ဆည်ကြီး ပြိုပျက်ခဲ့ပြီးပါပြီ၊ ကချင်ပြည်နယ်မှာ အဲဒီလို မိုးသည်းထန်စွာရွာသွန်းပြီး မေခ၊ မလိခမြစ်ရေကြီးပြီး ရေလွှမ်းမိုးမှုကို ၁၉၅၀၊ ၁၉၆၀၊ ၁၉၇၉၊ ၁၉၈၀၊ ၁၉၉၇၊ ၂၀၀၄၊ ခုနှစ်များမှာ တွေ့ကြုံခဲ့ရပြီးပါပြီ၊ ၁၉၇၉ ခုနှစ်ရေလွှမ်းမိုးမှုမှာ မြစ်ကြီးနားမြို့ တမြို့လုံးနီးပါး ရေမြုတ်ခဲ့ပါတယ်၊ နောက်တကြောင်းကတော့ တရုတ် ဆည်များရဲ့ အရည်အသွေးညံ့ဖြင်းမှုကြောင့်ပါ၊ တရုတ်ပြည်မှာ ၁၉၇၅ ခုနှစ် ဩဂုတ်လမှာ ရှင်မန်တန် (Shimantan) နဲ့ ဘန်ကျောင် (Banqiao) ဆည်ကြီး တွေ ပြိုလဲတော့ အဆောက်အအုံ ၆သန်းကျော်ပျက်ဆီး၊ လူ ၁၁သန်းကျော် အိုးအိမ်မဲ့ ဖြစ်ပြီး လူ နှစ်သိန်း ၄သောင်းကျော် သေဆုံးခဲ့ရပါတယ်၊
ဒီတော့ မြစ်ဆုံဆည်ကြီးပြိုကျဖို့က မိုးကြီးပြီး မြစ်ရေလွှမ်းလို့၊ ဆည်ရဲ့အရည်အသွေးညံ့ဖြင်းလို့ နဲ့ ငလျင်လှုပ်လို့ စတဲ့ အကြောင်းသုံးပါးထဲက တကြောင်းကြောင်းဖြစ်စေ၊နှစ်ကြောင်းစုံလို့ဖြစ်စေ၊ သုံးကြောင်းစလုံးပေါင်းစုံလို့ဖြစ်စေ၊ ဖြစ်လာနိုင်တဲ့ ကိစ္စပါ၊ ကျိန်ခရန်ဆည်၊ ဝါရှောင်ဆည်များထက် အဆပေါင်းများစွာ ကြီးမားလှတဲ့ ဆည်ကြီးမို့ ဒီဆည်ကြီး ကျိုးပျက်ခဲ့ရင်ဖြင့် (စက္ကန့်၂၀ မှာဖြစ်စေ၊ မိနစ် ၂၀ မှာဖြစ်စေ၊ ၂နာရီမှာဖြစ်စေ) ဆည်ကြီးအောက်ခြေမလှမ်းမကမ်းက မြစ်ကြီးနားမြို့ကြီး ရေအောက်ရောက်သွားရုံမက ရေထဲမျောပါ ပျက်စီးသွားမှာပါ၊

DISSENT ဆိုတဲ့ စာစောင် ရဲ့ ၂၀၁၁ ခုနှစ်ဆောင်းကူး/ဆောင်းရာသီ ထုတ် (AUTUMN/WINTER 2011) မှာ Melody Kemp ရေး တဲ့ KACHIN CAPERS ဆိုတဲ့ ဆောင်းပါးမှာ၊ စာမျက်နှာ ၃၂မှာ ဟောဒီလို ရေးထားပါတယ်၊ “တကယ်လို့များ ကမ္ဘာမြေကြီးက ရွေ့လျားပြီး (မြစ်ဆုံ)ဆည်ပြိုလဲခဲ့ရင် မြစ်အောက်ပိုင်းမှာတည်ရှိတဲ့ လူ တစ်သိန်း ခွဲကျော်နေထိုင်တဲ့ ကချင်ပြည်နယ်ရဲ့ မြို့တော်ကြီးဟာ စက္ကန့် ၂၀ အတွင်းမှာ ပျောက်ဆုံး သွားလိမ့် မယ်” (If the earth moves and the dam collapses, the downstream capital of Kachin State, a city of over 150,000, would disappear in 20 seconds.)၊ Melody Kemp က ဩစတြေလျ လူမျိုးစာရေးဆရာမ တယောက်ဖြစ်ပြီး အာရှတိုက်မှာ အနှစ် ၂၀ကျော်နေထိုင်နေသူဖြစ်ပါတယ်၊ သူမဟာ အင်မတန် ဩဇာကြီးမားတဲ့ အမေရိကန် ပါတ်ဝန်းကျင်ဆိုင်ရာ သတင်းအဖွဲ့အစည်း (U.S. Society for Environmental Journalism) ရဲ့ အဖွဲ့ဝင်တယောက်လဲ ဖြစ်ပါတယ်၊

(၇) အမျိုးသားရေးလှုပ်ရှားမှု

ဧရာဝတီကိုကယ်တင်ရေး၊ မြစ်ဆုံဆည်တည်ဆောက်ရေးကို ကန့်ကွက်ဟန့်တားရေးဟာ အမျိုးသားရေးလှုပ်ရှားမှုကြီးဖြစ်တယ်လို့ ကျနော် ပြောခဲ့ပါတယ်၊ ကျနော်တို့အားလုံး ညီညာဖျဖျ လှုပ်ရှားကြမယ်ဆိုရင် ဒီအမျိုးသားရေးလှုပ်ရှားမှုကြီးကနေ ဧရာဝတီ ကို ကယ်တင်နိုင်ရုံ၊ ကာကွယ်နိုင်ရုံမျှမက ကျနော်တို့ နိုင်ငံရဲ့ ဒီမိုကရေစီရေး၊ လူ့အခွင့်အရေး၊ ပြည်တွင်းငြိမ်းချမ်းရေး နဲ့ အမျိုးသားပြန်လည်သင့်မြတ်ရေးအောင်ပွဲများပါ ရရှိနိုင်မယ်လို့လဲ ကျနော် လေးလေးနက်နက်ယုံကြည်ပါတယ်၊ ဒီလှုပ်ရှားမှုကြီးကနေ နိုင်ငံတကာမှာ တရုတ်အစိုးရက မြန်မာနိုင်ငံကို ကိုလိုနီပြုနေမှု၊ မြန်မာပြည်သူများရဲ့ အကျိုးစီးပွါးကို တိုက်ရိုက်ဖျက်ဆီးနေမှုတွေကို လူသိရှင်ကြား ကန့်ကွက်ရှုံ့ချနိုင်ပါလိမ့်မယ်၊ မြန်မာပြည်သူများရဲ့ မကျေနပ်မှု၊ နိုင်ငံတကာမိသားစုကြီးရဲ့ ဝေဘန် ရှုံ့ချမှုတွေအောက်မှာ တရုတ်အစိုးရဟာ သူ့ရဲ့ မြန်မာပြည်သူများအပေါ်အနိုင်အထက်ပြုကျင့်မှုကို ရပ်တန့်လာနိုင်ပါတယ်၊ ပြီးတော့လဲ ပြည်တွင်းမှာ ပြည်သူတွေက၊ ဆရာမောင်စိန်ဝင်းလို တာဝန်သိသူတွေက မြန်မာစစ်ခေါင်းဆောင်တွေကို "ကိုယ့်သွေးကို ကိုယ်ပြန်မသောက်ကြဖို့"၊ "အမိနိုင်ငံရဲ့ အသက်သွေးကြောကို ရောင်းမစားဖို့"၊ ပိုပြီး ရဲရဲရင့်ရင့်၊ ကျယ်ကျယ်လောင်လောင် တောင်းဆိုဖိအားပေးနိုင်ကြမယ်ဆိုရင် မြန်မာစစ်ခေါင်းဆောင်တွေလဲ သူတို့ရဲ့ တရုတ်အစိုးရအပေါ် အလွန်အကျွံမှီခိုနေရမှုတွေကို ပြန်လည်စဉ်းစားသုံးသတ်ပြီး ရှက်တတ်လာနိုင်ပါတယ်၊ ဒီ မြစ်ဆုံရေကာတာကြီးကို ဆက်ဆောက်နေသ၍ ကချင်ပြည်သူများ၊ မြန်မာပြည်သူများရဲ့ ကန့်ကွက်ရှုံ့ချမှူကို သူတို့ ဆက်လက် ရင်ဆိုင်နေရမှာဖြစ်သလို ကချင်လွတ်မြောက်ရေးတပ်မတော် နဲ့ ဖြစ်နေတဲ့ စစ်ပွဲတွေကိုလဲ ရပ်တန့်နိုင်မှာမဟုတ်ပါ၊ ကျနော်တို့ရဲ့ ဧရာဝတီ ကာကွယ်ရေး အမျိုးသားလှုပ်ရှားမှုကြီးက မြန်မာစစ်ခေါင်းဆောင်တွေကို တရုတ်သစ္စာခံပြီး တရုတ်လိုသမျှ ပေးနေရတာထက် မြန်မာနိုင်ငံသားအချင်းချင်း မကျေလည်မှုတွေကို ငြိမ်းချမ်းစွာ ဆွေးနွေးညှိနှိုင်းဖြေရှင်းကြရင် တရုတ်အပါအဝင် ဘယ် နိုင်ငံခြားအစိုးရကိုမှ ကြောက်မနေရပဲ ဂုဏ်သိက္ခာရှိရှိ၊ "ကမ္ဘာတည်သ၍၊ မြန်မာပြည် ဟေ့ရယ်လို့ ကြွေးကြော်ပြီး" ရပ်တည်နိုင်မှာ ဖြစ်ကြောင်း သိမြင်လာစေနိုင်မှာဖြစ်ကြောင်းပါ၊ ၊။

လေးစားစွာ
အောင်ဒင်
ဩဂုတ် ၂၊ ၂၀၁၁
aungdin@uscampaignforburma.org

ကြယ်တွေကြွေနေတဲ့တိုင်းပြည်

    ကြယ်ဆိုတာ ကိုယ်ပိုင် အလင်းရောင်ရှိတယ်။ သူတို့ရဲ့ နေရာဟာ မြင့်မားတဲ့ ကောင်းကင်ကြီးပဲ။ ရာသီဥတု ကြည်လင်တဲ့ ညတွေဆိုရင် အရောင်လက်နေတဲ့ ကြယ်တွေဟာ စိန်တွေလိုပဲ တဖျပ်ဖျပ် လက်နေတယ်ဆိုတာ လူတိုင်း သိကြသလို၊ မြင်လည်း မြင်ဖူးကြပါတယ်။
    ကျမတို့တိုင်းပြည်မှာ ရှိတဲ့လူငယ်များစွာဟာလည်း ကြယ်တွေလိုပါပဲ။ ကိုယ်ပိုင်အရည်အချင်း အထင်အရှားရှိကြတယ်။ ဉာဏ်ပညာ ထက်မြက်တယ်။ စိတ်ဓာတ်မြင့်မားကြတယ်။ ဒါပေမယ့် ဝမ်းနည်းဖို့ ကောင်းတာက အဲ့ဒီကြယ် တွေဟာ တဖြုတ်ဖြုတ်နဲ့ ကြွေနေတယ်။ ဒါကြောင့် ကျမက ကြယ်တွေ ကြွေနေတဲ့ တိုင်းပြည်လို့ နာမည်ပေးထားတယ်။
    ၁၉၈၈ ခု စက်တင်ဘာ ၁၈ ရက် နေ့က အဖြစ်အပျက်တွေကို ပြောလိုက်တာနဲ့ လူတိုင်းမြင်ဖူးပြီးသား ဖြစ်တဲ့ ဓာတ်ပုံ တပုံ အကြောင်း ပြောပြချင်ပါတယ်။
    အဲဒီ ဓာတ်ပုံက သေနတ်မှန်ပြီး ဒဏ်ရာရနေတဲ့ အင်္ကျီအဖြူ လုံချည်အစိမ်းနဲ့ ကျောင်းသူလေးကို ဂျူတီကုတ်အဖြူဝတ် ထားတဲ့ ဆရာဝန်နှစ်ဦးက ဆွဲပြေးနေတဲ့ပုံပါ။ ဒီဓာတ်ပုံကိုမမြင်ဘူးတဲ့လူမရှိပါဘူး။ မြင်တဲ့လူတိုင်း ခံပြင်းဒေါသ ဖြစ်ကြ ပါတယ်။ အဲဒီဓာတ်ပုံထဲက ဆရာဝန်နှစ်ဦး ဘယ်ကိုရောက်သွားတယ်ဆိုတာ သိတဲ့လူနည်းမယ်လို့လည်း ကျမထင်ပါ တယ်။
    ရှေ့ကနေကျောင်းသူလေးရဲ့ ခြေထောက်ကို ဆွဲမထားတဲ့ဆရာဝန်ရဲ့ နာမည်က ဒေါက်တာစောလွင်၊ ခေါင်းကိုမထား တဲ့ ဆရာဝန်က ဒေါက်တာမင်းသိန်းဖြစ်ပါတယ်။ သူတို့နှစ်ဦးစလုံးဟာ ပညာချွန်သူတွေဖြစ်ကြပါတယ်။
    ဒေါက်တာစောလွင်ဟာ ဆယ်တန်းစာမေးပွဲအောင်တုန်းက သင်္ဃန်ကျွန်းတမြို့နယ်လုံးမှာ ပထမ ရခဲ့ပါတယ်။ သူ့အစ်မ ကလည်း ဆရာဝန်ပါပဲ။
    ဒေါက်တာမင်းသိန်းကလည်း ဆေးကျောင်းမှာ ထိပ်တန်းကကျောင်းသားပါ၊ သူ့ညီ ကိုဝင်းသိန်းလည်း ဆရာဝန် တယောက် ပါပဲ၊ သူတို့ရဲ့ဖခင်ကလည်း ဌာနတခုကညွှန်ကြားရေးမှူး အဆင့်ရှိတဲ့သူပါ။
    ဒေါက်တာမင်းသိန်းဟာ စစ်အာဏာသိမ်းပြီးတဲ့နောက်မှာ တောခိုသွားခဲ့ပါတယ်။ မြန်မာနိုင်ငံလုံးဆိုင်ရာ ကျောင်းသား များ ဒီမိုကရက်တစ် တပ်ဦး(ဗBှီင်္) မှာဆေးမှူးတာဝန် ထမ်းဆောင်ခဲ့ပြီး တာဝန်နဲ့ ပြည်တွင်းကို ပြန်ရောက်ခဲ့ပါ တယ်။
    အဲဒီ အချိန်အတွင်းမှာပဲ ဗိုလ်ချူပ်ခင်ညွန့်က တောတွင်းက ပြန်ရောက်လာသူတွေအနေနဲ့ နဝတ ကို သတင်းပို့ဖို့ လိုကြောင်း၊ သတင်းပို့လာခဲ့လျှင် အရေးမယူပါကြောင်း သတင်းစာ ရှင်းလင်းပွဲကနေ ပြောတာကြောင့်စိုးရိမ်တတ်တဲ့ ဒေါက်တာမင်းသိန်းရဲ့ အဖေက သူကိုယ်တိုင်စစ်ဒေသကို အကြောင်းကြားခဲ့ပါတယ်။ စစ်ဆေးဖို့ မခေါ်ခင်မှာ ဒေါက်တာ မင်းသိန်း က ဒေါက်တာ စောလွင်ကို သူတာဝန်နဲ့ ပြန်လာကြောင်းကို ပြောပြခဲ့ပါတယ်။ နောက်တနေ့မှာ ဒေါက်တာမင်းသိန်းကိုမေးမြန်း စရာရှိတယ်ဆိုပြီး ခေါ်သွားပါတော့တယ်။
    တပတ်လောက်ကြာတော့ ဒေါက်တာမင်းသိန်းကို ထောက်လှမ်းရေးစခန်းကနေ ပြန်လာပို့ပေးပါတယ်၊ မိဘတွေဆီ သေချာအပ်နှံသွားခဲ့ပါတယ်၊ သို့သော်လည်း ဒေါက်တာ မင်းသိန်းတယောက် ခြေလက်တွေဖောယောင်ပြီး ဆီးမသွား နိုင်တော့ပါ၊ ဒါကြောင့် ကိုဝင်းသိန်း (ဒေါက်တာ မင်းသိန်းရဲ့ညီ)က ဒေါက်တာ စောလွင်တို့ မောင်နှမကို အကြောင်း ကြားခဲ့ပါတယ်၊ ဒေါက်တာ စောလွင်ရောက်လာတော့ ဒေါက်တာ မင်းသိန်းက ပြောပြပါတယ်။ သူ့ကို ထောက်လှမ်းရေး က ဆေးတလုံး ထိုးပေးလိုက်တယ်တဲ့၊ ဘာဆေးလဲဆိုတာတော့ မပြောဘူးတဲ့၊ သူအခုဖြစ်နေတာတွေက အဲဒီ ဆေးကြောင့်ဖြစ်မယ်လို့ ဆိုပါတယ်။ အခုသူ ဗိုက်ကြီးတင်းနေပြီး အသက်ရှုရတာ ကြပ်နေတယ်လို့ ပြောပြခဲ့ပါတယ်။
    ဒေါက်တာစောလွင်နဲ့ ကိုဝင်းသိန်းကဆေးရုံတင်ဖို့ စီစဉ်နေစဉ်မှာပဲ ထောက်လှမ်းရေးက ဆေရုံတင်မယ်ဆိုရင် စစ်ဆေးရုံကိုပဲ တင်ခွင့်ရှိကြောင်း၊ စစ်ဆေးရုံမှာကုသဖို့ စီစဉ်ထားကြောင်း အကြောင်းကြားလာပါတယ်။ ဒေါက်တာ မင်းသိန်းက စစ်ဆေးရုံမှာဆိုရင် ဆေးကုမခံနိုင်ဘူးလို့ဆိုပြီး အိမ်မှာပဲနေမယ်လို့ ပြောပါတယ်၊ အဲဒါနဲ့ ဒေါက်တာ စောလွင်နဲ့ ကိုဝင်းသိန်းတို့ကပဲ ကုသပေးခဲ့ပါတယ်။ ဒေါက်တာ မင်းသိန်းဟာ ဘယ်ဆေးရုံကိုမှ တက်ရောက်ကုသခြင်း မရှိခဲ့ဘဲနောက်တနေ့မှာ ကွယ်လွန်ခဲ့ပါတယ်။
    ဒေါက်တာ မင်းသိန်းဆုံးလျှင်ဆုံးခြင်း ဒေါက်တာ စောလွင်နဲ့ ကိုဝင်းသိန်းတို့က သူတို့ရဲ့ ဆရာ ဆရာဝန်ကြီး တဦးကို အကြောင်းကြားပြီး အဲဒီ ဆရာကြီးနဲ့အတူ ရင်ခွဲစစ်ဆေးခဲ့ကြပါတယ်၊ အဖြေကတော့ ကျောက်ကပ် အရမ်းကြုံ့သွား တာတဲ့။ ဒေါက်တာ စောလွင်တို့က မျက်မြင်သက်သေ ဖြစ်ခဲ့ကြပါတယ်။ ဒါကို သိသွားတဲ့ ထောက်လှမ်းရေးက ရင်ခွဲ စစ်ဆေးတဲ့ ဆရာဝန်ကြီးကိုမပေါက် ကြားစေရပါဘူးဆိုပြီး လက်မှတ်ထိုးခိုင်းခဲ့လို့ ထိုးခဲ့ရပြီး ဒေါက်တာ စောလွင်က တော့ ထွက်ပြေးခဲ့ရပါတယ်။
    ဒေါက်တာ စောလွင်ထွက်ပြေးရတဲ့အတွက် သူ့ကို အားထားနေရတဲ့ ဆင်းရဲသားလူနာတွေ ဒုက္ခရောက်ခဲ့ကြရတာ ကျမမျက်မြင်ပါ၊ အဲဒီအချိန်က ဒေါက်တာစောလွင်ဆေးခန်းမှာ ကျမကူလုပ်ပေးခဲ့ပါတယ်၊ ဆင်းရဲတဲ့လူနာတွေကို ပိုက်ဆံမယူတဲ့အပြင် သူ့ရဲ့ဆေးဝါးတွေကိုပါ ပေးလိုက်ပါသေးတယ်။ ကင်ဆာ ဝေဒနာရှင် တဦးကိုလည်း ဆေးဖိုးဝါးခ အကုန်ခံပြီး ဆေးကုသ ပေးခဲ့တာကျမရှေ့တင်ပါ။
    ၁၉၉၄ ခုနှစ်ထဲမှာ ဒေါက်တာ စောလွင်ကြောင့် ပင်စင်ပေးခံခဲ့ရတဲ့ သူ့ရဲ့အဖေနှလုံးရောဂါနဲ့ ကွယ်လွန်ခဲ့ပါတယ်။ တိမ်းရှောင်နေတဲ့ ဒေါက်တာစောလွင်ပြန်ရောက်လာခဲ့ပါတယ်၊ ဘာမှထူးခြားမှုမရှိတဲ့အတွက် ထောက်လှမ်းရေး မေ့နေလောက်ပြီဆိုပြီး အစိုးရဆေးရုံမှာ အလုပ်လျှောက်ခဲ့ပါတယ်။ ဧရာဝတီတိုင်း ဘိုကလေးမြို့နယ် အတွင်းက တိုက်နယ်ဆေးရုံတရုံမှာ တာဝန်ကျခဲ့ပါတယ်၊ အစပိုင်းမှာ ဘာမှမဖြစ်ခဲ့ပေမယ့် နောက်ပိုင်းမှာတော့ ထောက်လှမ်းရေး က မကြာခဏ စစ်ဆေး မေးမြန်းခဲ့ပါတယ်။
    ၁၉၉၅ ခုနှစ်ထဲမှာ စစ်မေးတာ ပိုစိပ်လာပြီး စိတ်အနှောင့်အယှက်လည်း ပိုဖြစ်လာပါတယ်၊ မခံနိုင်တဲ့အဆုံးမှာ ဒေါ်အောင်ဆန်းစုကြည် ခေတ္တ လွတ်မြောက်စဉ်မှာ တွေ့ရအောင် ခွင့်ယူပြီးရန်ကုန်တက်လာ
ခဲ့ပါတယ်။ သို့သော် အန်တီနဲ့ မတွေ့ဖြစ်ခဲ့ပါ။ ဒါကြောင့် ဘိုကလေးကို ပြန်လာခဲ့ပါတယ်။ ဘိုကလေးကို ရောက်ရောက်ချင်း မဝတ အတွင်း ရေးမှူးက ခေါ်လို့သွားတဲ့အခါမှာ မဝတ ရုံးခန်းတွင်း စစ်ထောက်လှမ်းရေး ၃ ယောက်နဲ့ အချိန်အတော်ကြာ တွေ့ဆုံခဲ့ ရပါတယ်။ အဲဒီနောက်  ဒေါက်တာ စောလွင်တယောက် ညှိုးညှိုးငယ်ငယ်နဲ့အိမ်ပြန်လာခဲ့ပါတယ်။
    အတူနေသူတွေရဲ့ ပြောပြချက်အရ ဒေါက်တာ စောလွင်ဟာ စိတ်ဒုက္ခရောက်စရာရှိနေပုံ ရပါတယ်၊ သိသိသာသာ စကားနည်းသွားတယ်လို့လည်း ဆိုပါတယ်။ မေးရင်လည်း စကားလွှဲသွားပြီး ဘာမှသေချာမပြောခဲ့ပါဘူး။ အဲဒီလို မပြောတာကလဲဘယ်သူ့ကိုမှ သူလိုမဖြစ်စေချင်လို့ မပြောတာလို့ ယူဆရပါတယ်။
    အဲဒီနောက် ခွင့်ဆက်ယူပြီး ပစ္စည်းတွေသိမ်းဆည်းနေပါတယ်၊ ဒါပေမယ့် နောက်၂ ရက်အကြာမှာ ဆရာ ဒေါက်တာ စောလွင် အခန်းက တိတ်ဆိတ်နေပြီး လှုပ်ရှားသံမကြားရလို့ အတူနေသူတွေက စိုးရိမ်ပြီး တခါးဖျက်ဝင်ခဲ့ရာ သူ့ကိုယ်သူ ဆွဲကြိုးချ သတ်သေနေခဲ့ပါတယ်။ ဆရာ သေဆုံးရခြင်း အတွက် ကျမတကယ် နှမြောဝမ်းနည်းမိပါတယ်။ ဆရာဟာ လူတော်လူကောင်းတဦးပါ။
    ကျမတို့ ဗမာပြည်မှာကြယ်တွေကြွေနေပါတယ်၊ ဘယ်သူ့မှာတာဝန်ရှိပါသလဲ၊ အဖိုးတန် သားတွေဆုံးရှုံးရတဲ့ မိဘ တွေရဲ့ခံစားချက်က ဘယ်လောက်များနာကျင်နေမလဲ၊ ကျမတို့ရဲ့အဖိုးတန် လူငယ်တွေ ဘယ်လောက်အထိများ ဆုံးရှုံးနေရဦးမှာလဲ၏၏၏၏၏၏၏၏၏။
    ဒီဆောင်းပါးနဲ့ အညတြ သူရဲကောင်းများကို ဂုဏ်ပြုအပ်ပါတယ်။
ခင်ငြိမ်းသစ်
(၂ဝဝ၉ ခုနှစ်က ဧရာဝတီသတင်းဌာနတွင် ဖေါ်ပြခဲ့ပြီး သောဆောင်ပါးကို ပြန်လည်တင်ဆက်ပါသည်။)